Fahadh Faasil Bollywood Movie : ఓ వైపు హీరోగా, మరోవైపు విలన్గా, ఇంకోవైపు కీలకమైన పాత్రల్లో - ఇలా వైవిధ్యమైన రోల్స్ చేస్తూ ప్రేక్షకుల్ని అలరిస్తుంటారు మలయాళ స్టార్ యాక్టర్ ఫహాద్ ఫాజిల్‌. ముఖ్యంగా పుష్ప సిరీస్లో విలన్గా నటించి తెలుగు ప్రేక్షకులకు మరింత దగ్గరైన ఫహాద్, త్వరలోనే బాలీవుడ్‌లోకి అడుగుపెడుతున్నట్లు గత కొద్ది రోజులుగా వార్తలు వస్తోన్న సంగతి తెలిసిందే. ఇప్పుడీ సినిమా గురించి మరో ఆసక్తికరమైన అప్డేట్ బయటికొచ్చింది.
తాజాగా ఈ ప్రాజెక్టుకు 'ఇడియట్స్‌ ఆఫ్‌ ఇస్తాంబుల్‌' అనే పేరును ఖరారు చేసినట్లు తెలిసింది. ఇంతియాజ్‌ అలీ దీనిని తెరకెక్కిస్తున్నారు. సినిమాలో ఫహాద్ సరసన యానిమల్ బ్యూటీ త్రిప్తి దిమ్రీ కనిపించనుందని టాక్ వినిపిస్తోంది.
ఈ సినిమాను రొమాంటిక్‌ కామెడీగా తీర్చిదిద్దుతున్నట్లు తెలిసింది. చిత్రంలో ఫహాద్, త్రిప్తిల జోడీ తెరపై ఆకర్షణీయంగా కనిపిస్తుందని, త్వరలో పూర్తి వివరాల్ని వెల్లడించనున్నారని చిత్ర సన్నిహిత వర్గాలు చెప్పాయి. ఇప్పటికే ప్రీ-ప్రొడక్షన్‌ పనులు ప్రారంభించుకుందట. ఇక ఈ సినిమా చిత్రీకరణ వచ్చే ఏడాది ప్రథమార్ధంలో మొదలు కానుందని సమాచారం అందింది.
Fahadh Faasil Upcoming Movies : ఇకపోతే ప్రస్తుతం ఫహాద్ ఫాజిల్‌ చేతిలో ఐదు చిత్రాలు ఉన్నాయి. రీసెంట్గా రజనీ కాంత్ వేట్టాయన్ చిత్రంతో ప్రేక్షకులను అలరించిన ఆయన, ఇప్పుడు ఒడుమ్ కుథిరా చాడుమ్ కుథిరా, డోంట్ ట్రబుల్ట ట్రబుల్, మారీసన్, కరాటే చంద్రన్, ఎమ్ఎమ్ఎమ్ఎన్ సినిమాల్లో నటిస్తున్నారు. త్వరలోనే ఇవి ప్రేక్షకుల ముందుకు రానున్నాయి. యానిమల్ భామ త్రిప్తి దిమ్రీ విషయానికొస్తే, రీసెంట్గా భూల్ భులయ్య 3లో కనిపించిన ఈ ముద్దుగుమ్మ ప్రస్తుతం 'ధడక్ 2' చిత్రంలో నటిస్తోంది. ఈ సినిమా వచ్చే ఏడాది విడుదల అయ్యే అవకాశం ఉంది.
'పుష్ప 2' : 6 రోజుల్లోనే రూ.1000 కోట్లు - ఇండియన్ సినీ హిస్టరీలో ఆల్ టైమ్ రికార్డ్
'అఖండ 2' రిలీజ్ డేట్ ఫిక్స్ - బాలయ్య డైలాగ్తో కొత్త ప్రోమో అదిరింది
