Ramcharan Gamechanger : మెగా పవర్ స్టార్ రామ్చరణ్ గురించి ప్రత్యేకంగా చెప్పనక్కర్లేదు. ఆర్ఆర్ఆర్తో ఆయన క్రేజ్ గ్లోబల్ వైడ్గా ఎదిగింది. దీంతో ఆయన నుంచి రాబోయే సినిమాలపై ఫ్యాన్స్లో విపరీతమైన ఆసక్తి ఏర్పడింది. ఈ క్రమంలోనే ఆయన దిగ్గజ దర్శకుడు శంకర్తో సినిమా చేయబోతున్నట్లు అఫీషియల్గా అనౌన్స్ చేశారు. ఓపెనింగ్ సెరమనీని కూడా గ్రాండ్గా చేశారు. శంకర్తో సినిమా అనేసరికి ఫ్యాన్స్లో అంచనాలు పెరిగినప్పటికీ ఎక్కడో ఓ చోట చిన్న సందేహం నెలకొంది. ఎందుకంటే అప్పటివరకు శంకర్ ఫ్లాపుల్లో ఉన్నారు.
అయితే ఇదే సమయంలో శంకర్ కమల్హాసన్ భారతీయుడు 2(Indian 2 Movie Review) ప్రాజెక్ట్ను డీల్ చేశారు. భారీ అంచనాలతో వచ్చిన ఆ సినిమా తాజాగా విడుదలైంది. కానీ మిశ్రమ స్పందనలను అందుకుంది. దీంతో ఒక్కసారిగా రామ్ చరణ్ ఫ్యాన్స్కు కాస్త టెన్షన్ పెట్టుకుంది. ఎందుకంటే శంకర్ నుంచి రాబోయే నెక్ట్స్ ప్రాజెక్ట్ గేమ్ ఛేంజరే. ఈ సినిమా కథ ఎలా ఉండబోతుందా అని తెగ ఆలోచిస్తున్నారు. అలానే గేమ్ ఛేంజర్ కోసం అధ్బుతమైన బ్యాక్ గ్రౌండ్ మ్యూజిక్ అందించాలని సంగీత దర్శకుడు తమన్ను కోరుతున్నారు.
కాగా, గేమ్ఛేంజర్ సినిమాను ఇంటెన్స్ పొలిటికల్ థ్రిల్లర్‌గా తెరకెక్కిస్తున్నారు శంకర్. దిల్రాజు నిర్మాత. ఇందులో రామ్ చరణ్ ద్విపాత్రాభినయంలో నటిస్తున్నారు. కియారా అద్వానీ హీరోయిన్. అంజలి, SJ సూర్య, నవీన్ చంద్ర, శ్రీకాంత్, సముద్ర ఖని తదితరులు ఇతర కీలక పాత్రల్లో నటిస్తున్నారు. ప్రస్తుతం శరవేగంగా షూటింగ్ జరుపుకుంటోంది. రామ్ చరణ్ పాత్రకు సంబంధించిన చిత్రీకరణ పూర్తైంది.
Buchibabu Sana Ramcharan RC 16 : ఇకపోతే రామ్చరణ్ దర్శకుడు బుచ్చిబాబుతో ఆర్సీ 16 సినిమాను చేయనున్నారు. కన్నడ స్టార్ నటుడు శివరాజ్‌కుమార్‌ ఇందులో కీలక పాత్ర పోషిస్తున్నారు. గ్రామీణ నేపథ్యంలో సాగే స్పోర్ట్స్‌ డ్రామా ఇతివృత్తంగా దీనిని తీర్చిదిద్దుతున్నట్లు సమాచారం. ప్రముఖ సంగీత దర్శకుడు ఏఆర్‌ రెహమాన్‌ ఈ చిత్రానికి సంగీతం అందించనున్నారు. భారీ బడ్జెట్‌తో మైత్రీ మూవీ మేకర్స్‌ నిర్మిస్తోంది.
రామ్చరణ్ ఫ్యాన్స్ను కలవరపెడుతున్న ఆ విషయం! - ఏంటంటే? - Ramcharan Gamechanger
