Om Bheem Bush Collections : శ్రీవిష్ణు హీరోగా నటించిన ఓం భీమ్ బుష్ గత వారం విడుదల అయినప్పటి నుంచి ప్రేక్షకుల నుంచి వస్తున్న పాజిటివ్ రెస్పాన్స్తో థియేటర్లు నిండుతున్నాయి. శ్రీవిష్ణుతో పాటు ప్రియదర్శి, రాహుల్ రామకృష్ణ, ప్రీతి ముకుందన్, ఆయేషా ఖాన్, శ్రీకాంత్ అయ్యంగార్ ప్రధాన పాత్రలలో నటించగా అధిత్య మీనన్, రచ్చ రవి తదితరులు ఇతర పాత్రల్లో నటించారు. ఈ సినిమాలో సీన్లు కూడా కొన్ని వైరల్గా మారి సినిమాకు మరింత క్రేజ్ను పెంచాయి.
సామాజవరగమన లాంటి కామెడీ హిట్ తర్వాత శ్రీవిష్ణు ఈ కామెడీ హారర్ థ్రిల్లర్తో మరో బ్లాక్ బస్టర్ హిట్ను సొంతం చేసుకున్నారు. తన మొదటి సినిమా రౌడీ బాయ్స్తో హిట్ కొట్టలేకపోయినా డైరెక్ట్ చేసిన రెండో సినిమా మాత్రం సూపర్ హిట్ అనిపించుకున్నారు ఈ చిత్ర దర్శకుడు శ్రీ హర్ష కొనుగంటి. ఈ సినిమాకు సన్నీ MR సంగీతం అందిస్తే, వి. సెల్యులాయిడ్, సునీల్ బలుసు నిర్మాతలుగా వ్యవహరించారు.
ఈ సినిమా విడుదల అయ్యి 4 రోజులు దాటింది. మొదటి రోజు కలెక్షన్ 4.6 కోట్లు వస్తే, రెండో రోజు 5.84 కోట్ల కలెక్షన్ వచ్చింది. ఇక తర్వాత వీకెండ్తో పాటు పండగ సెలవు కూడా రావడం ఇంకా విద్యార్థులకు పరీక్షలు అయిపోయి సెలవులు ఇవ్వడం ఈ సినిమాకు బాగా కలిసి వచ్చింది. అలా మొత్తంగా ప్రపంచవ్యాప్తంగా ఈ సినిమాకు 21.75కోట్లు వచ్చాయి. తెలుగు రాష్ట్రాల్లోనే కాదు USAలో కూడా ఈ సినిమా వసూళ్ల వర్షం కురిపిస్తుందని ఈ సినిమా టీం సోషల్ మీడియా ద్వారా తమ ఆనందాన్ని వ్యక్తం చేసింది.
ఇంకా ముందు ముందు వేసవి సెలవులు కారణంగా ఈ సినిమాకు పెట్టిన బడ్జెట్కు మరింత లాభాలు వచ్చే అవకాశం ఉంది. మరో రెండు వారాల తర్వాత విడుదల అయ్యే విజయ్ దేవరకొండ ఫ్యామిలీ స్టార్ సినిమా తప్ప మరో పెద్ద సినిమా లేకపోవడం ఈ సినిమాకు బాగా కలిసివస్తుంది.
కళ్లు చెదిరిపోయాయి వర్మ - 53ఏళ్ల వయసులో రమ్యకృష్ణ అందాలు వేరే లెవల్! - Ramya Krishna photoshoot
'నా అవసరాన్ని, ఆకలిని తీర్చింది వారిద్దరే' - హైపర్ ఆది ఎమోషనల్ - Jabardasth Comedian Hyper Aadiఓం
