Nagachaitanya Sobhita Dhulipala Engagement : టాలీవుడ్ స్టార్ హీరో నాగచైతన్య, నటి శోభిత ధూళిపాళ్లకు నిశ్చితార్థం జరగనుందంటూ నెట్టింట రూమర్స్ తెగ చక్కర్లు కొడుతున్నాయి. హీరో నాగచైతన్య ఇంట్లోనే అతికొద్ది మంది సమక్షంలో ఈ జంట నేడు(ఆగస్టు 8) ఎంగేజ్మెంట్తో ఒక్కటవ్వనున్నట్లు తెలుస్తోంది. ఈ వార్త తెలుసుకున్న అభిమానులు సోషల్ మీడియా వేదికగా విషెస్ తెలుపుతున్నారు. అయితే అక్కినేని ఫ్యామిలీ నుంచి ఈ విషయంపై ఇంకా అధికారిక ప్రకటన రావాల్సి ఉంది.
ఇక శోభిత కెరీర్ విషయానికి వస్తే, 2013లో ఫెమినా మిస్‌ ఇండియా టైటిల్‌ విన్నర్‌గా నిలిచిన ఈ ముద్దుగుమ్మ, ఆ తర్వాత 2016లో 'రామన్ రాఘవన్' అనే తమిళ సినిమా ద్వారా ఇండస్ట్రీలోకి ఎంట్రీ ఇచ్చింది. ఆ తర్వాత పలు తెలుగు, హిందీ, మలయాళ, చిత్రల్లోనూ తన నటనతో ప్రేక్షకులను ఆకట్టుకుంది. ముఖ్యంగా 'పొన్నియిన్ సెల్వన్', 'మేజర్' సినిమల్లో సూపర్ పెర్ఫామెన్స్తో విమర్శకుల ప్రశంసలు అందుకుంది. హాలీవుడ్లోనూ ఇటీవలే ఆమె అడుగుపెట్టింది. దీంతో పాటు ప్రస్తుతం పలు ప్రాజెక్టులతో ఫుల్ బిజీగా ఉంది.
ఇదిలా ఉండగా, నాగ చైతన్య కూడా 'తండేల్' షూటింగ్లో బిజీగా ఉన్నారు. ప్రస్తుతం హైదరబాద్లో శరవేగంగా ఈ సినిమా చిత్రీకరణ జరుపుకుంటోంది. ఇటీవలే సినిమాలోని కీలక సన్నివేశాలను షూట్ చేసినట్లు తెలుస్తోంది. ఇందులో చైతూతో పాటు సాయి పల్లవి నటిస్తోంది. చందూ ముందేటి ఈ చిత్రాన్ని ప్రతిష్టాత్మకంగా తెరకెక్కిస్తున్నారు. దేవి శ్రీ ప్రసాద్ ఈ మూవీకి సంగీతం అందిస్తున్నారు.
ఇప్పటికే విడుదలైన టీజర్, స్పెషల్ గ్లింప్స్ అభిమానులను తెగ ఆకట్టుకుంటోంది. ఇందులో చైతూ, సాయి పల్లవి క్యారెక్టర్స్పై భారీ అంచనాలే ఉన్నాయి. ఒక మత్స్యకారుడి నిజ జీవితంలో జరిగిన ఘటనల ఆధారంగా ఇది తెరకెక్కుతోందని తెలుస్తోంది. ఈ కథంతా సముద్ర తీర ప్రాంతం చుట్టూనే తిరుగనుంది. శ్రీకాకుళంలో మొదలై పాకిస్థాన్ వరకూ చేరుకుంటుందట.
"తండేల్ కోసం దాదాపు 9 నెలల పాటు కష్టపడ్డాను. ఇదొక ఇన్స్పిరేషనల్ స్టోరీ. శ్రీకాకుళం యాసతో పాటు సహా నా పాత్ర కోసం అవసరమైన ప్రతీదాన్ని నేను నేర్చుకున్నాను. నా కెరీర్‌లోనే ఇదొక భారీ చిత్రం అవుతుంది" అంటూ చైతూ ఓ ఇంటర్వ్యూలో చెప్పుకొచ్చారు.
'విరూపాక్ష' డైరెక్టర్ మాస్టర్ ప్లాన్ - చైతూ కోసం స్పెషల్ రోల్!
చైతూతో మరో సారి!- స్క్రీన్పై మెరవనున్న 'ఒక లైలా కోసం' కపుల్ - Pooja Hegde Upcoming Movie
