జపాన్​లో రష్మికకు గ్రాండ్ వెల్​కమ్ - ఫ్యాన్స్​ స్పెషల్​ సర్​ప్రైజ్​

Rashmika Mandanna Japan Visit : ప్రతిష్టాత్మక క్రంచీ యానిమీ అవార్డుల్లో భాగంగా భారత్​కు ప్రాతినిథ్యం వహిస్తోంది యంగ్​ బ్యూటీ రష్మిక. అయితే అక్కడి ఫ్యాన్స్ ఆమెను సర్​ప్రైజ్ చేశారు. ఇంతకీ ఏం జరిగిందంటే ?

Rashmika Mandanna Japan Visit : పుష్ప సినిమాతో నేషనల్ క్రష్ రష్మిక మందన్న కాస్త గ్లోబల్​ ఫేవరట్​గా మారింది. ఆ సినిమాలో తన నటనకు మెచ్చిన ఫ్యాన్స్ ఆమెను విపరీతంగా ఫాలో అవ్వడం మొదలెట్టారు. సోషల్ మీడియాలోనూ తన పోస్ట్​లకు లైక్స్​ కొడుతూ, షేర్​ చేస్తూ సందడి చేస్తుంటారు. అయితే ఇటీవలే రష్మికకు ఓ అరుదైన గౌరవం దక్కింది. 'క్రంచీరోల్ యానిమీ అవార్డ్స్‌' వేడుకకుగానూ భారత్ తరపున పాల్గొనేందుకు ఆమెను జపాన్​కు ఆహ్వానించారు. అలా ఈ గౌరవం దక్కిన ఏకైక నటిగా రష్మిక మందన్న రికార్డ్ క్రియేట్ చేసింది.

ఇక ఈ ఈవెంట్​ కోసం ఇటీవలే ఆమె జపాన్​కు వెళ్లగా అక్కడ ఫ్యాన్స్​ ఆమెకు గ్రాండ్ వెల్​కమ్​ చెప్పారు. రష్మిక ఫొటోస్‌తో డిజైన్ చేసిన కొన్ని ఫ్లకార్డులు పట్టుకుని ఎంతో ఉత్సాహంగా ఆహ్వానించారు. ఇదంతా చూసిన రష్మిక ఉప్పొంగిపోయారు. తనకు దక్కిన ఈ అభిమానం చూసి ఎమోషనలయ్యారు. ప్రస్తుతం దీనికి సంబంధించిన వీడియో సోషల్ మీడియాలో తెగ వైరల్​ అవుతోంది.

• 幸せな記憶…💐 お会いしたのはほんの僅かで、日本には貴方のファンが大勢います。日本のファンより愛をこめて🤍
  
  Happy memories...I felt your love @iamRashmika san💐 You have many fans in Japan, but only a few came to greet you.
  With love from your Japanese fans🤍#RashmikaMandanna pic.twitter.com/xXXcX0kWoj

  — ちひ 🔥東京KGF自主上映⚒ (@Chihhi_E) March 1, 2024

Rashmika Upcoming Movies : ఇక రష్మిక మూవీస్​ విషయానికి వస్తే- రష్మిక ప్రస్తుతం 'పుష్ప 2' సినిమాలో నటిస్తోంది. దీంతో పాటు ధనుశ్ నాగార్జున కాంబోలో తెరకెక్కుతున్న 'డీ 51' సినిమాలోనూ ఆమె కీలక పాత్ర పోషిస్తోంది. ప్రస్తుతం ఈ చిత్రాలు రెండూ శరవేగంగా షూటింగ్​ జరుపుకుంటున్నాయి. ఇక 'పుష్ప' ఈ ఏడాది ఆగస్ట్​ 15 థియేటర్లలోకి రానుండగా, ధనుశ్​ మూవీ మాత్రం తమ సినిమా టైటిల్​తో పాటు ఈ చిత్రం గురించి మరిన్ని అప్​డేట్స్​ ఇవ్వాల్సి ఉంది. ఈ రెండింటితో పాటు 'చిలసౌ' ఫేమ్​ డైరెక్టర్ రాహుల్ రవీంద్రన్ తెరకెక్కిస్తున్న 'ద గర్ల్​ఫ్రెండ్​' లో ఆమె లీడ్​ రోల్​ పోషిస్తోంది. టీజర్​ చూస్తే ఇది లేడీ ఓరియెంటెడ్​ సినిమాలా అనిపిస్తోందని ఫ్యాన్స్ అభిప్రాయపడుతున్నారు. ఆమె లైనప్​లో 'రెయిన్‌ బో' అనే సినిమా కూడా ఉంది.

రష్మిక సౌత్​తో పాటు నార్త్​లోనూ తన సత్తా చాటుతోంది. ఇటీవలే 'యానిమల్​'తో బీటౌన్​లో సెన్సేషన్​ క్రియేట్ చేసిన ఈ చిన్నది, ప్రస్తుతం లక్ష్మణ్‌ ఉటేకర్‌ తెరకెక్కిస్తున్న 'ఛావా' అనే సినిమాలో మెరిసింది. విక్కీ కౌశల్‌ సరసన ఆమె నటించింది. తాజాగా ఈ సినిమా షూటింగ్ పూర్తయ్యింది. ఛత్రపతి శివాజీ కుమారుడు శంభాజీ మహరాజ్‌ జీవితాధారంగా దీన్ని తెరకెక్కిస్తున్నారు.