Rashmika Mandanna Salman Khan Movie : నేషనల్ క్రష్ రష్మిక ఇప్పుడిప్పుడే బాలీవుడ్లో తనకంటూ ఒక గుర్తింపు తెచ్చుకుంటుంది. గతంలో పుష్పతో బాలీవుడ్కు పరిచయమైన రష్మిక ఆ తర్వాత మిస్టర్ మజ్ను, గుడ్బై సినిమాలతో డెరెక్ట్గా బీటౌన్లో అడుగుపెట్టింది. కానీ ఈ చిత్రాలు అంతగా ఆడలేదు. అనంతరం ఈ ముద్దుగుమ్మ యానిమాల్ లాంటి సూపర్ హిట్తో అక్కడి ప్రేక్షకులకు బాగా దగ్గరైంది. ఇందులో గీతాంజలిగా రణ్ బీర్ కపూర్తో పోటీపడి మరీ నటించి ఆడియెన్స్ను మెప్పించింది. ఇక ఇప్పుడు టాప్ డైరెక్టర్ మురుగదాస్ దర్శకత్వంలో సల్మాన్ ఖాన్ హీరోగా తెరకెక్కుతున్న సికందర్ మూవీలో హీరోయిన్గా ఛాన్స్ కొట్టేసింది. ఆ విషయాన్ని స్వయంగా రష్మిక తన సోషల్ మీడియా ఖాతాలో పోస్ట్ చేసుకుంది.
ఈ అవకాశం రావడం పట్ల సంతోషాన్ని వ్యక్తం చేసింది. ఈ చిత్రం రష్మికకు 25వ సినిమా. దీంతో బాలీవుడ్కు వెళ్లిన కొద్ది కాలంలోనే సల్మాన్ ఖాన్ లాంటి టాప్ హీరో సరసన నటించే అవకాశం రావడం రష్మిక కెరీర్కు బాగా ఉపయోగపడుతుందని ఫ్యాన్స్ అభిప్రాయపడుతున్నారు. మరి ఈ చిత్రంలో ఎటువంటి పాత్రతో ప్రేక్షకుల ముందుకు వస్తుందనేది చూడాలి. మొదట ఈ పాత్రకు కియారా అడ్వాణీని తీసుకుంటారని వార్తలు వచ్చాయి. అయితే ఇప్పుడు రష్మికను ఈ ప్రాజెక్టులో తీసుకుంటునట్లు సికందర్ మూవీ టీం కూడా అధికారికంగా ప్రకటించేసింది. ఇంకా హిందీలో మరో సినిమా కూడా చేస్తోంది రష్మిక. చావా అనే హిస్టారికల్ డ్రామాలో విక్కీ కౌశల్ సరసన నటిస్తోంది.
Rashmika Upcoming Movies : ప్రస్తుతం తెలుగులో రష్మిక పాన్ ఇండియా ఫిల్మ్ అయిన పుష్ప ది రూల్(Puhspa 2 Movie) సినిమాలోనూ నటిస్తోంది. మొదటిభాగంలో ఒక మధ్య తరగతి అమ్మాయిగా కనిపించిన శ్రీవల్లి రెండో భాగంలో డబ్బున్న మహిళగా కనిపించనుందని ఆ మూవీ పోస్టర్స్ చూస్తే తెలుస్తోంది. దీంతో పాటే ధనుశ్ హీరోగా శేఖర్ కమ్ముల దర్శకత్వంలో తెరకెక్కుతున్న కుబేరాలో కూడా హీరోయిన్గా నటిస్తోంది రష్మిక.
బుజ్జితల్లి ఫ్యాన్స్‌కు 'తండేల్' టీమ్ సర్ప్రైజ్ వీడియో - Happy Birthday Sai pallavi
