'అది నిరూపిస్తే, సినిమాలు మానేస్తా'- కిరణ్ అబ్బవరం ఛాలెంజ్​!

'క' సినిమాతో ప్రేక్షకుల ముందుకు రానున్నారు కిరణ్- ఈ నేపథ్యంలో ప్రెస్​మీట్​లో పాల్గొన్నారు-

Kiran Abbavaram KA Movie : టాలీవుడ్ యంగ్ హీరో కిరణ్ అబ్బవరం 'క' (KA) సినిమాతో ప్రేక్షకుల ముందుకు రానున్నారు. ఈ సినిమాకు డైరెక్టర్లు సుజీత్, సందీప్ దర్శకత్వం వహించారు. దీపావళి సందర్భంగా అక్టోబర్ 31న ఈ సినిమా గ్రాండ్​గా థియేటర్లలో రిలీజ్ కానుంది. ఈ నేపథ్యంలో మేకర్స్​ శుక్రవారం ట్రైలర్ రిలీజ్ చేయగా, తాజాగా హైదరాబాద్​లో ప్రెస్​మీట్ నిర్వహించారు.

ఈ ప్రెస్​మీట్​కు హీరో కిరణ్ అబ్బవరం సహా మూవీటీమ్ హాజరైంది. సినిమాలో ఆయన పోషించిన పోస్ట్​మెన్ క్యారెక్టర్ గెటప్​లోనే వచ్చారు. ఇక సినిమా గురించి కిరణ్​ పలు ఇంట్రెస్టింగ్ విషయాలు షేర్ చేసుకున్నారు. సినిమాపై ఈయన చాలా కాన్ఫిడెంట్​గా ఉన్నారు. ఇది ఒక విభిన్నమైన కాన్సెప్ట్​తో తెరకెక్కిన చిత్రమని ఆయన అన్నారు. ఇలాంటి కాన్సెప్ట్​తో ఇప్పటివరకూ సినిమా రాలేదని, ఒకవేళ వచ్చినట్టు నిరూపిస్తే ఆయన సినిమాలు చేయడం మానేస్తానని అన్నారు. ఇక ప్రెస్​మీట్​లో మీడియా అడిగిన పలు ప్రశ్నలకు కిరణ్ సమాధానమిచ్చారు.

• ట్రైలర్​లో 'కాంతార' ఫ్లేవర్‌ ఎక్కువగా కనిపిస్తుంది?
  నైట్‌ షాట్స్‌ ఎక్కువగా ఉన్నాయి. అందుకే అలా అనిపించి ఉండొచ్చు. ఇందులో ఎలాంటి భక్తి సంబంధమైన విషయాలు ఉండవు. ఇది ఒక సస్పెన్స్‌ థ్రిల్లర్‌ మాత్రమే
• కిరణ్ ఈ సినిమాలో పాన్‌ఇండియా స్టార్ అవుతారా?
  తెలుగు ప్రేక్షకులకు మా సినిమా నచ్చితే చాలు. పాన్‌ ఇండియా హీరో అవుతానా? అన్ని భాషల్లో ప్రేక్షకులు ఆదరిస్తారా? అనేది తర్వాత విషయం. ఫలితం మీ చేతుల్లోనే ఉంది.

కాగా, ఈ సినిమాలో న‌య‌న్ సారిక‌, త‌న్వి రామ్ హీరోయిన్లుగా నటించారు. శ్రీ చక్రాస్ ఎంటర్టైన్మెంట్​ బ్యానర్‌పై చింతా గోపాలకృష్ణ రెడ్డి ఈ సినిమాను నిర్మించారు. ఇప్పటికే రిలీజైన ఈ ట్రైలర్​కు ఊహించని రేంజ్​లో స్పందన లభిస్తోంది. ఆద్యంతం ఉత్కంఠగా సాగిన ట్రైలర్ సినిమాపై అమాంతం అంచనాలు పెంచేస్తోంది. 24 గంటల్లోనే ఈ ట్రైలర్​కు 40 లక్షలకు పైగా వ్యూస్ వచ్చాయి. కాగా, పాన్​ఇండియా రేంజ్​లో తెరకెక్కిన ఈ సినిమా అక్టోబర్ 31న కేవలం తెలుగు భాషలోనే విడుదల కానుంది. వారం రోజుల తర్వాత కన్నడ సహా ఇతర భాషల్లో రిలీజ్ చేయడానికి ప్లాన్ చేస్తున్నట్లు కిరణ్ అబ్బవరం తెలిపారు.