Kajal Agarwal Sathyabhama VS Payal Rajput Rakshana : ఎప్పటిలాగే ఈ వారం కూడా పలు సినిమాలు రిలీజ్ కానున్నాయి. అయితే సారి విడుదల కానున్న చిత్రాల్లో శర్వానంద్ మనమే చిత్రంపై కాస్త అంచనాలు ఉన్నాయి. దీంతో పాటు తమ కంటెంట్ కూడా ప్రేక్షకులను మెప్పిస్తుందనే ధీమా ప్రస్తుతం ఈ వారం పోటీలో ఉన్న ఇతర చిత్రాల్లోనూ కనిపిస్తోంది. వాటిలో కాజల్ అగర్వాల్ టైటిల్ రోల్ పోషించిన సత్యభామ, పాయల్ రాజ్పుత్ నటించిన రక్షణ కూడా ఉన్నాయి. అయితే ఈ రెండు సినిమాల్లో కొన్ని కామన్ పాయింట్స్ ఉండటం విశేషం.
రెండు చిత్రాలు ప్రమోషన్లు బాగానే జరుగుతున్నాయి. సత్యభామ ట్రైలర్ అంచనాలను పెంచడంతో పాటు ప్రీ రిలీజ్ ఈవెంట్కు బాలయ్య చీఫ్ గెస్ట్గా రావడంతో ఆడియెన్స్ దృష్టిలో ఈ చిత్రం బాగానే పడింది. దీనికి శశికిరణ్ తిక్కా స్క్రీన్ ప్లే అందించగా సుమన చిక్కాల దర్శకత్వం వహించారు. పైగా మొదటి సారి కాజల్ అగర్వాల్ ఫుల్ లెన్త్ పోలీస్ ఆఫీసర్ రోల్ పోషించిన చిత్రమిది. మర్డర్ మిస్టరీ బ్యాక్ డ్రాప్లో రూపొందించారు.
ఇక పాయల్ రాజ్ పుత్ ప్రధాన పాత్ర పోషించిన రక్షణ కూడా సత్యభామ రిలీజ్ రోజే వస్తోంది. క్రైమ్ థ్రిల్లర్ బ్యాక్డ్రాప్తోనే తెరకెక్కింది. వాస్తవానికి నాలుగేళ్ల క్రితమే షూటింగ్ పూర్తైనప్పటికీ ఇప్పుడు మోక్షం దక్కింది. ఈ చిత్ర నిర్మాత, హీరోయిన్ పాయల్ పరస్పరం ఆరోపణలు చేసుకోవడంతో ఈ సినిమా కాస్త హాట్ టాపిక్గా మారింది. ఏదేమైనా ఈ చిత్రం కూడా జూన్ 7న థియేటర్లలో ప్రేక్షకుల ముందుకు రానుంది. మంగళవారం వంటి హిట్ తర్వాత పాయల్ నుంచి రాబోతున్న సినిమా ఇది. అంటే ఇంతకాలం గ్లామర్తో కవ్వించిన అందగత్తెలు ఇప్పుడు ఖాకీ దుస్తులు వేసుకుని రాబోతున్నారు. మరి ఈ చిత్రాలు ఎంత వరకు ఆకట్టుకుంటాయో చూడాలి.
పైగా ఎలక్షన్ రిజల్ట్స్ కూడా దాదాపుగా వచ్చేయడంతో ఇక శుక్రవారం నాటికి జనాలు కూడా ఎన్నికల మూడ్ నుంచి బయటకు వచ్చేస్తారు. కాబట్టి వారు థియేటర్లకు ఆశించిన స్థాయిలో వస్తారని మేకర్స్ ఆశిస్తున్నారు. ఇక జూన్ నుంచి టాలీవుడ్ బాక్సాఫీస్కు మునుపటి రోజులు వచ్చేస్తాయని ట్రేడ్ అంచనా వేస్తున్న సమయంలో రానున్న మొదటి బంచ్ సినిమాలివి.
'రిలేషన్లోనే ఉన్నాను - ఆయనంటే నాకు చాలా ఇష్టం' - Krithi Shetty Manamey Movie
ఈ వారం 20 క్రేజీ సినిమా/సిరీస్లివే - మీరేం చూస్తారు? - This week OTT Releases
