Rishab Shetty Clarifies Controversy comments On Bollywood : 'కాంతార'తో ఒక్క సారిగా దేశ వ్యాప్తంగా వెలుగులోకి వచ్చి పుల్ క్రేజ్ సంపాదించుకున్నారు రిషభ్ శెట్టి. ఎటువంటి అంచనాలు లేకుండా వచ్చిన ఈ చిత్రం భారీ స్థాయిలో వసూళ్లను అందుకుని బ్లాక్ బస్టర్ హిట్గా నిలిచింది. అయితే రీసెంట్గా ఆయన బాలీవుడ్ను ఉద్దేశించి చేసిన కొన్ని వ్యాఖ్యలు వైరల్గా మారి చర్చనీయాంశమయ్యాయి. బాలీవుడ్ మన దేశాన్ని తక్కువ చేసి చూపించిందంటూ రిషభ్ చెప్పినట్లు వ్యాఖ్యలు బయటకు వచ్చాయి. తాజాగా ఈ కామెంట్స్పై రిషభ్ శెట్టి స్పందించారు. తన కామెంట్స్ను ట్విస్ట్ చేశారని చెప్పారు శెట్టి. తన మాటలను తప్పుగా అర్థం చేసుకున్నారని పేర్కొన్నారు.
తాజాగా ఐఫా(IIFA Utsavam 2024) వేడుకల్లో పాల్గొన్న రిషభ్ను పలువురు విలేకర్లు ఆ వివాదాస్పద వ్యాఖ్యలపై క్లారిటీ ఇవ్వాలని అడిగారు. అందుకు రిషభ్ స్పందించారు. "నా మాటలను తప్పుగా అర్థం చేసుకున్నారు. అసలు నా కామెంట్స్ను ట్విస్ట్ చేశారు. అసలు నా ఉద్దేశం వేరు. కచ్చితంగా ఈ విషయంపై నేను స్పష్టత ఇస్తాను. ఆ సమయంలో దీని గురించి పూర్తిగా మాట్లాడుదాం." అని అన్నారు.
కాగా, అబుదాబి వేదికగా జరిగిన ఐఫా వేడుకల్లో ఔట్ స్టాండింగ్ ఎక్సెలెన్స్‌ ఇన్‌ కన్నడ సినిమా పురస్కారాన్ని దక్కించుకున్నారు రిషభ్. ఈ సందర్భంగా ఆయన మాట్లాడుతూ తనపై అభిమానం చూపించిన ఫ్యాన్స్కు ప్రత్యేక కృతజ్ఞతలు తెలిపారు. ప్రేక్షకులను ఎంటర్‌టైన్‌ చేసేందుకు మరెన్నో అద్భుత సినిమాలను తెరకెక్కిస్తానని చెప్పారు.
Rishab Shetty Kantar Prequel : ఇక రిషభ్ శెట్టి సినిమాల విషయానికొస్తే - ఆయన ప్రస్తుతం 'కాంతార'కు ప్రీక్వెల్‌గా 'కాంతార: చాప్టర్‌ 1' సినిమా చేస్తున్నారు. ప్రస్తుతం ఇది చిత్రీకరణ దశలో ఉంది. ఓ పోస్టర్ను కూడా విడుదల చేశారు. కదంబుల కాలంలో సాగే ఆసక్తికర కథాంశంతో ఈ తొలి భాగం తెరకెక్కిస్తున్నారు. దీని కోసం రిషభ్ గత కొద్ది కాలంగా కలరియపట్టు యుద్ధ విద్యలో కఠిన శిక్షణ తీసుకుంటున్నారు.
బాలీవుడ్‌పై రిషబ్‌ శెట్టి వివాదాస్పద వ్యాఖ్యలు - ఏం అన్నారంటే? - Rishabh Shetty Controversy Comments
'దేవర' ఓపెనింగ్స్ - కళ్లు చెదిరే వసూళ్లు! - ఏకంగా ఎన్ని కోట్లంటే? - Devara First Day Collections
