SunNxt Chiranjeevi Movie : మెగాస్టార్ చిరంజీవి సినీ కెరీర్లో ఎన్నో సూపర్ హిట్లు, బ్లాక్ బస్టర్లు, ఇండస్ట్రీ హిట్ చిత్రాలు ఉన్నాయి. ఏడు పదుల వయసుకు చేరువ అవుతున్నా ఇంకా యంగ్ హీరోలతో పోటీ పడుతూ కెరీర్లో దూసుకెళ్తున్నారు. ప్రస్తుతం ఆయన బింబిసార ఫేమ్ వశిష్ట దర్శకత్వంలో 'విశ్వంభర'(Chiranjeevi Viswambara) అనే సోషియో ఫాంటసీ మూవీ చేస్తున్నారు. ఇది వచ్చే ఏడాది సంక్రాంతికి రిలీజ్ కానుంది. రీసెంట్గా ఆయన పుట్టినరోజు(ఆగస్ట్ 22) వేడుకలను తెలుగు రాష్ట్రాల్లో అభిమానులు గ్రాండ్గా చేసుకున్నారు.
Shankar Dada M.B.B.S. Movie : అయితే ఈ నేఫథ్యంలోనే చిరు ఫ్యాన్స్తో పాటు ఓటీటీ ప్రియులకు వీకెండ్ ఆఫర్ను ఇచ్చింది సన్నెక్స్ట్. చిరు నటించిన బ్లాక్‌బ‌స్ట‌ర్ మూవీ శంక‌ర్ దాదా ఎంబీబీఎస్ చిత్రాన్ని ఫ్రీగా స్ట్రీమింగ్ చేయనున్నట్లు ప్రకటించింది. ఇందుకోసం ఎలాంటి స‌బ్‌స్క్రిప్ష‌న్ ఛార్జీలు, మెంబ‌ర్‌ షిప్ అవ‌స‌రం లేద‌ని వెల్లడించింది. అయితే ఈ ఆఫర్ మూడు రోజులు మాత్ర‌మే అందుబాటులో ఉంటుందని చెప్పుకొచ్చింది. కేవలం ఆగస్ట్ 23, 24, 25 తేదీల్లో మాత్ర‌మే అని తెలిపింది.
శంక‌ర్ దాదా ఎంబీబీఎస్‌తో పాటు కోలీవుడ్ హీరో జీవా నటించిన త‌మిళ చిత్రం 'శివ మ‌న‌సుల శ‌క్తి' కూడా ఈ సన్ నెక్ట్స్ వీకెండ్‌లో ఫ్రీగా చూడొచ్చని తెలిపింది.
కాగా, శంక‌ర్ దాదా ఎంబీబీఎస్ 2004లో విడుదలైన సంగతి తెలిసిందే. జ‌యంత్ సీ ప‌రాన్జీ ద‌ర్శ‌క‌త్వం వహించారు. కామెడీ ఎమోష‌న‌ల్ డ్రామాగా ఇది రూపొందింది. సినిమాలో చిరంజీవికి జోడీగా సోనాలి బింద్రే నటించింది. శ్రీకాంత్‌, ప‌రేశ్ రావ‌ల్ కీల‌క పాత్ర‌లు పోషించారు. శ‌ర్వానంద్ గెస్ట్ పాత్ర‌లో క‌నిపించారు. దేవి శ్రీ ప్ర‌సాద్ అందించిన పాట‌లు శ్రోతలను విపరీతంగా ఆకట్టుకున్నాయి. క‌లెక్ష‌న్స్ కూడా బానే వసూలు అయ్యాయి. ఈ చిత్రం రీ రిలీజ్లోనూ మంచి కలెక్షన్లను సాధించింది. ఈ సినిమా హిందీలోనూ ఉంది. మున్నాభాయ్ ఎంబీబీఎస్ పేరుతో రూపొందింది. ఇందులో సంజ‌య్‌ ద‌త్ హీరోగా నటించారు.
'విశ్వంభర' అలా ఉంటుంది : సూపర్ అప్డేట్ ఇచ్చిన వశిష్ఠ - Viswambhara Movie
