Rajinikanth New Movie with Mari Selvaraj : సూపర్ స్టార్ రజనీ కాంత్ సినిమాల విషయంలో సూపర్ ఫామ్లో ఉన్నారు. వరుస సినిమాలు చేస్తూ కెరీర్లో జోరు ప్రదర్శిస్తున్నారు. ప్రస్తుతం ఆయన ఈ దసరా పండక్కి 'వేట్టయాన్' చిత్రంతో ప్రేక్షకుల్ని పలకరించనున్న సంగతి తెలిసిందే. ఆ వెంటనే లోకేశ్ కనగరాజ్ దర్శకత్వంలో 'కూలీ'తో రానున్నారు. ప్రస్తుతం ఈ మూవీ చిత్రీకరణ దశలో ఉంది.
మరోవైపు జైలర్‌ 2ను సెట్స్పైకి తీసుకెళ్లేందుకు సన్నాహాలు చేస్తున్నారు. అయితే ఇప్పుడు మరో కొత్త కథ విషయమై చర్చలు జరుపుతున్నట్లు తెలిసింది. ఓ యువ దర్శకుడితో చర్చలు జరుగుతున్నాయట. ఆయన మరెవరో కాదు 'కర్ణన్‌', 'మామన్నన్‌' చిత్రాలతో ఆడియెన్స్ను అలరించిన దర్శకుడు మారి సెల్వరాజ్.
మారి సెల్వరాజ్ ప్రస్తుతం రజనీ కాంత్తో ఓ మూవీ చేసేందుకు కథా చర్చలు జరుపుతున్నారట. ఈ విషయాన్ని తాజాగా స్వయంగా ఆయనే చెప్పారు. "రజనీ కాంత్కు నేను అంటే ఇష్టం. నా గత చిత్రాలు 'కర్ణన్‌', 'మామన్నన్‌' చూశారు. ఆ తర్వాత ఫోన్‌ చేసి ప్రత్యేకంగా అభినందించారు. మేమిద్దరం కలిసి ఓ చిత్రం చేయాలని అనుకుంటున్నాం. ప్రస్తుతానికైతే కథా చర్చలు జరుగుతున్నాయి" అని తెలిపారు మారి సెల్వరాజ్.
ప్రస్తుతం మారి సెల్వరాజ్ తెరకెక్కించిన 'వాజై' చిత్రం రిలీజ్కు రెడీ అవుతోంది. మరో సినిమా 'బైసన్‌' 70 శాతం షూటింగ్ను పూర్తి చేసుకుంది.
Rajinikanth Vettaiyan Movie : ఇక రజనీ కాంత్ వేట్టయాన్ సినిమా విషయానికొస్తే 'జై భీమ్‌' సక్సెస్ తర్వాత టి.జె.జ్ఞానవేల్‌ తెరకెక్కించిన పాన్‌ ఇండియా చిత్రమిది. లైకా ప్రొడక్షన్స్‌ సంస్థ ప్రొడ్యూస్ చేసింది. అమితాబ్‌ బచ్చన్, ఫహాద్‌ ఫాజిల్, రానా తదితరులు కీలక పాత్రలు పోషించారు. దసరా కానుకగా అక్టోబరు 10న రిలీజ్ కానుంది.
Rajinikanth Coolie Movie : కూలి సినిమా విషయానికొస్తే లోకేశ్ కనగరాజ్ దర్శకత్వంలో తెరకెక్కుతోంది. ఇది రజనీ 171వ చిత్రం. సన్‌ పిక్చర్స్‌ నిర్మిస్తోంది. అక్రమ రవాణా మాఫియా బ్యాక్డ్రాప్తో ఈ చిత్రం రూపొందుతున్నట్టు తెలుస్తోంది.
'దసరా' ధూమ్‌ధామ్‌ - థియేటర్లు దద్దరిల్లేలా ఐదు బడా సినిమాలు! - Dasara 2024 Box Office War
కేవలం రూ. 2 కోట్ల కలెక్షన్స్ - ఆ ఒక్క సినిమాతో రజనీ బీటౌన్ కెరీర్ డౌన్!
