NBK Unstoppable Season 4 : నందమూరి నటసింహం బాలకృష్ణ హోస్ట్గా సక్సెస్ఫుల్గా నడుస్తున్న'అన్స్టాపబుల్' షో. మరో కొత్త సీజన్తో అభిమానులను అలరించేందుకు సిద్ధమైంది. తాజాగా దీనికి సంబంధించిన ఓ సూపర్ ట్రైలర్ను ప్రముఖ ఓటీటీ సంస్థ ఆహా విడుదల చేసింది.
యానిమేషనల్ బొమ్మలతో, సూపర్ హీరో కాన్సెప్ట్తో ఆ వీడియో అటు పెద్దలతో పాటు ఇటు చిన్నారులను అలరిస్తోంది. అయితే అక్టోబరు 24వ నుంచి ఈ సీజన్ స్ట్రీమింగ్ కానుంది.
ఈ సారి ఎంటర్టైన్మెంట్ మామూలుగా ఉండదు!
మరోవైపు అన్స్టాపబుల్ నిర్వాహకులు ఈ సీజన్ను గ్రాండ్గా ప్లాన్ చేశారట. గత సీజన్ల కంటే ఈసారి భిన్నంగా ఉంటుందని తెలిసింది. ఇక ప్రతీ సీజన్లాగే ఈసారి కూడా పలు ఇండస్ట్రీలకు చెందిన నటీనటులు గెస్ట్లుగా రానున్నారు. మాలీవుడ్ స్టార్ హీరో దుల్కర్ సల్మాన్ ఈ సీజన్కు తొలి గెస్ట్గా రానున్నట్లు తెలుస్తోంది. ఈ ఎపిసోడ్కు సంబంధించి షూట్ కూడా కంప్లీట్ అయినట్లు టాక్. ఈ సీజన్లో దుల్కర్తో పాటు మరికొంత మంది బడా స్టార్ల బాలయ్య 'అన్స్టాపబుల్' షో లో సందడి చేయనున్నట్లు సమాచారం. కాగా, అన్స్టాపబుల్ టాక్ షో ఇప్పటికే మూడు సీజన్లు పూర్తి చేసుకుంది. గతంలో ఈ ప్రోగ్రామ్కు టాలీవుడ్, బాలీవుడ్ సహా పలు ఇండస్ట్రీల నుంచి బడా స్టార్లు గెస్ట్లుగా వచ్చి సందడి చేశారు. మహేశ్ బాబు, పవన్ కల్యాణ్, ప్రభాస్, రవితేజ, విశ్వక్ సేన్, అడివి శేష్, సిద్ద జొన్నలగడ్డ తదితరులు పాల్గొన్నారు.
ఇక బాలకృష్ణ ప్రస్తుతం 'ఎన్బీకే 109' షూటింగ్ పనుల్లో బిజీగా ఉన్నారు. ఈ సినిమాకు బాబీ దర్శకత్వం వహిస్తున్నారు. బాలీవుడ్ నటి ఊర్వశి రౌతేలా ఓ కీలక పాత్ర పోషిస్తోంది. బాలీవుడ్ స్టార్ బాబీ దేఓల్ విలన్గా నటిస్తున్నారు. సితార ఎంటర్‌టైనర్‌మెంట్‌ బ్యానర్పై సూర్య దేవరనాగవంశీ, సాయి సౌజన్య దీన్ని నిర్మిస్తున్నారు. తమన్నాతో ఓ స్పెషల్‌ సాంగ్‌ ఉన్నట్లు ప్రచారం సాగుతోంది. అయితే, ఈ వార్తలపై టీమ్‌ నుంచి ఎలాంటి స్పందన రాలేదు. తమన్ సంగీతం అందిస్తున్నారు. ఛాయాగ్రహణం విజయ్‌ కార్తీక్‌ చూసుకుంటున్నారు.
'BB4' దసరా బ్లాక్ బస్టర్ అప్డేట్ - షూటింగ్ ఆ రోజు నుంచే ప్రారంభం
బాలయ్య, మహేశ్ మల్టీస్టారర్- క్లూ ఇచ్చిన తమన్- స్టోరీ కూడా కంప్లీట్! - Balayya Mahesh Movie
