Actress in Historical Period Films : ఒకప్పుడు హీరోయిన్స్ అనగానే అందాలను ఆరబోయడం, సాంగ్స్లో ఆడిపాడటం మాత్రమే ఉండేవి. కానీ ఇప్పుడంతా వారు తమ స్టార్‌డమ్‌తో సినీ ప్రియుల్ని థియేటర్లకు రప్పించి, బాక్సాఫీస్‌ ముందు కాసుల వర్షం కురిపిస్తున్నారు. ఓ వైపు స్టార్ హీరోల సినిమాల్లో హొయలొలికిస్తూ, అల్లరి పాత్రలతో గిలిగింతలు పెట్టిస్తూనే మరోవైపు లేడీ ఒరియెంటెడ్ చిత్రాలతోనూ దూసుకెళ్తున్నారు. ఇదే సమయంలో పలువురు హీరోల సినిమాల్లోనూ అందాల రాణుల్లా రాజసం ఒలికిస్తూ, వీరనారుల్లా సాహసాలు చేసేందుకు సిద్ధమవుతున్నారు. వారెవరంటే?
Rashmika Chava Movie : రష్మిక ఓ వైపు గ్లామర్‌ పాత్రలు చేస్తూనే మరోవైపు నటనా ప్రాధాన్యమున్న కథలతోనూ మెప్పిస్తోంది. సౌత్తో పాటు నార్త్లోనూ అవకాశాలను అందుకుంటోంది. అయితే ఇప్పుడామె 'ఛావా అనే హిస్టారికల్ సినిమాలో నటిస్తోంది. విక్కీ కౌశల్‌ ప్రధాన పాత్రలో ఛత్రపతి శివాజీ మహరాజ్‌ తనయుడు శంభాజీ మహరాజ్‌ జీవిత కథతో రానున్న సినిమాలో మహారాణిగా కనిపించనుంది. శంభాజీ పట్టమనిషిగా మహారాణి ఏసుబాయి పాత్రలో సందడి చేయనుంది. ఈ ఏడాది డిసెంబరు 6న సినిమా విడుదల కానుంది.
భీమ్లా నాయక్‌, సార్‌, విరూపాక్ష సినిమాలతో ఆకట్టుకున్న సంయుక్తా మేనన్‌, 'ఇస్మార్ట్‌ శంకర్‌', 'మాస్ట్రో' చిత్రాలతో మెప్పించిన నభా నటేష్‌ కలిసి చారిత్రక నేపథ్యమున్న స్వయంభూ చిత్రంలో నటిస్తున్నారు. నిఖిల్‌ హీరోగా నటిస్తున్న ఈ చిత్రానికి భరత్‌ కృష్ణమాచారి దర్శకత్వం వహిస్తున్నారు. ఈ చిత్రంలో హీరోయిన్లు ఇద్దరు యువ రాణుల పాత్రల్లో కనిపించనున్నారు.
Ritu Varma Swag Movie : తరతరాలుగా సాగుతున్న ఆడ, మగ ఆధిపత్య పోరును ఇతివృత్తంగా తీసుకుని తెరకెక్కిస్తున్న చిత్రం శ్వాగ్. శ్రీవిష్ణు హీరోగా వినోదాత్మక చిత్రంగా రానున్న ఈ చిత్రంలో రీతూ వర్మ, మగ వారిపై పగతో రగిలిపోయే వింజామర వంశ మహారాణి రుక్మిణీ దేవి పాత్రలో కనిపించనుంది. మగ వాడంటేనే పగ వాడు, వాడి ఉనికిని ఉండనిస్తామా అంటూ కత్తి పట్టింది. అక్టోబరు 4న ఈ చిత్రం రానుంది.
Nidhi Agarwal Hari Hara Veera Mallu : ఇస్మార్ట్‌ శంకర్‌, హీరో చిత్రాలతో ఆకట్టుకున్న నటి నిధి అగర్వాల్‌ పవన్ కల్యాణ్ హరి హర వీరమల్లులో రాణిగా అలరించనుంది. 17వ శతాబ్దం నాటి మొఘలు సామ్రాజ్య నేపథ్యంలో సినిమా సాగనుంది. ఇందులో నిధి పంచమి అనే యువరాణిగా కనిపించనుంది.
'ప్లీజ్ అలా అనొద్దు, అలాంటి పదాలు వాడొద్దు' : సంగీత దర్శకుడు తమన్‌ - Thaman GameChanger Movie
