Oppenheimer Director 600 Crores : ఈ రోజుల్లో హీరోహీరోయిన్లే కాదు దర్శకులు ఇతర టెక్నీషియన్లు కూడా భారీగానే క్రేజ్ దక్కించుకుంటున్నారు. అదే విధంగా వారితో సమానంగా రెమ్యునరేషన్లు అందుకునే స్టేజ్కు ఎదుగుతున్నారు. రాజమౌళి, ప్రశాంత్ నీల్, లోకేశ్ కనగరాజ్ ఇలా పలువురు ప్రేక్షకుల్లో భారీ క్రేజ్ను దక్కించుకోవడంతో పాటు పారితోషికాన్ని పెద్ద మొత్తాన్నే అందుకుంటున్నారు. అయితే ఓ దర్శకుడు మాత్రం రికార్డ్ స్థాయిలో రెమ్యునరేషన్ అందుకుని అందరూ నోరెళ్లబెట్టేలా చేశాడు. ఆ మొత్తంతో ఈజీగా చిన్న బడ్డెట్ సినిమాలు 50 తీసేయొచ్చు అన్న రేంజ్లో పుచ్చుకున్నాడు.
వివరాల్లోకి వెళితే ఇండియాలో వసూళ్లు అంటే రూ. 1000 నుంచి రూ.1200 కోట్ల వరకు ఉంటుంది. రెమ్యునరేషన్ అయితే రూ.100 నుంచి రూ.200 కోట్ల వరకు ఉంటుందని చెప్పొచ్చు. కానీ హాలీవుడ్ అలా కాదు. అక్కడి సినిమా బడ్జెట్, కలెక్షన్లు ఊహకు మించి ఉంటాయి. ఫిల్మ్ మేకర్స్ కూడా లాభాల్లో వాటా తీసుకోవడం అక్కడ సర్వసాధారణం. అలా తాను తెరకెక్కించిన ఓ సినిమా వసూళ్లలో వాటా తీసుకోవడం ద్వారానే స్టార్ డైరెక్టర్ క్రిస్టోఫర్ నోలన్ తాజాగా వార్తల్లో హాట్టాపిక్గా మారారు. ఇంటర్ స్టెల్లార్, డన్కిర్క్, ది డార్క్ నైట్ లాంటి బ్లాక్బస్టర్స్ తెరకెక్కించిన ఆయన గతేడాది ఓపెన్హైమర్ అనే చిత్రాన్ని రూపొందించారు.
ఈ చిత్రం గతేడాది బాక్సాఫీస్ ముందుకు వచ్చి భారీ బ్లాక్ బస్టర్ను సొంతం చేసుకుంది. దాదాపుగా 100 మిలియన్ డాలర్ల బడ్జెట్తో తెరకెక్కిన ఈ సినిమా 900 మిలియన్ డాలర్లకు పైగా వసూళ్లను సాధించింది. నిర్మాతలకు లాభాలను బాగా తెచ్చిపెట్టింది. 2023లో అత్యధిక వసూళ్లను సాధించిన చిత్రాల్లో ఒకటిగా నిలిచింది.
ఈ చిత్రాన్ని డైరెక్ట్ చేసినందుకుగానూ క్రిస్టోఫర్ నోలన్కు ఏకంగా 72 మిలియన్ డాలర్స్ రెమ్యూనరేషన్ అందుకున్నారని తెలిసింది. అంటే భారత కరెన్సీలో దాదాపుగా రూ.595 కోట్లు అన్నమాట. ఈ విషయం ప్రస్తుతం ఇండియన్ మూవీ లవర్స్లో చర్చనీయాంశంగా మారింది. ఇది తెలుసుకుంటున్న ఇండియన్ మూవీ ప్రేక్షకులు పాన్ ఇండియా స్టార్ ప్రభాస్ కల్కి 2898 ఏడీ బడ్జెట్ కన్నా ఎక్కువ కదా అంటూ కామెంట్లు చేస్తున్నారు.
- " class="align-text-top noRightClick twitterSection" data="">
