Hero Karthi Apology To PawanKalyan On Laddu Controversy : తిరుపతి లడ్డు కల్తీ వివాదంలో వస్తోన్న విమర్శల నేపథ్యంలో తాజాగా నటుడు కార్తి చేసిన కామెంట్స్పై పవన్ కల్యాణ్ మండిపడ్డారు. అయితే ఈ విషయంపై స్పందించిన కార్తి తాజాగా పవన్కు సారీ చెప్పారు.
"పవన్‌కల్యాణ్‌పై నాకు ఎంతో గౌరవం ఉంది. నా వ్యాఖ్యలపై అనుకోని అపార్థానికి దారితీసినందుకు క్షమాపణ కోరుతున్నాను. నేను వెంకటేశ్వరస్వామి భక్తుడినే. ఎల్లప్పుడూ మన సంప్రదాయాలను గౌరవిస్తాను" అంటూ కార్తి క్షమాపణలు కోరారు.
Dear @PawanKalyan sir, with deep respects to you, I apologize for any unintended misunderstanding caused. As a humble devotee of Lord Venkateswara, I always hold our traditions dear. Best regards.
— Karthi (@Karthi_Offl) September 24, 2024
అసలేం జరిగిందంటే?
కోలీవుడ్ హీరో కార్తి ప్రస్తుతం తన తాజా మూవీ 'సత్యం సుందరం' ప్రమోషన్స్తో బీజీగా ఉంటున్నారు. ఈ నేపథ్యంలో తాజాగా ప్రీ రిలీజ్ ఈవెంట్లో ఆయన యాంకర్‌తో చేసిన ఓ చిన్న ఫన్ కాస్త కాంట్రవర్సీకి దారి తీసింది. కార్తిపై వచ్చిన మీమ్స్ గురించి మాట్లాడే సందర్భంగా 'లడ్డు కావాలా నాయన' అంటూ యాంకర్ అనడం, 'లడ్డు ఇప్పుడు మనకు వద్దు, అది చాలా సెన్సిటివ్ టాపిక్' అంటూ కార్తి తిరిగి అనడం, దానికి చుట్టూ ఉన్నవారు నవ్వడం ప్రస్తుతం చర్చనీయాంశమైంది.
ఇదే విషయంపై ఏపీ డిప్యూటీ సీఎం పవన్ కళ్యాణ్ అసంతృప్తిని వ్యక్తం చేసినట్లు మరో వీడియో కూడా బయటకు వచ్చింది. లడ్డూ మీద జోకులా? ఓ సినిమా ఈవెంట్ ఫంక్షన్లోనూ చూశాను అంటూ పవన్ మండిపడినట్లు ఆ వీడియోలో కనిపిస్తోంది. దీంతో అందరూ పవన్, కార్తినే అన్నారని అంటున్నారు.
Sensitive topic -
కాగా, ఏపీ డిప్యూటీ సీఎం పవన్ కళ్యాణ్ తిరుమల లడ్డు కల్తీ ఘటన నేపథ్యంలో ప్రాయశ్చిత్త దీక్ష చేపట్టిన విషయం తెలిసిందే. దీనిలో భాగంగా విజయవాడ ఇంద్రకీలాద్రిపై ఉన్న కనకదుర్గ ఆలయంలో పవన్ శుద్ధి కార్యక్రమం నిర్వహించారు. అక్కడే మీడియా ముందు లడ్డూ కల్తీపై కొంత మంది చేస్తున్న హాస్యస్పద విమర్శలను తిప్పికొట్టారు. ఇందులో భాగంగానే సత్యం సుందర ప్రీ రిలీజ్ ఈవెంట్లో జరిగిన సందర్భం గురించి కూడా పవన్ మాట్లాడరని అందరూ అనుకుంటున్నారు.
ఇకపోతే ప్రాయశ్చిత్త దీక్ష విరమించేందుకు పవన్ అక్టోబరు 1న తిరుపతి నుంచి అలిపిరి మెట్ల మార్గంలో తిరుమలకు నడుచుకుంటూ వెళ్లనున్నారు. 2న ఉదయం శ్రీవారిని దర్శించుకున్న అనంతరం దీక్షను విరమించనున్నారు.
