Devara Chuttamalle Song : దర్శకుడు కొరటాల శివ - యంగ్ టైగర్ ఎన్టీఆర్ కలిసి చేస్తున్న 'దేవర' షూటింగ్ దాదాపు చివరి దశకు చేరుకుంది. త్వరలోనే పోస్ట్ ప్రొడక్షన్ పనులు జరగుతాయి. మొదటి భాగం సెప్టెంబర్ 27న రిలీజ్ కానుంది. శ్రీదేవి కూతురు జాన్వీ కపూర్ ఈ సినిమాతోనే టాలీవుడ్‌లోకి ఎంట్రీ ఇవ్వనుండటం విశేషం.
అయితే రీసెంట్గా ఈ మూవీ నుంచి విడుదలైన 'చుట్టమల్లే'కు అదిరే రెస్పాన్స్ వచ్చింది. యూట్యూబ్‌లో రికార్డ్ వ్యూస్ను దక్కించుకుంది. అలానే సోషల్ మీడియాలో ఎక్కడ చూసినా ఈ సాంగ్కు సంబంధించిన వీడియోలు, రీల్స్ ఎక్కువుగా కనిపిస్తున్నాయి. ఈ క్రమంలోనే తాజాగా ఈ పాటకు సంబంధించిన ఓ ఫ్యాన్ మేడ్ వీడియో తెగ వైరల్ అవుతూ నెటిజన్లను, ఫ్యాన్స్ను ఆకట్టుకుంటోంది.
ఇంతకీ అదేంటంటే? - రాజమౌళి దర్శకత్వంలో ఎన్టీఆర్ నటించిన యమదొంగ సూపర్ హిట్ మూవీ. అలానే సినిమాలోని పాటల అన్నీ కూడా సూపర్ హిట్టే. ముఖ్యంగా మమతా మోహన్‌దాస్‌ - ఎన్టీఆర్ కలిసి చిందులేసిన "నువ్వు ముట్టుకుంటేనే తట్టుకుంటాను" పాట అయితే హైలైట్ అనే చెప్పాలి. ఈ రొమాంటిక్ సాంగ్‌లో ఎన్టీఆర్-మమతా- కెమిస్ట్రీ బాగా ఆకట్టుకుంది. తాజాగా ఈ పాటనే దేవర చుట్టమల్లే సాంగ్తో మిక్స్ చేశారు అభిమానులు. ఈ ఆడియోకే దేవర సాంగ్ వీడియోను జత చేసి ఫ్యాన్ మేడ్ వీడియోగా వదిలారు. ఇది చూసిన నెటిజన్లు ఆ లిరిక్స్‌కు ఈ వీడియో సూపర్గా సూట్ అయిందంటూ తెగ కామెంట్లు చేస్తున్నారు. సాంగ్‌ను మస్త్ ఎంజాయ్ చేస్తున్నారు.
ఇకపోతే దేవర నుంచి విడుదలైన ఫస్ట్ సాంగ్కు(ఫియర్) కూడా మంచి ఆదరణ దక్కింది. ఇప్పటికీ సోషల్ మీడియాలో ట్రెండ్ అవుతోంది. అనిరుధ్ అందించిన సంగీతం బాగా ఆకట్టుకుంటోంది. సినిమాలో ఎన్టీఆర్ ద్విపాత్రాభినయం చేస్తున్నట్లు సమాచారం. సైఫ్ అలీ ఖాన్ విలన్గా నటిస్తున్నారు. హీరో శ్రీకాంత్ ముఖ్య పాత్రలో కనిపిస్తారు. బాలీవుడ్ స్టార్ బాబీ దేఓల్ రెండో పార్ట్‌లో కనిపిస్తారని అంటున్నారు. కానీ దీనిపై అఫీషియల్ ఇన్ఫర్మేషన్ లేదు.
Devara X Nagamalli pic.twitter.com/GTuMtbAEqA
— WATER (@rajinikanth2004) August 5, 2024
'ఆ పని నేర్చుకునేందుకు ఎన్టీఆర్కు ఒక్క సెకను - నాకైతే 10 రోజులు' - Janhvi Kapoor Jr NTR
దేవర - గూస్ బంప్స్ పుట్టిస్తున్న ఈ లీక్డ్ డైలాగ్ విన్నారా?
