Pushpa 2 Overseas Booking : ఐకాన్స్టార్ అల్లు అర్జున్ 'పుష్ప 2' రిలీజ్ డేట్ దగ్గర పడుతున్నా కొద్దీ ఫ్యాన్స్లో ఉత్కంఠ పెరిగిపోతోంది. మరో 30 రోజుల్లో థియేటర్లలో 'పుష్ప' రూల్ ప్రారంభం కానుంది. భారీ బడ్జెట్తో తెరకెక్కిన ఈ సినిమా బాక్సాఫీస్ వద్ద రికార్డులు సృష్టించడం ఖాయమని సినీవర్గాల టాక్. ఈ నేపథ్యంలో రిలీజ్కు ముందే 'పుష్ప పార్ట్ 1' రికార్డును పార్ట్ 2 తాజాగా బ్రేక్ చేసింది.
ఈ సినిమా ఓవర్సీస్ బుకింగ్స్లో దూసుకెళ్తోంది. ముఖ్యంగా నార్త్ అమెరికాలో ప్రీ బుకింగ్స్లో భారీ స్థాయిలో కలెక్షన్లు సాధిస్తోంది. మంగళవారం (05/11) నాటికి 'పుష్ప 2', ప్రీ బుకింగ్స్ ద్వారా 4లక్షల డాలర్లు వసూల్ చేసింది. మొత్తం 2750 షోలకు గాను, దాదాపు 15వేల టికెట్లు అమ్ముడైనట్లు తెలుస్తోంది. అయితే రిలీజ్కు ఇంకా 30 రోజుల సమయం ఉండడం వల్ల సేల్స్ ఇంకా పెరిగే ఛాన్స్ ఉంది. ఇక కెనడాలో ఈ సినిమా బుకింగ్స్ ఇంకా ప్రారంభం కాలేదు.
రికార్డ్ బ్రేక్
కాగా, ఇదే నార్త్ అమెరికాలో 'పుష్ప పార్ట్ 1' లాంగ్ రన్లో మొత్తం 4లక్షల డాలర్లు వసూల్ చేసింది. తాజాగా 'పుష్ప ది రూల్' ఈ సంఖ్యను దాటేసింది. రిలీజ్కు నెల రోజుల సమయం ఉండగానే పార్ట్ 1 ఓవర్సీస్ కలెక్షన్ల రికార్డ్ బ్రేక్ చేసింది.
పుష్ప vs పుష్ప
పుష్ప పార్ట్ 2పై డైరెక్టర్ సుకుమార్ ఇంట్రెస్టింగ్ కామెంట్స్ చేశారు. పుష్ప పార్ట్ 1 కంటే సీక్వెల్లో చాలా మంచి సీన్స్ ఉంటాయని ఆయన అన్నారు. ప్రేక్షకులకు ఇది పుష్ప వర్సెస్ పుష్పలాగ అనిపిస్తుందని పేర్కొన్నారు. అలాగే పుష్ప రాజ్ - బన్వర్ సింగ్ మధ్య సీన్స్ నెక్ట్స్ లెవెల్లో ఉంటాయని సుకుమార్ సినిమాపై హైప్ పెంచేశారు.
కాగా, డైరెక్టర్ సుకుమార్ అత్యంత ప్రతిష్ఠాత్మకంగా దీన్ని తెరకెక్కిస్తున్నారు. రష్మిక మందన్నా హీరోయిన్గా నటిస్తుండగా, ఫాహద్ ఫాజిల్, అనసూయ భరద్వాజ్ కీలక పాత్రలు పోషిస్తున్నారు. రాక్స్టార్ దేవీశ్రీ ప్రసాద్ సంగీతం అందిస్తున్నారు. ఇప్పటికే రిలీజైన రెండు పాటలు చాట్ బస్టర్ అయ్యాయి. ఇక ఈ సినిమా డిసెంబర్ 5న వరల్డ్వైడ్ గ్రాండ్గా రిలీజ్ కానుంది.
