Eagle Movie Twitter Review: మాస్ మహారాజ రవితేజ లేటెస్ట్ ఫిల్మ్ 'ఈగల్' ఫిబ్రవరి 9న థియేటర్లలో రిలీజైంది. కార్తీక్ ఘట్టమనేని ఫుల్ ఆఫ్ యాక్షన్ జానర్లో ఈ సినిమా తెరకెక్కించారు. అనుపమ పరమేశ్వరన్, కావ్యా థాపర్ ఈ సినిమాలో హీరోయిన్లుగా నటించారు. ట్రైలర్లో పవర్ఫుల్ డైలాగ్స్తో సినిమాపై ఇప్పటికే బోలెడంత బజ్ క్రియేట్ అయ్యింది. శుక్రవారం ప్రేక్షకుల ముందుకు వచ్చిన రవితేజ ఈ మూవీతో మెప్పించారా? సినిమా ఎలా ఉందంటే?
హైదరాబాద్లో శుక్రవారం తెల్లవారుజామునే పలు సెంటర్లలో ప్రీమియర్ షోస్ పడ్డాయి. ప్రీమియర్స్కు అదిరిపోయే రెస్పాన్స్ లభించింది. ఇక సినిమాకు పాజిటివ్ టాక్ వస్తోంది. 'రావ‌ణాసుర', 'టైగ‌ర్ నాగేశ్వ‌ర‌రావు' సినిమాల తర్వాత రవితేజ మళ్లీ హిట్ ట్రాక్ ఎక్కారని సినిమా చూసిన ఆడియెన్స్ అంటున్నారు. రవితేజ కెరీర్లో బెస్ట్ యాక్షన్ చిత్రాల్లో ఇది ఒకటని, బొమ్మ బ్లాక్బస్టరంటూ రివ్యూ ఇస్తున్నారు.
సినిమాలో ముఖ్యంగా హీరో రవితేజ నటనతో అదరగొట్టారని టాక్. సెకండ్ హాఫ్లో యాక్షన్ సీన్స్, క్లైమాక్స్ పీక్ లెవెల్లో ఉందని, లాస్ట్ 30 నిమిషాలు థియేటర్లు బద్దలవుతాయని అంటున్నారు. విజువల్స్, డైలాగ్స్ అద్భుతంగా ఉన్నాయట. 'టాప్ క్వాలిటీ విజువల్స్, రవితేజ న్యూ అవతార్' అని ఓ నెటిజన్ సోషల్ మీడియాలో కామెంట్ చేయగా, 'రవితేజ విశ్వరూపం ప్రదర్శించాడు' అని మరో నెటిజన్ రివ్యూ ఇచ్చాడు. ఓవరాల్గా 'ఈగల్'కు బ్లాక్బస్టర్ టాక్ వస్తోంది. హీరో రవితేజ ఇటీవల మూవీ టీమ్తో కలిసి స్పెషల్ స్క్రీనింగ్లో ఈగల్ మూవీ చూశారు. సినిమా చూసిన తర్వాత 'మూవీ ఎక్సెలెంట్, నేను సాటిఫ్ఫై అయ్యా' అని ఒక్క మాటలో చెప్పేశారు. ఇక రెండు సినిమాల తర్వాత మాస్ మహారాజ మళ్లీ ఈగల్తో సక్సెస్ అందుకున్నట్లే!
Eagle Movie Cast: ఈ సినిమాలో వినయ్ రాయ్, నవదీప్, అజయ్ ఘోశ్, శ్రీనివాస్ రెడ్డి, నితిన్ మెహతా, శ్రీనివాస్ అవసరాల, ప్రణీత పట్నాయక్ తదితరులు ఆయా పాత్రల్లో నటించారు. పీపుల్ మీడియా ఫ్యాక్టరీ బ్యానర్పై టీజీ విశ్వ ప్రసాద్, వివేక్ కూచిబొట్ల సంయుక్తంగా నిర్మించారు. దావ్జన్ ఈ సినిమాకు మ్యూజిక్ అందించదా కార్తిక్ ఘట్టమనేని సినిమాటోగ్రాఫర్గా వ్యవహరించారు.
'ఈగల్' ఫుల్ ఆఫ్ యాక్షన్ గ్లింప్స్ ఔట్- రిలీజ్కు ముందు బూస్ట్!
'మాట నిలబెట్టుకోండి' - సోలో డేట్ కోసం 'ఈగల్' టీమ్ రిక్వెస్ట్!
