Nayanthara Kavin Movie : కోలీవుడ్ స్టార్ హీరోయిన్, లేడీ సూపర్స్టార్ నయనతారా తాజాగా తన్ అప్కమింగ్ మూవీ గురించి డిఫరెంట్గా అనౌన్స్ చేసింది. ఇన్స్టాగ్రామ్ వేదికగా ఓ వింటేజ్ ఫొటోను షేర్ చేసి హాయ్ అంటూ రాసుకొచ్చింది. అందులో యంగ్ హీరో కవిన్ కనిపించి ఆకట్టుకున్నారు. దీంతో ఈ కాంబోలో సినిమా రానున్నట్లు అఫీషియల్గా కన్ఫార్మ్ అయిపోయింది. ప్రస్తుతం ఈ సినిమా గురించి ఇంకేం అనౌన్స్మెంట్స్ చేయలేదు.
అయితే పోస్టర్ చూస్తుంటే మాత్రం ఇదో ఫీల్ గుడ్ లవ్ స్టోరీ అని అర్థమవుతోంది. దీంతో అభిమానుల్లో మరింత ఎగ్జైట్మెంట్ పెరిగిపోయింది. 'లియో' లాంటి సూపర్ హిట్ సినిమాలను నిర్మించిన సెవెన్ స్క్రీన్ స్టూడియో ఈ చిత్రాన్ని ప్రతిష్టాత్మకంగా తెరకెక్కిస్తోంది. విష్ణు ఇడవన్‌ ఈ సినిమాతో డైరెక్టర్గా డెబ్యూ చేయనున్నారు.
మరోవైపు ఈ సినిమాలోని నయన్ పాత్ర గురించి సోషల్ మీడియాలో పలు రూమర్స్ ట్రెండ్ అవుతున్నాయి. కథ పరంగా నయన్ ఈ మూవీలో హీరోకంటే పెద్ద వయసు అమ్మాయిగా కనిపించనుందట. అంతేకాకుండా తనకంటే చిన్నవాడైన హీరోను లవ్ చేస్తుందట. కాన్సెప్ట్ కాస్త ఇంట్రెస్టింగ్గా ఉండటం వల్ల నయన్ ఈ మూవీకి ఓకె చెప్పినట్లు సమాచారం.
ఇక నయన్ చివరిగా 'అన్నపురణి' అనే లేడీ ఓరియెంటడ్ చిత్రంలో కనిపించింది. 'నయన్ 75'గా తెరకెక్కిన ఈ చిత్రం భారీ అంచనాల మధ్య వచ్చినప్పటికీ బాక్సాఫీస్ వద్ద మిశ్రమ ఫలితాలు అందుకుంది. పైగా కంటెంట్ పరంగానూ పలు విమర్శలను కూడా ఎదుర్కొంది. దీంతో ఈ సినిమాను బ్యాన్ చేయాలంటూ పలువురు తీవ్ర ఆగ్రహాన్ని వ్యక్తం చేశారు కూడా.
ఇదిలా ఉండగా, నయన్ ప్రస్తుతం యశ్ లీడ్ రోల్లో రూపొందుతున్న 'టాక్సిక్' సినిమాలో నటిస్తోంది.దీంతో పాటు మలయాళ స్టార్ హీరో నివిన్ పౌలీతో ఓ సినిమాకు సైన్ చేసినట్లు తెలుస్తోంది. స్పోర్ట్స్ డ్రామాగా తెరెకెక్కుతున్న 'టెస్ట్'లోనూ నయన్ కీలక పాత్ర పోషించింది. వీటితో పాటు 'మనగట్టి సిన్స్ 1960' అనే సినిమాలోనూ ఈమె నటిస్తోంది. ప్రస్తుతం ఇవన్నీ షూటింగ్ దశలో అలాగే పోస్ట్ ప్రొడక్షన్ దశలో ఉన్నాయి.
'ఆ సినిమాలో నన్ను చెత్తగా చూపించారు - అందుకే ఇప్పటికీ బాధపడుతుంటాను' - NAYANTHARA Movies
