Harshit Rana 3 Wicket Haul : ప్రతిష్ఠాత్మక ఛాంపియన్స్‌ ట్రోఫీ తొలి మ్యాచ్లోనే అదరగొట్టింది టీమ్ఇండియా. మొదటి నుంచి బంగ్లా బ్యాటర్లను కట్టడి చేస్తూ జట్టు విజయంలో కీలక పాత్ర పోషించారు మహ్మద్ షమీ, హర్షిత్ రాణా. అలా స్టార్ పేసర్ జస్ప్రీత్ బుమ్రా లేని లోటును ఈ ఇద్దరూ తీర్చారు.
ఇక ఇంగ్లాండ్‌తో జరిగిన వన్డే సిరీస్‌లో రాణించిన హర్షిత్ ఈ మ్యాచ్‌లోనూ అదే జోరును కొనసాగించాడు. అలా ప్రశంసలు అందుకుని నెట్టింట ట్రెండ్ అవుతున్నాడు. అయితే ఇక్కడే అతడి గణాంకాలపై ఓ లుక్కేయాలి. తనకు '3' నెంబర్తో ఓ ప్రత్యేకమైన అనుబంధం ఏర్పడింది. అదేంటంటే?
- గత ఐపీఎల్‌లో అదరగొట్టి టీమ్ఇండియాలోకి ఎంట్రీ ఇచ్చిన ఈ యంగ్ పేసర్ ఈ పేసర్ ఇటీవల అన్ని ఫార్మాట్లలో అరంగేట్రం చేసిన విషయం తెలిసిందే. అరంగేట్ర మ్యాచ్‌ల్లోనే అతడికి 'మూడు'తో బంధం మొదలైంది. ఆడిన ప్రతి తొలి మ్యాచ్‌లో అతడు మూడు వికెట్లు తీయడం విశేషం.
- పెర్త్‌ వేదికగా 2024 నవంబర్‌లో జరిగిన బోర్డర్‌-గావస్కర్‌ ట్రోఫీ ద్వారా టెస్టుల్లో అరంగేట్రం చేశాడు హర్షిత్ రాణా. అయితే ఆడిన తొలి మ్యాచ్ తొలి ఇన్నింగ్స్‌లోనే అతడు మూడు వికెట్లు పడగొట్టి అదరగొట్టాడు.
- గత నెల(జనవరి)లో ఇంగ్లాండ్‌పై టీ20ల్లో ఎంట్రీ ఇచ్చాడు. పుణె వేదికగా జరిగిన ఈ మ్యాచ్‌లో 33 పరుగులనిచ్చి మూడు వికెట్లు తీశాడు.
- నాగ్‌పుర్‌ వేదికగా ఫిబ్రవరి 6న ఇంగ్లాండ్‌తో జరిగిన తన తొలి వన్డే మ్యాచ్‌లో 53 పరుగులు సమర్పించుకుని మూడు వికెట్లు తీశాడు.
- ఇదిలా ఉండగా, ఐసీసీ ట్రోఫీలో మొదటి సారి ఆడుతున్న హర్షిత్, మరోసారి తొలి మ్యాచ్లోనే మూడు వికెట్లు పడగొట్టాడు. బంగ్లాపై తాజాగా జరిగిన తొలి మ్యాచ్‌లో 31 పరుగులు ఇచ్చి మూడు వికెట్లను తన ఖాతాలో వేసుకున్నాడు.
అలా ఈ లక్కీ '3'తో తనకున్న సంబంధం గురించి క్రీడాభిమానులు తెగ చర్చించుకుంటున్నారు. పలువురు ఈ విషయాన్ని సోషల్‌ మీడియాలో ట్రెండ్ చేస్తున్నారు. ఆదివారం పాకిస్థాన్‌తో జరగనున్న మ్యాచ్‌లోనూ తను ఇదే తీరులో చెలరేగాలని కోరుకుంటున్నారు.
అలా టీమ్ఇండియాలోకి
గత ఐపీఎల్‌లో కోల్‌కతా నైట్రైడర్స్ తరఫున అద్భుతంగా ఆడిన హర్షిత్, తన పెర్ఫామెన్స్తో టీమ్ఇండియా మేనేజ్మెంట్ దృష్టిలో పడ్డాడు. అలా నేషనల్ జెర్సీ ధరించి ఆస్ట్రేలియాతో సిరీస్‌లో టెస్టుల్లో అరంగేట్రం చేసే అవకాశాన్ని అందుకున్నాడు. ఆ తర్వాత పెర్త్‌ టెస్టు తొలి ఇన్నింగ్స్‌లో కీలకమైన మూడు వికెట్లు పడగొట్టి సత్తా చాటాడు. ట్రావిస్‌ హెడ్‌, మిచెల్‌ స్టార్క్‌, నాథన్‌ లైయన్‌ లాంటి స్టార్ క్రికెటర్ల వికెట్లు సంపాదించాడు. ఆ తర్వాత జరిగిన ప్రాక్టీస్‌ మ్యాచ్‌లోనూ 4/44 పెర్ఫామెన్స్తో చేసి ఆకట్టుకున్నాడు.
'పాత బాల్తో హర్షిత్ ఆట ప్రమాదకరం - అతడు బుమ్రా ప్లేస్ భర్తీ చేయడం కష్టం'
టీ20 మ్యాచ్‌లో హర్షిత్ కాంట్రవర్సీయల్ డెబ్యూ! - ఐసీసీ రూల్స్ ఏం చెబుతున్నాయంటే?
