Rajinikanth Lokesh Kangaraj Thalaivar Movie 171 Title : లోకేశ్ కనగరాజ్ దర్శకత్వంలో రజనీకాంత్‌ కథానాయకుడిగా ఓ చిత్రం తెరకెక్కనున్న సంగతి తెలిసిందే. రజనీ 171వ సినిమాగా ఇది రూపొందుతోంది. ముందుగా చెప్పినట్టుగానే తాజాగా ఈ సినిమా టైటిల్ టీజర్ను రివీల్ చేశారు మేకర్స్. మొదట తంగమ్‌, రాణా తదితర పేర్లు ప్రచారంలోకి వచ్చాయి. కానీ ఇవి కాకుండా ఎవరూ ఉహించని విధంగా కూలి అనే టైటిల్ను ఖరారు చేశారు మేకర్స్. ఈ టైటిల్ గ్లింప్స్ ఆద్యంతం ఫైటింగ్ సీక్వెన్స్తో అదిరిపోయింది. ఇందులో రజనీ స్టైల్ ఆటిట్యూడ్ ఫైటింగ్, డైలాగ్స్ అదిరిపోయాయి. ఈ ప్రచార చిత్రం చూస్తుంటే బంగారం స్మగ్లింగ్ బ్యాక్ డ్రాప్లో ఈ మూవీ తెరకెక్కనుందని అర్థమవుతోంది.
కాగా, కోలీవుడ్లో ఖైదీ, విక్రమ్ వంటి బ్లాక్ బస్టర్లతో స్టార్ డైరెక్టర్గా గుర్తింపు తెచ్చుకున్నారు లోకేశ్ కనగరాజ్. అయితే ఆయన చివరిగా తెరకెక్కించిన లియో సినిమా మాత్రం కాస్త మిక్స్డ్ టాక్ తెచ్చుకుంది. దీంతో రజనీ 171 స్క్రిప్ట్ విషయంలో చాలా జాగ్రత్తలు తీసుకుని సినిమాను తీర్చిదిద్దుతున్నారట.
"ఇదొక ప్రయోగాత్మక చిత్రం. ఇందులో రజనీ కాంత్‌ పాత్ర మునుపెన్నడూ చూడనివిధంగా ఉంటుంది. కాస్త నెగెటివ్‌ షేడ్స్‌ ఉన్న పాత్రలో ఆయన కనిపించే ఛాన్స్ ఉంది. ఇది పూర్తిస్థాయి యాక్షన్ ఎంటర్‌టైనర్‌ మూవీ. నా గత చిత్రాల్లో చూపించినట్లు మాదక ద్రవ్యాలను చూపించను" అని పేర్కొన్నారు.
కీలక పాత్రలో నాగార్జున - ఇకపోతే ఈ చిత్రం మల్టీస్టారర్గా తెరకెక్కబోతోందని తెలుస్తోంది. ఇందులో టాలీవుడ్ స్టార్ హీరో నాగార్జున ఓ కీలక పాత్రని పోషిస్తున్నారని తమిళ సినీ వర్గాలు మాట్లాడుకుంటున్నాయి. రీసెంట్గానే లోకేశ్ కనగరాజ్ హైదరాబాద్‌కు వచ్చి నాగార్జునతో భేటీ కావడం ప్రాధాన్యం సంతరించుకుంది. ఇంకా ఈ చిత్రంలో రజనీకాంత్‌కు కూతురు పాత్ర కోసం శ్రుతిహాసన్ను తీసుకున్నట్లు తెలుస్తోంది. త్వరలోనే ఈ విషయాలపై మరింత స్పష్టత వచ్చే అవకాశాలున్నాయి. కాగా, నాగార్జున ఇప్పటికే ధనుశ్తో కలిసి, శేఖర్‌ కమ్ముల దర్శకత్వంలో కుబేర చిత్రంలో నటిస్తున్నారు.
- " class="align-text-top noRightClick twitterSection" data="">
ఓటీటీలో వచ్చేసినా థియేటర్లలో తగ్గని హనుమాన్ క్రేజ్ - 25 సెంటర్లలో 100 రోజులుగా! - Hanuman 100 Days
