Bharateeyudu 2 Pre Release Event: లోకనాయకుడు కమల్ హాసన్- శంకర్ కాంబోలో తెరకెక్కిన భారీ బడ్జెట్ చిత్రం 'భారతీయుడు- 2'. 1996లో రిలీజైన బ్లాక్బస్టర్ 'భారతీయుడు'కు సీక్వెల్గా పాన్ఇండియా రేంజ్లో ఈ సినిమా రూపొందింది. ఈ మూవీ జులై 12న వరల్డ్వైడ్ గ్రాండ్గా రిలీజ్ కానుంది. ఈ నేపథ్యంలో ఆదివారం హైదరాబాద్లో మూవీ ప్రీ రిలీజ్ ఈవెంట్ జరిగింది. ఈ ఈవెంట్లో హీరో కమల్ హాసన్ టాలీవుడ్ ఫిల్మ్ ఇండస్ట్రీపై ఇంట్రెస్టింగ్ కామెంట్స్ చేశారు.
'తెలుగు చిత్రసీమే నా జీవితంలో నన్ను స్టార్‌ని చేసింది. 'మరో చరిత్ర', 'సాగర సంగమం', 'స్వాతిముత్యం' విజయాలు నాకు ఇక్కడే దక్కాయి. 1996లో 'భారతీయుడు' రిలీజైనప్పుడు 'ఇంత ఖరీదైన చిత్రం ఆ స్థాయి వసూళ్లు సాధిస్తుందా' అని విమర్శలు వినిపించేవి. కానీ, ఆ సినిమాకు మేము ఊహించని రీతిలో రెస్పాన్స్ వచ్చింది. భారీ స్థాయిలో విజయాన్ని అందుకొన్ని ప్రేక్షకులను మెప్పించింది. ఇక 'భారతీయుడు- 2' మన అందరి సినిమా. ఈ జనరేషన్కు సరిపోయే కథ ఇది. 6ఏళ్లు అనేక కష్టాలు ఎదుర్కొని ఈ సినిమా చేశాం. ఇది రెండు పార్ట్లుగా రానుంది. 'భారతీయుడు -2' ను ఆదరించిన హిట్ చేయండి. ఆ తర్వాత వీలైనంత త్వరలోనే 'భారతీయుడు -3' తీసుకువస్తాం' అని కమల్ హాసన్ అన్నారు.
కల నెరవేరింది: ఈ సినిమాలో నటించడం వల్ల తన కల నెరవేరిందని హీరో సిద్ధార్థ్ అన్నాడు. 'కమల్ సన్‌తో కలిసి నటించాలి. ఆయనతో వేదిక పంచుకోవాలని ఎప్పట్నుంచో కోరిక ఉండేది. ఇప్పుడు శంకర్ సర్తో అది నిజమైంది. ఈ సినిమాలోని అంశాలు రేపటి తరానికి ఉపయోగపడతాయి' అని సిద్ధార్థ్ అన్నారు.
అసలు ఊహించలేదు: 'భారతీయుడు- 2'లో నటిస్తానని కలలో కూడా ఊహించలేదు. అలాంటిది ఈ సినిమాలో మంచి పాత్ర ఇచ్చిన డైరెక్టర్ శంకర్కు థాంక్స్. కమల్ సర్తో కలిసి నటించాలన్న నా కల నెరవేరింది' అని హీరోయిన్ రకుల్ప్రీత్ సింద్ అన్నారు. కాగా, ఈ సినిమాలో కమస్హాసన్, సిద్ధార్థ్, కాజల్ అగర్వాల్, రకుల్ప్రీత్ సింగ్, యస్ జే సూర్య, బ్రహ్మానందం, బాబి సింహా తదితరులు కీలక పాత్రల్లో నటించారు. ఈ సినిమాను లైకా ప్రొడక్షన్స్, రెడ్ జెయింట్ మూవీస్ సంయుక్తంగా నిర్మించాయి.
నా మాటలను వేరేలా అర్థం చేసుకున్నారు- అసలు ఉద్దేశం అది కాదు: కమల్ - Kamal Haasan Indian 2
కమల్ హాసన్ - ఆ హాలీవుడ్ స్టార్ హీరో కోసం మేకప్ ఆర్టిస్ట్‌గా! - Kalki 2898 AD Kamal Haasan
