అంధుడి పాత్రలో స్టార్ హీరో - సైఫ్​ కెరీర్​లో మరో మైల్​స్టోన్! - Saif Ali Khan Blind Role

Saif Ali Khan Blind Role : 'ఆదిపురుష్' సినిమాలో నటించి ప్రేక్షకులను మెప్పించిన బాలీవుడ్ నటుడు సైఫ్ అలీఖాన్ ఇప్పుడు మరో కొత్త ప్రయోగం చేసేందుకు సిద్ధమయ్యారట. ఆ విశేషాలు మీ కోసం.

Saif Ali Khan Blind Role : బాలీవుడ్​లో మేటి నటుల్లో సైఫ్ అలీఖాన్ ఒకరు. 90స్​ నుంచి తన నటనతో అభిమానులను అలరిస్తూ వస్తున్న ఆయన తన పాత్రలతో ఏదో ఒక కొత్తదాన్ని చూపిస్తుంటారు. హీరో, విలన్​ అనేది సంబంధం లేకుండా అన్ని రోల్స్​ను అలవోకగా చేస్తుంటారు. ఈ నేపథ్యంలో తాజాగా ఆయన మరో కొత్త ఎక్స్​పెరిమెంట్ చేయనున్నారట.

ఓ సినిమాలో అంధుడిగా కనిపించనున్నారట. ప్రస్తుతం ప్రీప్రొడక్షన్ దశలో ఉందని, త్వరలో అఫీషియల్ అనౌన్స్​మెంట్ ఇవ్వనున్నట్లు సమాచారం. స్క్రిప్ట్‌ కూడా సిద్ధంగా ఉంది. థ్రిల్లింగ్‌ ఎలిమెంట్స్​తో ఈ సినిమా రూపొందుతోంది. ఇది సైఫ్‌ అలీఖాన్‌కి మైలురాయిలా నిలిచిపోయే మూవీ అవుతుందని సినీ వర్గాల్లో టాక్ నడుస్తోంది.

ఇక సైఫ్​ 2023లో విడుదలైన 'ఆదిపురుష్' సినిమాలో కనిపించారు. అందులో ఆయన లంకేశ్​ (రావణుడు) పాత్రలో మెరిశారు. ఆ తర్వాత ఆయన తాజాగా 'దేవర' సినిమాకు సైన్ చేశారు. కొరటాల శివ తెరకెక్కిస్తున్న ఈ సినిమా ద్వారా సైఫ్​ టాలీవుడ్​లోకి ఎంట్రీ ఇస్తున్నారు. ఇందులో ఆయన భైరా అనే పాత్రలో కనిపించనున్నారు. ఆయన బర్త్​డే సందర్భంగా రిలీజ్ చేసిన పోస్టర్​ ద్వారా ఈ సినిమాపై మరింత అంచనాలు పెరిగాయి. దీంతో పాటు ఆయన 'జివల్ థీఫ్' అనే సినిమాలోనూ నటిస్తున్నారు. ప్రస్తుతం ఈ రెండు సినిమాలు షూటింగ్​ దశలో ఉన్నాయి.

ఇక దేవర సినిమా విషయానికి వస్తే, ఇందులో మ్యాన్ ఆఫ్ మాసెస్​ జూనియర్ ఎన్​టీఆర్​​ సరసన బాలీవుడ్ న‌టి జాన్వీ క‌పూర్ నటిస్తుండగా, సైఫ్ అలీఖాన్, షైన్ టామ్‌ చాకో లాంటి స్టార్స్ కీలక పాత్రలు పోషిస్తున్నారు. యువ‌సుధ ఆర్ట్స్, ఎన్​టీఆర్ ఆర్ట్స్ బ్యాన‌ర్ల‌పై ఈ సినిమాను మిక్కిలినేని సుధాకర్, నందమూరి కళ్యాణ్ రామ్​ సంయుక్తంగా నిర్మిస్తున్నారు. ఇప్పటికే పలు కీలక షెడ్యూల్స్ కంప్లీట్ చేసుకున్న ఈ చిత్రం అక్టోబర్ 10న ప్రేక్షకలు ముందుకు వచ్చేందుకు సిద్ధమవుతోంది. త్వరలో ఈ మూవీ నుంచి ఫస్ట్​ సింగిల్ విడుదల కానుంది.