Nivetha Thomas 35 Movie : గత కొంతకాలంగా సిల్వర్ స్క్రీన్పై కనిపించని మలయాళ స్టార్ హీరోయిన్ నివేదా థామస్ తాజాగా '35' అనే ఫ్యామిలీ డ్రామాతో ప్రేక్షకులను పలకరించేందుకు రెడీగా ఉంది. 'చిన్న కథ కాదు' అనే క్యాఫ్షన్తో రూపొందిన ఈ చిత్రం త్వరలో థియేటర్లలో సందడి చేసేందుకు సిద్ధమైంది. ఇప్పటికే విడుదలైన టైటిల్ రివీల్ వీడియో, ట్రైలర్ మూవీ లవర్స్ను తెగ ఆకట్టుకుంది. అయితే ఇప్పుడీ సినిమా రిలీజ్ పోస్ట్పోన్ అయ్యే సూచనలు కనిపిస్తున్నట్లు సినీ వర్గాల్లో టాక్ నడుస్తోంది.
తొలుత ఈ చిత్రాన్ని ఆగస్టు 15న విడుదల చేసేందుకు మేకర్స్ ప్లాన్ చేశారు. అందుకు తగ్గట్లుగానే డేట్ ఫిక్స్ చేసి అనౌన్స్ కూడా చేశారు. అయితే ఇప్పుడీ రిలీజ్ డేట్లో మార్పులు జరగనున్నాయట. దానికి కారణం బాక్సాఫీస్ క్లాష్ అని తెలుస్తోంది. ఇప్పటికే అదే రోజున రవితేజ 'మిస్టర్ బచ్చన్'తో పాటు రామ్ పోతినేని 'డబుల్ ఇస్మార్ట్‌' థియేటర్లలోకి రానుంది. దీంతో '35' రిలీజ్ను పోస్ట్పోన్ చేసేందుకు మేకర్స్ కీలక నిర్ణయం తీసుకున్నట్లు సమాచారం. ఒకవేళ ఇది నిజమైతే త్వరలోనే ఈ విషయాన్ని అధికారికంగా ప్రకటించే అవకాశాలున్నాయట.
ఇక '35' సినిమా విషయానికి వస్తే, ఇది తిరుపతి నేపథ్యంలో సాగే ఓ ఫ్యామిలీ ఎమోషనల్ మూవీ. ఇందులో నివేదాతో పాటు ప్రియదర్శి, విశ్వదేవ్ రాచకొండ, అలాగే సినీయర్ నటులు గౌతమి, భాగ్యరాజ్ కూడా కీలక పాత్రలు పోషిస్తున్నారు. స్టార్ హీరో రానా సమర్పకుడిగా వ్యవహరిస్తున్న ఈ చిత్రాన్ని నందకిశోర్‌ ఇమాని డైరెక్ట్ చేశారు. ఇక సురేశ్ ప్రొడక్షన్స్, ఎస్ ఒరిజినల్స్తో పాటు వాల్టెయిర్ ప్రొడక్షన్స్ బ్యానర్లపై సృజన్ యరబోలు, సిద్ధార్థ్ రాళ్లపల్లి ఈ మూవీని సంయుక్తంగా నిర్మిస్తున్నారు. వివేక్ సాగర్ ఈ సినిమాకు చక్కటి సంగీతం అందిస్తున్నారు. తెలుగు, తమిళంతో పాటు మలయాళంలోనూ ఈ సినిమా విడుదల కానుంది.
2002లో మలయాళ చిత్రం 'ఉత్తర'తో బాలనటిగా నివేదా థామస్ తెరంగ్రేటం చేసింది. 2016లో 'జెంటిల్‌మెన్‌' చిత్రంతో టాలీవుడ్‌కు పరిచయమైంది. ఆ తర్వాత 'నిన్నుకోరి', 'జై లవకుశ', 'జూలియట్‌ లవర్‌ ఆఫ్‌ ఇడియట్‌', '118', 'బ్రోచేవారెవరురా' 'వి', 'వకీల్ సాబ్' లాంటి తెలుగు సినిమాల్లో నటించి ఇక్కడి ప్రేక్షకులకు దగ్గరైంది. చివరిగా రెజీనా కసాండ్రాతో 'శాకినీ ఢాకినీ' సినిమాలో కీ రోల్ ప్లే చేసింది.
