Hari Hara Veera Mallu Release Date : పవర్ స్టార్ పవన్ కల్యాణ్ లీడ్ రోల్లో తెరకెక్కుతున్న 'హరిహర వీరమల్లు' మూవీ రిలీజ్ డేట్ను మేకర్స్ తాజాగా అనౌన్స్ చేశారు. ఈ చిత్రం వచ్చే ఏడాది మార్చి 28న ప్రపంచవ్యాప్తంగా విడుదల కానున్నట్లు చిత్ర నిర్మాత ఏఎం రత్నం తెలిపారు. "అన్‌స్టాపబుల్‌ ఫోర్స్‌, అన్‌బ్రేకబుల్‌ స్పిరిట్‌ మార్చి 28న విడుదల కానుంది" అంటూ ఓ స్పెషల్ పోస్టర్ ద్వారా ఈ అనౌన్స్మెంట్ను చేశారు.
17వ శతాబ్దం నేపథ్యంలో సాగే కథతో పవన్ అభిమానులను అలరించనున్నారు. మొఘలుల కాలం నాటి చారిత్రక నేపథ్యంలో తెరకెక్కుతోంది. పవన్ కల్యాణ్ ఓ వీరోచిత బందిపోటుగా కనిపిస్తారట. ఇప్పటికే విడుదలైన ఆయన లుక్స్ కూడా ఫ్యాన్స్ను బాగా ఆకట్టుకున్నాయి. క్రిష్‌, జ్యోతికృష్ణ సంయుక్తంగా ఈ చిత్రాన్ని డైరెక్ట్ చేస్తున్నారు. రెండు భాగాలుగా ఈ సినిమా ప్రేక్షకుల ముందుకు రానుంది. 'హరిహర వీరమల్లు పార్ట్‌ 1: స్వార్డ్‌ వర్సెస్‌ స్పిరిట్‌' పేరుతో విడుదల కానుంది. బాబీ దేవోల్‌, అనుపమ్‌ఖేర్‌, నోరా ఫతేహి, విక్రమ్‌ జీత్‌, నిధి అగర్వాల్‌, జిషుసేన్‌ గుప్త ఈ చిత్రంలో కీలక పాత్రలు పోషిస్తున్నారు. ఎం.ఎం.కీరవాణి స్వరాలు అందిస్తున్న ఈ సినిమాను మెగా సూర్య ప్రొడక్షన్స్‌ పతాకం ప్రతిష్టాత్మకంగా నిర్మిస్తోంది. ఇప్పటికే తొలి భాగానికి సంబంధించి చిత్రీకరణ ముగింపుదశకు చేరుకుందని సమాచారం.
" unstoppable force, unbreakable spirit" storming into cinemas near you on march 28th, 2025! 💥
— AM Rathnam (@AMRathnamOfl) September 23, 2024
the warrior outlaw ~ powerstar @PawanKalyan garu Joins the Shoot! 💥⚔️#HariHaraVeeraMallu Shoot Resumed Today at 7 AM in a set erected at Vijayawada. 🔥 pic.twitter.com/ioucPODQCz
భారీ సెట్లో షూటింగ్ స్టార్ట్
పవన్ కల్యాణ్ రాజకీయాల్లో బిజీగా ఉండటం వల్ల ఈ సినిమా షూటింగ్ పలు మార్లు వాయిదా పడింది. అయితే తాజాగా తనపై వచ్చే సీన్స్ను మాత్రం ఆయన పూర్తి చేసేందుకు ఓకే చెప్పారట. ఈ క్రమంలోనే సోమవారం ఉదయం 7 గంటలకు విజయవాడలోని ఓ భారీ సెట్లో షూట్ మొదలైనట్లు తెలుస్తోంది. ఈవిషయాన్నీ చిత్రనిర్మాణ సంస్థ తెలియజేసింది. హాలీవుడ్ స్టంట్ డైరెక్టర్ నిక్ పాల్ నేతృత్వంలో భారీ యాక్షన్ సీన్స్ను ఇక్కడ షూట్ చేయనున్నారని సమాచారం. ఇందులో పవన్తో పాటు ఇతర కీలక నటీనటులు భాగం కానున్నారని తెలుస్తోంది.
పవన్ కల్యాణ్ 'హరిహర వీరమల్లు' డైలాగ్ లీక్- 'యానిమల్' విలన్ అంత పని చేశాడా!
