Dhanush Nagarjuna Movie Shooting : టాలీవుడ్ స్టార్ హీరో నాగార్జున, ధనుశ్ లీడ్ రోల్స్లో క్లాసిక్ డైరెక్టర్ శేఖర్ కమ్ముల ఓ సినిమా రూపొందిస్తున్నారు. 'ధనుశ్ 51' అనే వర్కింగ్ టైటిల్తో తెరకెక్కుతున్న ఈ మూవీ సెట్స్పైకి అడుగుపెట్టింది. ఈ నేపథ్యంలో తాజాగా ఈ మూవీ షూటింగ్ తిరుపతిలో జరుగుతోంది. అక్కడి అలిపిరి, హరేకృష్ణ మందిర ప్రాంతాల్లో చిత్రీకరణ సాగుతోంది. ఈ నేపథ్యంలో తమ అభిమాన తారలను చూసేందుకు ఫ్యాన్స్ గుమిగూడారు. దీంతో ఆ ప్రాంతంలో ట్రాఫిక్ ఏర్పడింది.
ఉదయం నుంచే చిత్రీకరణ ప్రారంభమైనందున అలిపిరి ప్రాంతంలో రోడ్డుకు ఇరువైపులా రెండు కిలోమీటర్ల మేర వాహనాలు బారులు తీరడంతో ప్రయాణికులు ఇబ్బందులు ఎదుర్కొన్నారు. అయితే పోలీసులు వెంటనే ఆ ప్రాంతానికి చేరుకుని ట్రాఫిక్ సమస్యను పరిష్కరించారు. అయితే చిత్ర నిర్మాణ యూనిట్ ముందుగానే అనుమతి తీసుకున్నట్లు తెలుస్తోంది.
ఇక ధనుశ్ 51 సినిమా విషయానికి వస్తే - ఈ సినిమాను శేఖర్ కమ్ముల ఓ రియల్ ఇన్సిడెంట్ ఆధారంగా ప్లాన్ చేస్తున్నట్టుగా అప్పట్లో రూమర్స్ వచ్చాయి. అంతే కాకుండా ఈ చిత్రం మొత్తం పీరియాడిక్ బ్యాక్ డ్రాప్తో పాటు ఓ పొలిటికల్ డ్రామాగా ప్లాన్ చేస్తున్నట్టుగా సమాచారం. ఇక ఈ సినిమాలో ధనుశ్తో పాటు రష్మిక జంటగా నటిస్తున్నారు. పూస్కూర్‌ రామ్మోహనరావు, సునీల్‌ నారంగ్‌ ఈ చిత్రానికి నిర్మాతలుగా వ్యవహరిస్తున్నారు. వెంకటేశ్వర సినిమాస్ ఎల్‌ఎల్‌పి (ఏషియాన్ గ్రూప్)లో అమిగోస్ క్రియేషన్స్ ప్రైవేట్ లిమిటెడ్‌తో కలిసి పాన్ ఇండియా స్థాయిలో ఈ చిత్రాన్ని రూపొందించనున్నారు.
మరోవైపు నాగార్జున ఇటీవలే 'నా సామి రంగ' సక్సెస్ను అందుకున్నారు. సంక్రాంతి బరిలోకి వచ్చిన ఈ మూవీ మంచి టాక్తో పాటు కలెక్షన్ల పరంగానూ సక్సెస్ అందుకుంది. ధనుశ్ కూడా 'కెప్టెన్ మిల్లర్' అనే సినిమాతో థియేటర్లలో సందడి చేశారు. సంక్రాంతి కానుకగా కోలీవుడ్లో ఈ సినిమా విడుదలవ్వగా, తెలుగులో తాజాగా ఈ సినిమా సందడి చేసింది. ఈ రెండింటి తర్వాత ఈ ఇద్దరూ కలిసి ఈ మూవీ షూటింగ్లో బిజీగా ఉన్నారు.
ధనుష్ కూడా తప్పని తిప్పలు- ఆ విషయంలో ఏకంగా ఏడ్చేశారట!
ఇంట్రెస్టింగ్గా ధనుష్- శేఖర్ కమ్ముల మూవీ పోస్టర్! నాగార్జునతో లింక్ ఏంటి?
