Mahesh Babu Voice Over Mufasa Trailer : హాలీవుడ్ సినిమాలకు తెలుగులోనూ ఫుల్ క్రేజ్ ఉంటుంది. ఇక్కడి ప్రేక్షకులను అవి విపరీతంగా ఆకట్టుకుంటుంటాయి. మరి ఆ చిత్రాలలోని పాత్రలకు మన తెలుగు స్టార్స్ డబ్బింగ్‌ చెబితే ఎలా ఉంటుంది? ఫ్యాన్స్కు పండగే. ఇక ఆ చిత్రం కూడా తెలుగులో మరో స్థాయికి వెళ్లిపోతుంది.
అయితే ఇప్పుడు ఓ హాలీవుడ్ సినిమాకు సూపర్ స్టార్ మహేశ్ బాబు తెలుగులో తన గాత్రాన్ని అందించారు. ‘అదే ముఫాసా : ది లయన్‌ కింగ్‌. రీసెంట్గా ఈ విషయాన్ని మూవీ టీమ్ కూడా అధికారికంగా ప్రకటించింది. సినిమాలోని కీలక పాత్ర ముఫాసాకు మహేశ్ బాబు తన వాయిస్ ఓవర్ను అందించారు.
తాజాగా దీనికి సంబంధించిన తెలుగు ట్రైలర్ విడుదలై ఆకట్టుకుంటోంది. "అప్పుడప్పుడు ఈ చల్లని గాలి. నా ఇంటి నుంచి వచ్చే జ్ఞాపకాలను గుర్తుచేస్తున్నట్టు అనిపిస్తుంది. అంతలోనే అవి మాయమవుతున్నాయి" అంటూ మహేశ్ బాబా చెప్పే వాయిస్ ఓవర్ మూవీ లవర్స్ను ఆకట్టుకుంటున్నాయి. అలానే అద్భుతమైన విజువల్స్‌తోనూ ఈ ప్రచార చిత్రం ఆద్యంతం ఆకట్టుకునేలా సాగింది.
సినిమాలో కెల్విన్‌ హ్యారిసన్‌ జూనియర్‌, ఆరోన్‌ స్టోన్‌ సహా తదితరులు నటించారు. ప్రస్తుతం ఈ చిత్రం చిత్రీకరణ దశలో ఉంది. భారీ బడ్జెట్‌తో తెరకెక్కుతున్న ఈ సినిమా క్రిస్మస్‌ కానుకగా డిసెంబర్‌ 20న వరల్డ్ వైడ్గా గ్రాండ్గా రిలీజ్ కానుంది.
A new dimension to the character we know and love! Extremely excited to be the voice of Mufasa in Telugu and having been a massive fan of the classic, this is a special one for me!
— Mahesh Babu (@urstrulyMahesh) August 26, 2024
Long live the king ♥️@DisneyStudiosIN pic.twitter.com/9LdAX6qexT
మహేశ్ ఆనందం - ముఫాసాకు వాయిస్ ఓవర్ అందించడంపై మహేశ్ బాబు హర్షం వ్యక్తం చేశారు. " తెలుగులో ముఫాసాకు వాయిస్ ఓవర్ అందించినందుకు ఎంతో ఆనందంగా ఉంది. ఈ క్లాసిక్‌కు నేను వీరాభిమానిని. అందుకే ఇది నాకెంతో ప్రత్యేకం." అని అన్నారు.
ఇక ఈ మూవీ హిందీ వెర్షన్‌లో ముఫాసా పాత్రకు షారుక్‌ ఖాన్‌, ముఫాసా చిన్నప్పటి పాత్రకు ఆయన తనయుడు అబ్రం, సింబా పాత్రకు షారుక్‌ పెద్ద తనయుడు ఆర్యన్‌ ఖాన్‌ గాత్రం అందించారు. "ముఫాసాకు అద్భుతమైన వారసత్వం ఉంది. అడవికి అతడే రారాజు. ఒక తండ్రిగా ఆ పాత్ర నా మనసుకు ఎంతో దగ్గరైంది" అని చెప్పుకొచ్చారు.
'నన్ను ఎంతగానో వేధించారు' : స్టార్ హీరోపై నటి ఆరోపణలు! - Hema Committee Report
