Chiranjeevi Sonali Bendre Indra : చిరంజీవి, సోనాలి బింద్రే కలిసి గతంలో నటించిన బ్లాక్‌ బస్టర్‌ మూవీ 'ఇంద్ర'. బి.గోపాల్ దర్శకుడు. ఈ చిత్రం చిరు పుట్టినరోజు సందర్భంగా ఆగస్టు 22న థియేటర్‌లలో రీ రిలీజ్ కానుంది. తాజాగా ఈ మూవీ రీరిలీజ్‌పై సోనాలి బింద్రే మాట్లాడారు. ఇంద్ర మూవీ చిత్రీకరణ రోజులను గుర్తు చేసుకున్నారు.
"వైజయంతీ సంస్థలో పని చేయడం నాకు గొప్ప అనుభూతినిచ్చింది. అశ్వినీదత్‌ ఎంతో మంచి వ్యక్తి. అలాగే చిరంజీవితో కలిసి నటించడాన్ని ఎప్పటికీ మర్చిపోలేను. ఇంద్ర సినిమాలో అన్నిటి కన్నా కష్టమైన పని ఆయనతో కలిసి డ్యాన్స్లు వేయడమే. ఆయనతో సమానంగా డ్యాన్స్ చేయడం ఎవరికీ సాధ్యం కాదనే చెప్పాలి.
దాయి దాయి దామ్మా సాంగ్ షూటింగ్ ఉందని నాతో చెప్పారు. ఆ భయంతో రాత్రి అంతా నిద్రే పట్టలేదు. ఆ సాంగ్లో చిరు అద్భుతంగా డ్యాన్స్ చేశారు. ఆయన్ని చూసి ఎంతో ఆశ్చర్యపోయాను. నన్ను కూడా వీణ స్టెప్‌ వేయమంటారని చాలా భయపడ్డాను. రాధే గోవిందా, ప్రేమే కుట్టిందా సాంగ్ చిత్రీకరణలో బాగా ఎంజాయ్‌ చేశాం. హైదరాబాద్‌లోని పెద్ద సెట్‌లో ఆ పాటను షూట్ చేశారు. చిరంజీవి ఫ్యామిలీ మెంబర్స్ అంతా అప్పుడు సెట్‌లోనే ఉన్నారు. 'ఇంద్ర'ను మళ్లీ వెండి తెరపై చూసేందుకు ఆసక్తిగా ఎదురు చూస్తున్నాను. చిరంజీవి ఫ్యాన్స్కు ఇది పండగ రోజు" అని సోనాలి బింద్రే చెప్పుకొచ్చారు.
ఇకపోతే ఇంద్ర రీ రిలీజ్‌పై మెగాస్టార్ చిరంజీవి కూడా స్పందించారు. తాను నటించిన చిత్రాల్లో భారీ టెక్నికల్ వ్యాల్యూస్ ఉన్న బెస్ట్ కమర్షియల్‌ మూవీ ఇంద్ర అని అన్నారు. "ఈ తరం వారికి ఈ చిత్రాన్ని వెండితెరపై చూపించాలనే ఆలోచన వచ్చిన స్వప్నదత్‌, ప్రియాంక దత్‌కు హృదయపూర్వక అభినందనలు." అని అన్నారు.
ఇకపోతే ప్రస్తుతం చిరంజీవి యూవీ క్రియేషన్స్ బ్యానర్లో సోషియో ఫాంటసీ 'విశ్వంభర' సినిమా చేస్తున్నారు. బింబిసార దర్శకుడు వశిష్ట దీనిని తెరకెక్కిస్తున్నారు. ప్రస్తుతం శరవేగంగా షూటింగ్ జరుపుకుంటున్న ఈ చిత్రం వచ్చే ఏడాది సంక్రాంతికి రిలీజ్ కానుంది.
మెగాస్టార్ సాధించిన టాప్ 10 రికార్డ్స్ - చిరుకు మాత్రమే ఇవి సాధ్యం! - Chiranjeevi Top 10 Records
