ప్రభాస్, హను రాఘవపూడి 'ఫౌజీ' అప్డేట్ - షూటింగ్​ ఎక్కడి వరకు వచ్చిందంటే?

ప్రభాస్, హను రాఘవపూడి సినిమా షూటింగ్​పై లేటెస్ట్ అప్డేట్​.

Prabhas Fauji Movie Shooting Update : పాన్​ ఇండియా రెబల్​ స్టార్​ ప్రభాస్ ప్రస్తుతం వరుసగా పలు చిత్రాలు చేస్తోన్న సంగతి తెలిసిందే. అందులో టాలెంటెడ్ డైరెక్టర్​ హను రాఘవపూడితో చేస్తున్న భారీ పాన్ ఇండియా చిత్రం కూడా ఒకటి. 'ఫౌజీ' పేరుతో ఇది తెరకెక్కుతోంది. పూర్తిస్థాయి పీరియాడిక్‌ యాక్షన్‌ డ్రామాగా దీన్ని తీర్చిదిద్దుతున్నారు. 1940 వార్​ బ్యాక్​డ్రాప్​తో తెరకెక్కిస్తున్న ఈ చిత్రం కోసం ఫ్యాన్స్ ఆసక్తిగానే ఎదురు చూస్తున్నారు. అయితే ఈ మూవీలో ప్రభాస్ సరసన యంగ్ హీరోయిన్ ఇమాన్వీ నటిస్తున్న సంగతి తెలిసిందే.

ఇప్పుడు ఈ ముద్దుగుమ్మతో కలిసి ప్రభాస్​పై దర్శకుడు కొన్ని బ్యూటీఫుల్ సీన్స్​ను తెరకెక్కించినట్టుగా బయట కథనాలు కనిపిస్తున్నాయి. ఇప్పటికే రెండు షెడ్యూల్స్​ను సక్సెస్ ఫుల్​గా కంప్లీట్ చేసేశారట. వీటిలో మెయిన్ లీడ్​పై తీసిన సన్నివేశాలు అద్భుతంగా వచ్చాయట. మొత్తంగా ప్రస్తుతానికైతే ప్లానింగ్ ప్రకారం షూట్ నిర్విరామంగా జరిగిపోతున్నట్టుగా సమచారం అందుతోంది. మరి వీటిలో నిజమెంతో తెలీదు గానీ ప్రస్తుతానికి ఈ వార్తైతే సోషల్​ మీడియాలో చక్కర్లు కొడుతోంది.

మైత్రీ మూవీ మేకర్స్‌ పతాకంపై ఈ భారీ బడ్జెట్​ ఫౌజీ చిత్రం నిర్మితం అవుతోంది. రీసెంట్​గానే ఈ సినిమా పూజా కార్యక్రమాలతో ప్రారంభించుకుంది. విభిన్నమైన కథతో ఇది తెరకెక్కుతున్నట్లు మూవీ టీమ్ చెబుతోంది. వచ్చే ఏడాది ఈ సినిమా రిలీజ్​కు సన్నాహాలు చేస్తున్నారట. విశాల్ చంద్రశేఖర్‌ ఇప్పటికే పాటలు కూడా కంపోజ్ చేశారు.

Prabhas Upcoming Movies : కాగా, సలార్‌, కల్కి 2898 ఏడీ చిత్ర విజయాలతో జోరు మీదున్న ప్రభాస్‌ ఫౌజీతో పాటు మరిన్ని సినిమాలు చేస్తున్నారు. త్వరలోనే రాజాసాబ్​తో ప్రేక్షకుల ముందుకు రానున్నారు. ఇంకా స్పిరిట్​, కల్కి 2898 ఏడీ సీక్వెల్​, సలార్ 2 వంటి సినిమాలు కూడా చేయనున్నారు. అలానే కేజీయఫ్‌, కాంతార, సలార్‌ చిత్రాలను నిర్మించిన సంస్థ హోంబలే ఫిల్మ్స్‌ కూడా ప్రభాస్​తో మూడు చిత్రాలను లైన్​లో పెట్టినట్లు రీసెంట్​గానే అఫీషియల్​గా ప్రకటించింది.