Ram Pothineni New Movie : టాలీవుడ్ ఎనర్జిటిక్ హీరో రామ్ పోతినేని గురించి ప్రత్యేకంగా చెప్పనక్కర్లేదు. రిజల్ట్స్తో సంబంధం లేకుండా వరుసగా సినిమాలు చేస్తూ ప్రేక్షకుల్ని అలరిస్తుంటారు. ఆయన లుక్స్, యాక్టింగ్కు చాలా మంది ఫ్యాన్స్ ఉన్నారు. ఏ పాత్ర నటిస్తే ఆ పాత్రకు తగ్గట్టుగా తనని తాను మార్చుకోవడం రామ్ స్పెషాలిటీ.
గత ఏడాది ఆయన నుంచి వచ్చిన 'స్కంద' యావరేజ్ టాక్ అందుకున్నప్పటికీ, అందులోని రామ్ పాత్ర బాగా క్లిక్ అయ్యింది. అయినా అటు రాయలసీమ యాసలో, ఇటు తెలంగాణ యాసలో రెండు విభిన్నమైన పాత్రలు పోషించి ఆకట్టుకున్నారు. అయితే ప్రస్తుతం డబుల్ ఇస్మార్ట్తో బిజీగా ఉన్న రామ్ తాజాగా ఇప్పుడు హరీశ్ శంకర్ లాంటి స్టార్ డైరెక్టర్తో ఓ మూవీ చేయనున్నారనే వార్త ప్రచారంలోకి వచ్చింది. డైరెక్టర్ హరీశ్ శంకర్తో చేయనున్న మూవీ భారీ బడ్జెట్తో రూపొందనుందని అంటున్నారు.
కొన్ని రోజుల క్రితమే హరీశ్- రామ్ కలిసినట్లు, అప్పుడే ఈ మూవీ స్టోరీ లైన్ హరీశ్ చెప్పినట్లు తెలిసింది. అయితే ఈ విషయాన్ని హరీశ్గాని, రామ్ గాని ఇంకా అధికారికంగా ప్రకటించలేదు. రామ్ ప్రస్తుతం 'డబుల్ ఇస్మార్ట్' సినిమా షూటింగ్లో బిజీగా ఉన్నాడు. ఈ మూవీని పూరీ జగన్నాథ్ తెరకెక్కిస్తున్నారు.
అయితే చాలా కాలం క్రితమే ఈ షూటింగ్ ప్రారంభమైనా ఆర్థిక ఇబ్బందుల కారణంగా కొన్నాళ్లు షూటింగ్కు బ్రేక్ పడింది. రీసెంట్గా కొన్ని రోజుల క్రితమే ముంబయిలో మళ్లీ ఈ షూటింగ్ ప్రారంభమయింది. ఈ మూవీని ఛార్మి కౌర్ పూరీ కనెక్ట్స్ బ్యానర్లో నిర్మిస్తున్నారు. వచ్చే ఏడాది మార్చిలో ఈ చిత్రాన్ని విడుదల చేసే అవకాశం ఉంది.
మరోవైపు రామ్ నెట్ఫ్లిక్స్ వేదికగా రానున్న ఓ వెబ్ సిరీస్లోనూ నటించనున్నట్లు సమాచారం అందింది. ఈ వార్త నిజమైతే ఈ వెబ్ సిరీస్తో రామ్ ఓటీటీ తెరపై అడుగుపెట్టనున్నట్టు అవుతుంది. అయితే ఈ వెబ్ సిరీస్ వివరాలు పూర్తిగా తెలియాల్సి ఉంది. నెట్ఫ్లిక్స్ ఈ విషయాన్ని అధికారికంగా ప్రకటించాల్సి ఉంది.
'డబుల్ ఇస్మార్ట్' క్రేజీ అప్డేట్- రామ్ ఫ్యాన్స్లో జోష్ నింపిన పూరి - Double Ismart Shooting
'డబుల్ ఇస్మార్ట్' వరల్డ్లోకి రామ్ ఎంటర్.. ఫుల్ లుక్ ఛేంజ్!
