TFIలోనే తొలి సినిమాగా రికార్డ్- ఇదీ 'పుష్ప రాజ్​' బ్రాండూ!

రిలీజ్​కు ముందే పుష్ప రికార్డులు- టాలీవుడ్​లో తొలి సినిమాగా ఘనత- ఏంటంటే?

Pushpa 2 Teaser : ఐకాన్​స్టార్ అల్లు అర్జున్ 'పుష్ప 2' రిలీజ్ డేట్ దగ్గర పడుతున్నా కొద్దీ ఫ్యాన్స్​లో ఉత్కంఠ పెరిగిపోతోంది. భారీ బడ్జెట్​తో తెరకెక్కిన ఈ సినిమా బాక్సాఫీస్ వద్ద రికార్డులు సృష్టించడం ఖాయమని సినీవర్గాలు టాక్. అయితే ఈ సినిమా రిలీజ్​కు ముందే ఓ అరుదైన రికార్డు సాధించింది. తెలుగు చిత్రపరిశ్రమలో ఏ సినిమా సాధించని ఘనత పుష్ప 2 అందుకుంది. అదేంటంటే

బన్నీ బర్త్​ డే సందర్భంగా పుష్ప మేకర్స్ 2024 ఏప్రిల్ 8న ఈ సినిమా టీజర్ రిలీజ్ చేశారు. గంగమ్మ జాతర ఫైట్​ సీన్​తో ఈ టీజర్ సినిమాపై అంచనాలు అమాంతం పెంచేసింది. తాజాగా ఈ టీజర్ యూట్యూబ్​లో అన్ని భాషల్లో కలిపి 150 మిలియన్ వ్యూస్ దక్కించుకుంది. కేవలం తెలుగులోనే దాదాపు 120 మిలియన్​ వ్యూస్ రావడం విశేషం. దీంతో టాలీవుడ్​లోనే అత్యధిక వ్యూస్ సాధించిన టీజర్​గా పుష్ప 2 రికార్డు కొట్టింది. ఈ మేరకు మేకర్స్​ సోషల్ మీడియా ద్వారా షేర్ చేసుకున్నారు.

#Pushpa2TheRule becomes the first ever teaser from TFI to hit 150 MILLION+ views 💥💥

▶️ https://t.co/5Mvmxzyfrp#Pushpa2TheRule GRAND RELEASE WORLDWIDE ON 5th DECEMBER 2024 ❤‍🔥#Pushpa2TheRuleOnDec5th 🤙🔥

Icon Star @alluarjun @iamRashmika @aryasukku #FahadhFaasil… pic.twitter.com/s7C9oMepOq

— Pushpa (@PushpaMovie) October 26, 2024

అది కూడా రికార్డే!
అలాగే ఈ సినిమా రిలీజ్ రోజే మరో అదుదైన రికార్డు ఖాతాలో వేసుకోనుంది. ఈ సినిమాను వరల్డ్​వైడ్​గా 11,500 స్ర్రీన్లలో రిలీజ్ చేయనున్నట్లు మేకర్స్ తెలిపారు. తెలుగు సహా ఆరు భాషల్లో కలిపి ప్రపంచవ్యాప్తంగా ఈ సినిమా 11,500 స్ర్రీన్లలో విడుదల కానుంది. అందులో భారత్​లో 6500 కాగా, ఓవర్సీస్​లో 5000 స్క్రీన్లు ఉన్నాయి. అయితే అల్లు అర్జున్​కు వరల్డ్​వైడ్​గా ఉన్న ఫ్యాన్స్​ను దృష్టిలో ఉంచుకొని మేకర్స్ ఈ నిర్ణయం తీసుకున్నట్లు తెలుస్తోంది. అలాగే ఇప్పటివరకు భారతీయ సినీ చరిత్రలో ఏ సినిమా కూడా ఇన్ని స్క్రీన్లలో రిలీజ్ కాలేదని విశ్లేషకులు అంటున్న మాట. దీంతో 'పుష్ప 2' ఓపెనింగ్ డే రోజే మరో రికార్డు సృష్టించడం లాంఛనమే.

కాగా, డైరెక్టర్ సుకుమార్ అత్యంత ప్రతిష్ఠాత్మకంగా దీన్ని తెరకెక్కిస్తున్నారు. రష్మిక మందన్నా హీరోయిన్​గా నటిస్తుండగా, ఫాహద్ ఫాజిల్, అనసూయ భరద్వాజ్ కీలక పాత్రలు పోషిస్తున్నారు. రాక్​స్టార్ దేవీశ్రీ ప్రసాద్ సంగీతం అందిస్తున్నారు. ఇప్పటికే రిలీజైన రెండు పాటలు చాట్ బస్టర్ అయ్యాయి. ఇక ఈ సినిమా డిసెంబర్ 5న వరల్డ్​వైడ్ గ్రాండ్​గా రిలీజ్ కానుంది.