సూపర్ నేచురల్ థ్రిల్లర్​లో నాగచైతన్య - పూజా హెగ్డే!

నాగచైతన్య - పూజా హెగ్డే కాంబోలో మరో సినిమా వచ్చే అవకాశం! - దర్శకుడు ఎవరంటే?

Naga chaitanya Pooja Hegde New Movie : టాలీవుడ్‌లో కొన్ని కాంబోలకు మంచి ఫ్యాన్ బేస్ క్రియేట్ అవుతుంది. అలాంటి వాటిలో అక్కినేని నాగచైతన్య, అందాల భామ పూజా హెగ్డే జోడీ కూడా ఒకటి. వీరి కాంబోలో వచ్చిన ఒక లైలా కోసం సినిమా ప్రేక్షకుల్ని బాగా ఆక్టటుకుంది. అయితే ఆ తర్వాత వీరి కాంబినేషన్‌లో మరో సినిమా రాలేదు. కానీ త్వరలోనే ఈ జంట కలిసి నటించబోతుందని కొద్ది రోజులు క్రితం వార్తలు వచ్చాయి.

అయితే తాజాగా మరోసారి ఆ ప్రచారం ఊపందుకుంది. విరూపాక్ష డైరెక్టర్​ కార్తీక్ వర్మ దండు నాగ చైతన్యతో కలిసి ఓ సూపర్ నేచురల్ థ్రిల్లర్ చేయబోతున్నారని టాక్ వినిపిస్తోంది. ఈ సినిమా కోసమే హీరోయిన్‌గా పూజా హెగ్డేను మేకర్స్ తీసుకునేందుకు ఆసక్తిని చూపుతున్నారట. దీంతో చైతూ - పూజా హెగ్డే కాంబినేషన్ త్వరలోనే సెట్ కానుందని అభిమానులు ఆశిస్తున్నారు. చూడాలి మరి ఈ చిత్రంతో నిజంగానే చైతూ-పూజా కాంబో ఫిక్స్ అవుతుందా లేదా అనేది.

Pooja Hegde Upcoming Movies : కాగా, పూజా హెగ్డేకు గత మూడేళ్లుగా సరైన హిట్ పడలేదు. రాధేశ్యామ్​తో మొదలై బీస్ట్​, ఆచార్య, సర్కస్​, కిసి కా భాయ్​ కిసీ కీ జాన్​ అన్నీ చిత్రాలు ఫ్లాప్​గా నిలిచాయి. దీంతో ఆమె మేకర్స్ కాస్త పక్కన పెట్టారు. అయితే ఈ మధ్యే మళ్లీ పూజాకు ఆఫర్లు మొదలయ్యాయి. దేవా, సూర్య 44, దళపతి 69 సినిమాల్లో ఛాన్స్​లను అందుకుంది. ఇక తెలుగులో చైతూతో ప్రాజెక్ట్​ ఓకే అయితే ఆచార్య తర్వాత ఇదే ఆమె తెలుగు సినిమా అవుతుంది.

నాగచైతన్య విషయానికొస్తే ఆయన కూడా గత కొద్ది కాలంగా విజయాన్ని చూడలేదు. ఆ మధ్య ఓటీటీలో వచ్చిన దూత మాత్రమే ఆకట్టుకుంది. ప్రస్తుతం ఆయన చందూ మొండేటితో కలిసి తండేల్(Naga chaitanya Thandel Movie) చిత్రం చేస్తున్నారు. ఈ చిత్రంపైనే చైతూ ఆశలన్నీ పెట్టుకున్నారు.