బిగ్​బాస్​ 8: హౌజ్​లో "ఫ్యామిలీ వీక్​" సందడి - మొదటగా నబీల్​ మదర్​ ఎంట్రీ - ఎమోషనల్​గా ప్రోమోలు!

-బిగ్​బాస్​ సీజన్​ 8 11 వారంలో ఫ్యామిలీ వీక్​ -ఫుల్​ ఎమోషనల్​గా రెండు ప్రోమోలు

Bigg Boss 8 Telugu Family Week: బిగ్​బాస్ సీజన్​ 8 రసవత్తరంగా సాగుతోంది. ఇప్పటికే 10 వారాలు పూర్తి చేసుకుని.. 11వ వారానికి సంబంధించిన నామినేషన్స్​ కూడా పూర్తయ్యాయి. సాధారణంగా బిగ్​బాస్​లో 10 వారాల తర్వాత ఫ్యామిలీ వీక్​ ఉంటుంది. హౌజ్​లో అన్ని రోజులు కొట్టుకున్న వాళ్లు కూడా ఫ్యామిలీ వీక్​ టైమ్​లో కలిసిపోతుంటారు. తాజాగా సీజన్​8లో కూడా ఫ్యామిలీ వీక్ సందడి మొదలైపోయింది. హౌస్‌లో ఉన్న కంటెస్టెంట్స్‌కి సంబంధించిన ఫ్యామిలీ మెంబర్స్ ఎంట్రీ ఇస్తున్నారు. ఇక ఈ ఫ్యామిలీ వీక్‌లో భాగంగా మొదటిగా నబీల్ అఫ్రిది తల్లి, రోహిణి అమ్మ హౌస్‌లోకి ఎంట్రీ ఇచ్చారు. దీనికి సంబంధించిన ప్రోమోలు చాలా ఎమోషనల్‌గా ఉన్నాయి. మీరూ ఓ లుక్కేయండి మరి.

మొదటిగా నబీల్‌ని కన్ఫెషన్ రూంకి పిలిచి.. స్వీట్ తినకూడదనే శిక్షను ఎత్తేశారు బిగ్​బాస్​. నబీల్ ముందు స్వీట్స్ ఉంచి.. తినమన్నారు. దీంతో ఆ హల్వా మొత్తం లాగించేశాడు నబీల్. ఆ తరువాత యాక్షన్​ రూమ్​కు పిలిచి మరికొన్ని స్వీట్స్ ఇచ్చి తినమన్నారు బిగ్ బాస్. "ఏంటి బిగ్ బాస్ ఈరోజు స్వీట్స్ తినిపించీ.. తినిపించీ చంపేస్తారా నన్ను" అంటూనే.. వాటిని లాగించేశాడు నబీల్. ఇంతలో నబీల్ తల్లి.. హౌజ్​లోకి ఎంట్రీ ఇచ్చారు. అప్పటికీ నబీల్ యాక్షన్ రూమ్​లో ఉన్నాడు. అతన్ని లోపలే ఉంచి బయట లాక్ చేశాడు బిగ్ బాస్. యాక్షన్ రూం నుంచి హౌస్‌లో ఉన్న తన తల్లిని చూసి ఎమోషనల్ అయ్యాడు నబీల్.

నబీల్ మీరు వెళ్లొచ్చు అని బిగ్​బాస్​ అనగానే.. నబీల్ పరుగు పరుగున వెళ్లి.. అమ్మని హగ్ చేసుకునే సీన్.. చాలా ఎమోషనల్‌గా ఉంది. ఈ క్రమంలో టేస్టీ తేజ చాలా ఎమోషనల్ అయ్యాడు. తన అమ్మను హౌస్‌లోకి తీసుకుని రావాలనేది అతని కల. సీజన్ 7లో ఆ కల నిజం కాలేదు. ఈ సీజన్‌లో అయినా తీసుకు రావాలనుకుంటే.. అదీ కుదరక తన తల్లి ఫ్యామిలీ వీక్‌లో వచ్చే ఛాన్స్ మిస్ అయ్యిందనే బాధలో.. కన్నీళ్లు పెట్టుకున్నాడు. ఇక నబీల్, వాళ్ల మదర్​ ఇద్దరూ కూర్చొని మాట్లాడుతూ.. "ఇంటిపై బెంగగా ఉంది.. అందరూ గుర్తొస్తున్నారు" అని నబీల్​ చెప్పడంతో.. ‘"కప్పు గెలవాలంటే తప్పదు మరి" అని కొడుక్కి ధైర్యం చెప్పింది.

ఇక ఆ తర్వాత రిలీజ్​ అయిన ప్రోమోలో టేస్టీ తేజా చాలా ఎమోషనల్​ అయ్యాడు. వాళ్ల అమ్మను హౌజ్​లోకి తీసుకురాలేకపోతున్నందుకు మరోసారి కన్నీళ్లు పెట్టుకున్నాడు. ఇదిలా ఉండగా.. హౌజ్​లోకి రోహిణి అమ్మ, అల్లుడు ఎంట్రీ ఇచ్చారు. చిన్న పిల్లాడి రాకతో ఆ ఇంట్లో కొద్దిసేపు నవ్వులు విరిశాయి. ముఖ్యంగా టేస్టీ తేజ, ఆ పిల్లాడి మధ్య జరిగిన మాటలు చాలా ఫన్నీగా ఉన్నాయి. ఇక వాళ్ల అమ్మను చూసి రోహిణి ఎమోషనల్​ అయ్యింది. అలాగే రోహిణి మదర్​ విష్ణుప్రియను హగ్​ చేసుకుంటూ.." అమ్మ లేదని బాధపడకు. మేమందరం ఉన్నాం. నేను నీకు అమ్మనే" అంటూ హగ్​ చేసుకుంది. ఇలా ఇప్పటివరకు రిలీజ్​ అయిన ప్రోమోలు రెండూ ఎమోషనల్​గానే సాగాయి.