Prabhas Spirit Shooting Update : రెబల్ స్టార్ ప్రభాస్ లీడ్ రోల్లో డైరెక్టర్ సందీప్ రెడ్డి వంగా రూపొందిచనున్న లేటెస్ట్ మూవీ 'స్పిరిట్'. తాజాగా డైరెక్టర్ ఇచ్చిన స్పెషల్ అప్డేట్తో ఈ సినిమాపై బజ్ క్రియేట్ అవ్వగా, ఇప్పుడు నిర్మాత భూషణ్‌కుమార్‌ కూడా 'స్పిరిట్' గురించి ఓ ఇంట్రెస్టింగ్ విషయం చెప్పుకొచ్చారు. బాలీవుడ్ మూవీ 'భూల్‌ భూలయ్యా 3' ప్రమోషన్స్లో భాగంగా జరిగిన ఓ ఇంటర్వ్యూలో ఆయన 'స్పిరిట్' షూటింగ్ గురించి మాట్లాడారు.
"మా టీమ్ అంతా ప్రస్తుతం 'స్పిరిట్' పనుల్లోనే బిజీగా ఉన్నాం. అందులో నటించేవారిని ఇంకా ఫైనలైజ్ చేయలేదు. త్వరలోనే ఆ ప్రాసెస్ను ప్రారంభించనున్నాం. డిసెంబర్‌ చివరి కల్ల షూటింగ్ మొదలుపెట్టేందుకు ప్లాన్ చేస్తున్నాం. ఆ తర్వాత ఆరు నెలల గ్యాప్లోనే సందీప్ 'యానిమల్‌ పార్క్‌'ను స్టార్ట్ చేశారు" అని భూషణ్ కుమార్ చెప్పుకొచ్చారు.
పండుగ రోజు మ్యూజిక్ పనులు
తాజాగా దీపావళి సందర్భంగా 'స్పిరిట్' మ్యూజిక్ పనులు మొదలయ్యాయంటూ మూవీ టీమ్ ఓ స్పెషల్ వీడియో పోస్ట్ చేసింది. స్టార్ మ్యూజిక్ డైరెక్టర్ హర్షవర్ధన్‌ రామేశ్వర్‌ ఆ వీడియోను ట్విట్టర్లో షేర్ చేశారు. హర్షవర్ధన్‌, సందీప్ ట్యూన్స్‌ ఎంజాయ్‌ చేస్తూ కనిపించిన ఆ గ్లింప్స్ నెట్టింట తెగ ట్రెండ్ అవుతోంది. అయితే ఈ సినిమా గురించి గతంలో డైరెక్టర్ సందీప్ కూడా మాట్లాడారు. ఫస్ట్ డే ఈ సినిమా కచ్చితంగా రూ.150కోట్లు వసూళ్లు చేయడం ఖాయమంటూ చెప్పుకొచ్చారు. అంతేకాకుండా 'స్పిరిట్'లో హీరో ప్రభాస్ డిఫరెంట్ లుక్స్లో కనిపిస్తారని అన్నారు. ప్రభాస్ను గత 24 సినిమాల్లో ప్రేక్షకులు ఒకలా చూశారని, ఇప్పుడు మరో రేంజ్లో చూస్తారని హామీ ఇచ్చారు. అంతేకాకుండా ప్రభాస్‌లో చాలా స్పెషాలిటీస్ ఉన్నాయని కొనియాడారు. ఆయన్ను తెరపై చూపించే విధానం ఆడియన్స్‌కు నచ్చితే చాలని, ఈ సినిమా కచ్చితంగా సక్సెస్ అవుతుందని ధీమా వ్యక్తం చేశారు.
పోలీస్ నుంచి మరో పాత్రకు!
మరోవైపు 'స్పిరిట్' సినిమాలో ప్రభాస్ పోలీస్గానే కాకుండా మరో విభిన్న షేడ్స్ ఉన్న పాత్రలో కనిపించనున్నారట. మొదట్లో పోలీస్గా ఉన్న ప్రభాస్, స్టోరీలోని ట్విస్ట్ కారణంగా ఓ గ్యాంగ్స్టర్గా అవుతారని తెలుస్తోంది. అయితే ఈ విషయంపై ఇంకా అధికారిక సమాచారం రాలేదు. కానీ అభిమానులు మాత్రం ప్రభాస్ ఆ రోల్ కూడా బాగా సూట్ అవుతారని ఆనందం వ్యక్తం చేస్తున్నారు.
ప్రభాస్ 'స్పిరిట్'లో మరో ఇద్దరు బడా హీరోలు! - ఎవరంటే?
'స్పిరిట్' బడ్జెట్పై లేటెస్ట్ బజ్ - ఏకంగా ఎన్ని వందల కోట్లంటే? - Spirit Movie Budget
