మెగాహీరో ఆర్థిక సాయం - కన్నీరుపెట్టుకున్న పావలా శ్యామల - Mega hero helps pavala shyamala

Mega hero helps pavala shyamala : ఆర్థిక, అనారోగ్య సమస్యలతో ఇబ్బందులు పడుతున్న టాలీవుడ్‌ సీనియర్‌ నటి పావలా శ్యామలను మెగాహీరో ఆదుకున్నారు. ఆమెకు ఆర్థిక సాయం చేశారు.

Mega hero Saidharam Tej helps pavala shyamala : టాలీవుడ్‌ సీనియర్‌ నటి పావలా శ్యామల గురించి చాలా మంది ప్రేక్షకులకు తెలిసే ఉంటుంది. గత కొన్నేళ్లుగా అనారోగ్యం, వృద్ధాప్య సంబంధిత సమస్యలతో ఆమె ఎంతో ఇబ్బంది పడుతున్నారు. చాలా వరకు ఆమె దాతల సాయంపైనే జీవనం సాగిస్తున్నారు.గతంలో మెగాస్టార్ చిరంజీవి కూడా ఆమెకు సాయం అందించిన సంగతి తెలిసిందే. అయితే తాజాగా ఆమెకు మెగా మేనల్లుడు సాయి ధరమ్‌ తేజ్‌ కూడా ఆర్థిక సాయం చేశారు. లక్ష రూపాయలను అందజేశారు. ఈ విషయాన్ని ఆమె తెలుపుతూ భావోద్వేగానికి గురయ్యారు.

"మా అమ్మాయికి ఆపరేషన్‌ జరిగినప్పుడు సాయి ధరమ్‌ తేజ్‌ నాకు కాల్ చేశారు. ఎంతో ధైర్యానిచ్చారు. వచ్చి కలుస్తాని కూడా అన్నారు. కానీ ఆ తర్వాత చాలా రోజులైపోయింది. దీంతో నన్ను మర్చిపోయి ఉంటారని అనుకున్నాను. కానీ ఇప్పుడాయన నన్ను గుర్తుపెట్టుకొని మరీ సాయం చేశారు. అందుకు ధన్యవాదాలు చెబుతున్నాను" అని పావల శ్యామలా పేర్కన్నారు.

అనంతరం, ఆమె సాయిధరమ్‌ తేజ్‌తో వీడియో కాల్‌లోనూ మాట్లాడుతూ ఎమోషనల్​ అయ్యారు. ‘‘ఎన్నో ఇబ్బందులు ఎదుర్కొంటున్నాను. చనిపోవాలని అనుకున్నాను. సమయానికి మీరు సాయం చేసి నాకు, నా బిడ్డకు ప్రాణభిక్ష పెట్టారు’’ అంటూ కన్నీరు కార్చారు.

"మీరు కన్నీరు పెడుతుంటే ఎంతో కష్టంగా ఉంది. ఏడవకండి" అంటూ సాయి ధరమ్ తేజ్​ ఓదార్చారు. తెలుగు ఫిల్మ్‌ జర్నలిస్ట్‌ అసోసియేషన్‌కు సాయి ధరమ్‌ తేజ్‌ రూ.5 లక్షలను విరాళంగా ఇచ్చారు. ఇందులో భాగంగానే రూ.లక్ష రూపాయనలు ఆమెకు అందజేయడం జరిగింది.

కాగా, తెలుగులోని పలు సినిమాల్లో హాస్యనటిగా, సహాయనటిగా నటించారు పావలా శ్యామల. గోలీమార్‌, మనసంతా నువ్వే, ఖడ్గం, ఆంధ్రావాలా వంటి సినిమాల్లో ఆమెకు మంచి గుర్తింపు తీసుకొచ్చాయి. అనంతరం మత్తువదలరా నటించిన ఆమె ఆ తర్వాత సినిమాల్లో కనిపించలేదు. ప్రస్తుతం ఆర్థికంగా ఎన్నో ఇబ్బందులు ఎదుర్కొంటున్నారు. అలా తన కుమార్తెతో కలిసి హైదరాబాద్‌లోనే నివాసం ఉంటున్నారు. ఈ క్రమంలోనే ఆమె ఆర్థిక పరిస్థితి తెలుసుకున్న మెగాస్టార్ చిరంజీవి, పవర్ స్టార్​ పవన్‌ కల్యాణ్‌ గతంలో ఆర్థిక సాయం అందించిన సంగతి తెలిసిందే.

Mega Supreme hero @IamSaiDharamTej donated 5 lakhs to the @FilmJournalists. As part of this donation, 1 lakh was given to senior artist #PavalaShyamala Garu, honoring a promise made a few days ago. #SaiDurgaTej #FilmJournalistsAssociation pic.twitter.com/BwUuECsxBj

— Vamsi Kaka (@vamsikaka) July 26, 2024