నాని సమర్పణలో చిరు మూవీ - యంగ్ డైరెక్టర్​తో ప్రాజెక్ట్ ఫిక్స్!

చిరు విత్ నాని - ఈ క్రేజీ మూవీ డైరెక్టర్​ ఎవరంటే?

Chiranjeevi Nani Movie : మెగాస్టార్ చిరంజీవి తాజా తన ఫ్యాన్స్​కు ఓ స్పెషల్ సర్​ప్రైజ్ ఇచ్చారు. ఓ యంగ్ డైరెక్టర్ కథకు ఆయన రీసెంట్​గా ఓకే చెప్పారు. గతంలో ఈ రూమర్స్ తెగ ట్రెండ్ అవ్వగా, ఇప్పుడు వాటిని నిజం చేస్తూ ఓ అధికారిక అనౌన్స్​మెంట్ వచ్చింది. అయితే ఇందులో ఆసక్తికర అంశం ఏంటంటే ఈ చిత్రానికి సమర్పకుడిగా నేచురల్ స్టార్ నాని వ్యవహరిస్తున్నారు. ఇంతకీ ఆ డైరెక్టర్ ఎవరో కాదు 'దసరా' ఫేమ్ శ్రీకాంత్ ఓదెల. తాజాగా ఈ విషయాన్ని తెలియజేస్తూ నాని సోషల్ మీడియా వేదికగా ఓ పోస్ట్ పెట్టారు.

"ఆయన్ను చూసి ఇన్​స్పైర్ అవుతూనే నేను ఎదిగాను. ఆయన సినిమాల కోసం గంటల తరబడి క్యూలైన్‌లలో వెయిట్ చేశాను. ఆఖరికి నా సైకిల్​ను కూడా పోగొట్టుకున్నాను. ఆయన మాకు ఒక వేడుక. ఇప్పుడు ఆయన్నే నేను మీ ముందుకు తీసుకొస్తున్నాను. భూమి గుండ్రంగా ఉంటుంది అంటే ఇదేనేమో. మెగాస్టార్‌ చిరంజీవిని మరింత కొత్తగా చూపించడానికి మేమెంతో వేచి చూస్తున్నాం. నా డైరెక్టర్ శ్రీకాంత్‌ ఓదెలతో ఆ కల నిజం కానుంది" అని నాని ఓ ఎమోషనల్ నోట్ రాసుకొచ్చారు. దానికి చిరుతో శ్రీకాంత్​, నాని దిగిన ఫొటోను జత చేశారు.

♥️ pic.twitter.com/1zpiuBOQB6

— Nani (@NameisNani) December 3, 2024

ఇదిలా ఉండగా, చేతులకు రక్తం కారుతున్న ఓ పోస్టర్‌ను షేర్‌ చేసి "హింసలోనే అతడు తన శాంతిని వెతుక్కున్నాడు" అంటూ ఓ పవర్​ఫుల్ క్యాప్షన్​ను జోడించారు. అనానిమస్‌ ప్రొడక్షన్స్‌, ఎస్‌ఎల్‌వీ సినిమాస్‌ బ్యానర్​పై ఈ మూవీ తెరకెక్కనుంది. ప్రస్తుతం శ్రీకాంత్‌ ఓదెల, నాని కాంబోలో 'ది ప్యారడైజ్‌' అనే సినిమా రూపొందుతోంది. దీని తర్వాత చిరు ప్రాజెక్ట్​ సెట్స్​పైకి వెళ్లనున్నట్లు తెలుస్తోంది. వచ్చే ఏడాదే ఈ సినిమా ప్రారంభమయ్యే అవకాశాలున్నాయని సినీ వర్గాల మాట.

I grew up inspired by him
I stood in the lines for hours everytime
I lost my cycle
I celebrated him
Now I PRESENT HIM
It’s a full circle 🧿@KChiruTweets

UNLEASHING THE MEGASTAR MADNESS WE HAVE BEEN WAITING FOR.

With my boy who dreamt this @odela_srikanth @Unanimousprod… pic.twitter.com/TdtY5XnTUX

— Nani (@NameisNani) December 3, 2024

ఇక చిరు ప్రస్తుతం 'విశ్వంభర' షూటింగ్​లో బిజీగా ఉన్నారు. అషికా రంగనాథ్‌, త్రిష, మృణాల్ ఠాకూర్, జాన్వీ కపూర్, కునాల్‌ కపూర్‌ ఈ చిత్రంలో కీలక పాత్రలు పోషించనున్నారు. యూవీ క్రియేషన్స్‌ బ్యానర్​పై విక్రమ్, ప్రమోద్‌, వంశీ కలిసి నిర్మిస్తున్నారు. సోషియో ఫాంటసీ జానర్​లో ఈ సినిమా తెరకెక్కుతోంది. ఇప్పటికే వచ్చిన టీజర్ కూడా ప్రేక్షకుల్లో ఈ చిత్రంపై అంచనాలు పెంచాయి.