వీరమల్లు రిలీజ్ డేట్ ఇదే - చిక్కుల్లో పడ్డ ఓజీ - Pawankalyan

Pawankalyan Hari Hara Veeramallu Release Date : పవన్ కళ్యాణ్ హీరోగా తెరకెక్కుతున్న హరి హర వీరమల్లు రిలీజ్ డేట్​తో పాటు ఓజీ రిలీజ్ డేట్​ గురించి కూడా ఇంట్రెస్టింగ్ అప్డేట్ సమాచారం అందుతోంది. పూర్తి వివరాలు స్టోరీలో.

Pawankalyan Hari Hara Veeramallu Release Date : పవన్ కళ్యాణ్ ఫ్యాన్స్​కు ఈ ఏడాది ఎన్నికల పండగతో పాటు మరో రెండు పండగలు కూడా ఉన్నాయి. ఇప్పటికే ఓజీ ఈ ఏడాది సెప్టెంబర్​లో విడుదల కానుందని సమాచారం. తాజాగా టీజర్ విడుదలైన హరి హర వీరమల్లు మూవీ కూడా ఈ ఏడాది రిలీజ్ అవుతుందని అంటున్నారు. అయితే రెండు చిత్రాల విడుదల తేదీపై ఇంకా క్లారిటీ లేదు.

వీరమల్లు విషయానికి వస్తే ఇప్పటివరకు క్రిష్ ఆ మూవీ దర్శకత్వ బాధ్యతలు తీసుకున్నారు. ఇకపై దర్శకత్వ బాధ్యతలు కొత్త దర్శకుడు జ్యోతి కృష్ణ తీసుకుంటారు. ఇప్పటికే విడుదలైన టీజర్, పోస్టర్లకు మంచి రెస్పాన్స్ వచ్చింది. ఈ చిత్రం ఈ ఏడాది డిసెంబర్ 20 లేదా ఆపైన క్రిస్టమస్​కు విడుదల కావొచ్చనే వార్తలు జోరుగా ప్రచారం అవుతున్నాయి. ఎన్నికల సందడి ముగిసిన తర్వాత మిగిలిన షూటింగ్ ప్రారంభంకానుంది. ఈ మూవీకి కీరవాణి సంగీతం అందిస్తున్నారు. ఇందులో పవన్ కళ్యాణ్ సరసన నిధి అగర్వాల్, జాక్వలైన్ ఫెర్నాండెజ్ నటిస్తున్నారు. బాలీవుడ్ నటుడు బాబీ డియోల్ ఒక కీలక పాత్రలో కనిపించనున్నాడు.

• " class="align-text-top noRightClick twitterSection" data="">

పాన్ ఇండియా మూవీగా విడుదల కానున్న ఓజి చిత్రానికి సుజిత్ దర్శకత్వం వహిస్తున్నారు. ఈ మూవీ మొదట ఏప్రిల్ 3 న విడుదల అవుతుందని అన్నారు. కానీ ఆ తర్వాత సెప్టెంబర్ 27న విడుదల కానుందని ప్రచారం చేశారు. అయితే ఓటీటీ డీల్ లో జాప్యం కారణంగా ఆ తేదీకి సినిమా విడుదల అవుతుందా లేదా అనేది తేలాల్సి ఉంది. భారీ హైప్ ఉన్న ఈ చిత్రానికి ఓటీటీ డీల్ ఇప్పటివరకు కాకపోవడం ఫ్యాన్స్​ను ఆశ్చర్యానికి గురి చేసింది. 250 కోట్ల భారీ బడ్జెట్ తో తెరకెక్కుతున్న ఈ సినిమాలో బాలీవుడ్ హీరో ఇమ్రాన్ హష్మి ముఖ్య పాత్రలో నటిస్తున్నాడు. ఈ మూవీలో ప్రియాంక అరుల్ మోహన్ హీరోయిన్ గా నటిస్తుంది. మరో ప్రధాన పాత్రలో శ్రీలీల కూడా నటిస్తుందని సమాచారం. డివివి దానయ్య నిర్మిస్తున్న ఈ చిత్రానికి తమన్ సంగీతం అందిస్తున్నారు.