Chiyaan Vikram Comments On Prabhas : పాన్ ఇండియా స్టార్ ప్రభాస్ ప్రస్తుతం వరల్డ్ వైడ్గా అభిమానులను సొంతం చేసుకున్న సంగతి తెలిసిందే. ఆయన సినిమా రిలీజ్ అవుతుందంటే తొలి రోజే రూ.100 నుంచి రూ.170 కోట్ల వరకు వసూలు అవ్వడం పక్కా! ఇప్పుడాయన సలార్, కల్కి 2898 ఏడీతో వరుస విజయాలను అందుకుని సరికొత్త రికార్డులు సొంతం చేసుకున్నారు.
అయితే తాజాగా ప్రభాస్పై కోలీవుడ్ స్టార్, విలక్షణ హీరో విక్రమ్ చేసిన కామెంట్స్ వైరల్గా మారాయి. ఆయన డార్లింగ్పై ప్రశంసల వర్షం కురిపించారు. "ప్రభాస్ ఇప్పుడు ఇండియాలోనే బిగ్గెస్ట్ సూపర్ స్టార్. ఆయన్ను ఇప్పుడు కేవలం తెలుగు హీరో మాత్రమే అనడం సరికాదు." అని విక్రమ్ చెప్పుకొచ్చారు. ఈ కామెంట్స్ ప్రస్తుతం డార్లింగ్ ఫ్యాన్స్లో ఆనందాన్ని కలిగిస్తున్నాయి. దీంతో వారు ఈ కామెంట్స్ సోషల్ మీడియాలో తెగ వైరల్ చేస్తున్నారు.
అనంతరం విక్రమ్ తంగలాన్లో నటించిన మాళవిక మాట్లాడుతూ "ప్రభాస్‌తో కలిసి నటించే ఛాన్స్ రావడం ఆనందంగా ఉంది. భాషపరంగా సినిమా సరిహద్దులను ఆయన తొలగించారు. ఆయన నటించిన చిత్రాలపై ప్రేక్షకులు చూపే అభిమానం చూస్తే ఆశ్చర్యంగా ఉంది" అని చెప్పారు. రాజాసాబ్‌ కూడా పాన్ ఇండియా ఫిల్మ్‌ అని చెప్పుకొచ్చారు.
Rajasaab Movie Shooting Update : ఈ ఏడాది 'కల్కి 2898 ఏడీ' చిత్రంతో భారీ బ్లాక్ బస్టర్ను ఖాతాలో వేసుకున్న ప్రభాస్ ప్రస్తుతం వరుస పాన్ ఇండియా చిత్రాలతో బిజీగా గడుపుతున్నారు. ఆయన నుంచి రాబోతున్న చిత్రాల్లో 'రాజాసాబ్‌' కూడా ఒకటి. వచ్చే ఏడాది ఏప్రిల్‌ 10న ఈ మూవీ రిలీజ్ కానుంది. తాజాగా ఈ మూవీ షూటింగ్పై నిర్మాత శ్రీనివాస కుమార్‌ అప్డేట్ ఇచ్చారు. "ప్రభాస్ పాత్రకు సంబంధించి షూటింగ్ పూర్తైంది. మూవీ షూటింగ్ కూడా పూర్తైంది." అని ఓ నెటిజన్‌ పోస్ట్ చేయగా దానికి నిర్మాత శ్రీనివాస కుమార్‌ (ఎస్‌కెఎన్‌) బదులిచ్చారు.
"ప్రభాస్ పాత్ర కంప్లీట్ అయితే సినిమా షూటింగ్ అంతా పూర్తైనట్లు కాదు కదా!" అని చెప్పుకొచ్చారు. ప్రస్తుతం ఈ మూవీ షూటింగ్ శరవేగంగా జరుగుతోందని చెప్పారు. కాగా, రొమాంటిక్‌ హారర్‌ కామెడీగా తెరకెక్కుతోన్న ఈ సినిమాను పీపుల్ మీడియా ఫ్యాక్టరీ బ్యానర్పై టీజీ విశ్వప్రసాద్‌ నిర్మిస్తున్నారు. సినిమాలో మాళవిక మోహనన్‌, రిద్ధి కుమార్‌, నిధి అగర్వాల్‌ హీరోయిన్లుగా నటిస్తున్నారు.
పవన్ అందుకే 'ఖుషి' సీక్వెల్ ఒప్పుకోలేదు - అసలు కారణం చెప్పిన ఎస్ జే సూర్య - SJ SURYAH Kushi SEQUEL
'పెళ్లి ఎప్పుడు, ఎక్కడ చేసుకుంటారు?' - నాగ చైతన్య సమాధానమిదే - Naga chaitanya Marriage
