ఫ్యాన్స్​కు గుడ్​న్యూస్ - పండంటి మగబిడ్డకు తండ్రిగా నిఖిల్​ ప్రమోషన్​

Nikhil Siddhartha Baby : టాలీవుడ్ స్టార్ హీరో నిఖిల్​ సిద్ధార్థ తాజాగా తండ్రిగా ప్రమోటయ్యారు. ఆ విశేషాలు మీ కోసం

Nikhil Siddhartha Baby : టాలీవుడ్ స్టార్ హీరో నిఖిల్​ సిద్ధార్థ తాజాగా తన ఫ్యాన్స్​కు గుడ్ న్యూస్​ చెప్పారు. తన భార్య పల్లవి బుధవారం ఓ పండంటి మగ బిడ్డకు జన్మినిచ్చారు. తాజాగా నిఖిల్ ఆ చిన్నారిని ఎత్తుకుని ముద్దాడుతున్న ఫొటో ఒకటి నెట్టింట వైరల్ అవుతోంది. ఇది చూసిన సినీ ప్రముఖులు, అభిమానులు ఆ చిన్నారిని దీవిస్తూ ఈ జంటకు కంగ్రాజ్యులేషన్ చెప్తున్నారు.

• Our Unique Star ⭐️@actor_Nikhil and his wife #Pallavi Garu now blessed with a BABY BOY❤️
  
  Warmest congratulations to the glowing couple on this delightful addition to their family 🤗✨#NikPal pic.twitter.com/XI7GZUf7lL

  — Aravind Gandikota (@Aravind0019) February 21, 2024

ఇటీవలే తన సతీమణికి సీమంతం జరిగినట్లు నిఖిల్ సోషల్ మీడియా వేదికగా పోస్ట్ చేశారు. "నా భార్యకు భారతీయ సంప్రదాయంలో సీమంతం వేడుక జరిగింది. పల్లవి, నేను త్వరలోనే మా మొదటి బిడ్డ స్వాగతం పలకనున్నాం. ఈ విషయాన్ని మీతో పంచుకోవడానికి మేము చాలా సంతోషిస్తున్నాం. దయచేసి మాకు పుట్టబోయే బిడ్డకు మీ అందరి ఆశీస్సులు అందించండి.' అంటూ నిఖిల్​ పోస్ట్ చేశారు. ఇక అతి కొద్ది మంది సన్నిహితుల మధ్య జరిగిన ఈ వేడుకలో నిఖిల్ పల్లవి స్నేహితులు ఈ జంటను ఆటపట్టించారు. పుట్టబోయే బేబీకి ఎలా డైపర్ వెయ్యాలంటూ నిఖిల్​కు ట్రైనింగ్ ఇచ్చారు. దీనికి సంబంధించిన వీడియో సోషల్ మీడియాలో తెగ వైరల్ అయ్యింది. 2020లో నిఖిల్​ - పల్లవి వివాహ బంధంతో ఒక్కటయ్యారు. లాక్​డౌన్ కారణంగా అతి కొద్ది మంది సన్నిహితుల సమక్షంలో ఈ వేడుక జరిగింది.

ఇక నిఖిల్ సినిమాల విషయానికి వస్తే - 'హ్యాపీడేస్'​ సినిమాతో టాలీవుడ్​లోకి ఎంట్రీ ఇచ్చిన ఈ యంగ్ హీరో, తొలి సినిమాతోనే నటుడిగా మంచి గుర్తింపు పొందారు. ఆ తర్వాత ఆయన పలు తెలుగు సినిమాల్లో నటించి ఆకట్టుకున్నారు. 'కార్తికేయ-1', 'స్వామి రారా', 'కార్తికేయ 2'తో పాన్ ఇండియా లెవెల్​లో గుర్తింపు పొందారు.

Nikhil Upcoming Movies List : ఇక ప్రస్తుతం నిఖిల్ 'స్వయంభూ' సినిమా పనుల్లో బిజీగా ఉన్నారు. భరత్‌ కృష్ణమాచారి డైరెక్షన్​లో ఈ చిత్రం తెరకెక్కనుంది. చారిత్రాత్మక నేపథ్యంలో సాగే ఈ సినిమాలో నిఖిల్​ ఓ వారియర్​ రోల్​లో కనిపించనున్నారు. ఈ సినిమా కోసం దాదాపు మూడు నెలలపాటు యుద్ధవిద్యలపైనే నిఖిల్ శిక్షణ తీసుకున్నారు. ఆయుధాలు, మార్షల్‌ ఆర్ట్స్‌, గుర్రపు స్వారీ నేర్చుకున్నారు. నిఖిల్‌కు 'స్వయంభూ' 20వ సినిమా కాగా, ఆయన కెరీర్‌లోనే అత్యంత భారీ బడ్జెట్​తో రూపొందిస్తున్న సినిమా కూడా ఇదే కావడం విశేషం. ఇక ఈ సినిమాతో పాటు నిఖిల్​ 'కార్తికేయ-3','ది ఇండియా హౌస్‌' అనే రెండు పాన్ ఇండియా సినిమాల్లోనూ నటిస్తున్నారు.