Karthika Deepam Vantalakka Remuneration : వంటలక్క ప్రేమి విశ్వనాథ్ గురించి ప్రత్యేకంగా చెప్పనక్కర్లేదు. ఆరనీకుమా ఈ దీపం అంటూ బుల్లితెరపై పాట వినిపిస్తే చాలు కార్తీక దీపాన్ని చూసేందుకు అతుక్కుపోయేవారు ప్రేక్షకులు. అందులో వంటలక్క ఏడిస్తే ఏడ్చారు, నవ్వితే నవ్వారు, ఆమె కష్టసుఖాలను తమవిగా భావించి వెన్నంటే నిలిచారు. అయితే ఇప్పుడీ సీరియల్కు రెండో సీజన్గా కార్తీక దీపం నవవసంతం వస్తున్న సంగతి తెలిసిందే.
ఈ మధ్యే గ్రాండ్గా మొదలైందీ ధారావాహిక. ఇప్పుడీ రెండో సీజన్ కూడా సక్సెస్ఫుల్గానే రన్ అవుతోంది. తొలి సీజన్కు వచ్చిన క్రేజ్తో ప్రేమీ విశ్వనాథ్ రెండో సీజన్లోనూ ఛాన్స్ దక్కించుకుంది అలానే డాక్టర్ బాబు నిరూపమ్ కూడా అవకాశం అందుకున్నారు. అయితే మరోసారి ముందుగా అనుకున్నట్టే వంటలక్క, డాక్టర్ బాబు పాత్రలకు మంచి క్రేజ్ ఏర్పడింది. ఈ క్రమంలోనే వంటలక్క ప్రేమీ విశ్వనాథ్ రెమ్యునరేషన్ గురించి ఓ వార్త బయటకు వచ్చింది. ఒక్క ఎపిసోడ్కు ఆమె ఎంత ఛార్జ్ చేస్తుందో కథనాలు కనపడుతున్నాయి.
ఒక్క రోజు సీరియల్‌లో నటించినందుకుగానూ దాదాపు రూ. 35 వేల రూపాయలు వరకు తీసుకుంటుందని అంటున్నారు. మొత్తంగా నెలకు రూ. 7 లేదా రూ.8 లక్షలు తీసుకుంటుందని వార్తలు వినిపిస్తున్నాయి. మరి ఇందులో నిజమెంతో తెలీదు కానీ ఇది తెలుసుకుంటున్న ఫ్యాన్స్ అన్ని లక్షలా అంటూ షాక్ అవుతున్నారు.
ఇక ప్రేమీ విశ్వనాథ్ కెరీర్ విషయానికి వస్తే ఆమె ఇప్పటివరకు ఆరు సీరియల్స్లో నటించింది. కరుతముత్తు అనే మలయాళ ధారావాహికతో బుల్లితెర పరిశ్రమలోకి ఎంట్రీ ఇచ్చింది. అనంతరం మౌనమ్‌మణి, కుట్టికలవరా, కాయంకులనమ్ కోచినున్నయుడే మకన్, కార్తీకదీపం సీరియల్స్లో నటించింది. ప్రస్తుతం కార్తీకదీపం 2లో నటిస్తోంది. ఇంకా చెల్లెలి కాపురం, గోరింటాకు, జాతరో జాతర వంటి సీరియల్స్‌లోనూ మెరిసింది. అలా 2014 నుంచి ఇప్పటివరకు నటించిన సీరియల్స్ ద్వారా దక్షిణాదిలో ఫుల్ ఫాలోయింగ్ ఉన్న బుల్లితెర నటిగా గుర్తింపు దక్కించుకుంది.
ఇంకా ఈ సీరియల్సే కాకుండా ప్రేమీ విశ్వనాథ్ సినిమా రంగంలోనూ రాణించేందుకు ప్రయత్నాలు చేస్తోంది. అకమే అనే మలయాళ చిత్రంలో నటించింది. తెలుగులో నాగచైతన్య కస్టడీలో కనిపించింది. సాల్మన్ 3డీ తమిళ చిత్రంలోనూ మెరిసింది.
మ్యాజిస్టిక్ ఎడ్వంచర్ - అద్భుతమైన విజువల్స్తో నాగబంధం సీక్రెట్ ట్రెజర్! - Ugadi Tollywood
