Bigg Boss 8 Telugu Abhai Naveen Elimination: రెండు వారాలు కాస్త చప్పగ సాగినా .. మూడో వారం నుంచి బిగ్బాస్ సీజన్ 8 ఆట స్వరూపమే మారిపోయింది. ప్రభావతి 2.0తో షోను మలుపు తిప్పారు నిర్వాహకులు. గుడ్ల కోసం టాస్కులు, కంటెస్టెంట్ల గొడవలు, మితిమీరిన డైలాగులు.. ఇలా ఒక్కటేమిటి ఎన్నో ఈ వారంలో జరిగాయి. అయితే బిగ్బాస్ హౌజ్లో రాణించాలంటే ఆట, మాట రెండూ ఇంపార్టెంట్. వీటిలో ఏది తక్కువైనా ఇంటి బయటకు వెళ్లాల్సిందే. తాజాగా అభయ్ నవీన్ విషయంలో జరిగింది కూడా ఇదే. గత రెండు వారాలు ఆటతో, మాటతో రాణించిన అభయ్.. చీఫ్ పదవి చేపట్టి చీప్ అయిపోయాడు. దీంతో టాప్ 5లో ఉంటాడనుకున్న వ్యక్తి.. మూడో వారానికే బ్యాగ్ సర్దేసుకున్నాడు. ఈ క్రమంలోనే అతని రెమ్యూనరేషన్ ఇదే అంటూ సోషల్ మీడియాలో వార్తలు వైరల్ అవుతున్నాయి. ఆ వివరాలు చూస్తే..
ఎలిమినేషన్ ఇలా జరిగింది: శనివారం ఫుల్ ఫైర్ మీద ఉన్న నాగార్జున.. కంటెస్టెంట్లను ఏకిపారేశారు. ఇక ఆదివారం హౌస్‌లో సండే-ఫన్‌డే ఎపిసోడ్ బాగా ఎంటర్‌టైనింగ్‌గానే సాగింది. ఇక గేమ్ మధ్య మధ్యలో నామినేషన్లలో ఉన్న కంటెస్టెంట్లను ఒక్కొక్కరిని సేవ్ చేసుకుంటూ వెళ్లారు నాగార్జున. ఇక చివరికి డేంజర్ జోన్‌లో ఉన్న పృథ్వీ, అభయ్ ఇద్దరినీ యాక్టివిటీ ఏరియాలోకి పిలిచారు. అక్కడ ఎవరి కాళ్ల కింద రెడ్ లైట్ వస్తే వాళ్లు ఎలిమినేట్ అన్నారు. అందరూ ఊహించినట్లే అభయ్ ఎలిమినేట్ కాగా పృథ్వీ సేవ్ అయ్యాడు.
నిజానికి శనివారం ఎపిసోడ్‌లోనే అభయ్‌కి రెడ్ కార్డ్ ఇచ్చి గెట్ ఔట్ అంటూ నాగార్జున ఫైర్ అయ్యారు. అసలు బిగ్బాస్ తెలుగు హిస్టరీలోనే ఇలా రెడ్ కార్డ్ ఎవరికీ ఇవ్వలేదు. అయినా సరే మిగిలిన కంటెస్టెంట్ల రిక్వెస్ట్ కారణంగా అభయ్‌ని క్షమించారు నాగ్. కానీ ఈ వారం తక్కువ ఓటింగ్ కారణంగా నామినేషన్లలో ఉన్న అభయ్ ఎలిమినేట్ అయ్యాడు.
బిగ్బాస్ 8: వైల్డ్కార్డ్ ఎంట్రీ బ్యాచ్ సిద్ధం! - వచ్చేది వీళ్లేనటగా!
ఎలిమినేషన్కు ఇవన్నీ కారణాలే: ఈ వారం తన గొయ్యి తానే తవ్వుకున్నాడు అభయ్. ఎందుకంటే చీఫ్ అయిన కారణంగా అభయ్‌కి సేఫ్ అయ్యే అవకాశం దక్కింది. నిఖిల్, అభయ్ ఇద్దరూ చీఫ్‌లుగా ఉండటంతో ఎవరో ఒకరు నామినేషన్‌లోకి రావాలని.. అది మీరే చర్చించుకొని చెప్పడంటూ బిగ్బాస్ చెప్పాడు. నిఖిల్ తాను వెళ్తానని చెప్పినా సరే వద్దు "నా పెర్ఫామెన్స్, నా ఫాలోయింగ్, నా స్ట్రెంథ్ ఎంతుందో నేను చూసుకోవాలి.. నేను ఇప్పటివరకూ నామినేషన్‌లోకి పోలేదు" అంటూ తనని తానే సెల్ఫ్ నామినేషన్ చేసుకున్నాడు అభయ్. దీంతో తొలిసారి నామినేషన్లలోకి వచ్చాడు.
సాధారణంగా నామినేషన్స్కి వచ్చిన కంటెస్టెంట్స్ ఎలాగైనా సేవ్ అవ్వాలనే ఉద్దేశంతో పెట్టిన టాస్కులను బాగా ఆడతారు. కానీ ఈ విషయంలో అభయ్ ఫెయిల్ అయ్యాడు. రెండు వారాలు బాగా ఆడిన అభయ్.. ఈ వారం మాత్రం పద్మావతి 2.0 టాస్కులో విఫలమయ్యాడు. కుర్చీలో కూర్చొని ఇతర ఇంటి సభ్యుల ఆటను ఆస్వాదిస్తూ గడిపాడు. పైగా వాళ్ల టీమ్ మెట్స్ గుడ్ల కోసం కొట్లాడుతుంటే వద్దంటూ ఉచిత సలహాలు కూడా ఇచ్చాడు. దీనికి తోడు బిగ్‌బాస్‌పై విమర్శలు కూడా చేశాడు. ‘తినడానికి టాస్క్‌లు పెడుతున్నారు. తినకుండా ఉండటానికి టాస్క్‌లు పెడుతున్నారు’, ‘ఆయనకే తెలియదు ఏమవుతోందో.. వాళ్లింట్లో పెళ్లాం కొట్టినప్పుడల్లా టాస్క్‌ మారుస్తున్నాడు’, ‘బిగ్ బాస్ కాదు.. నువ్వు బయాస్డ్‌ బాస్’ అంటూ బిగ్‌బాస్‌పైనా, షోపైనా తీవ్రంగా వ్యాఖ్యలు చేశాడు. అయితే శనివారం హౌస్‌మేట్స్‌ కాపాడినా, ఆదివారం ప్రేక్షకులు మాత్రం కరుణంచలేదని సామాజిక మాధ్యమాల వేదికగా కామెంట్లు వెల్లువెత్తుతున్నాయి.
రెమ్యూనరేషన్ వివరాలు: ఇక బిగ్బాస్ హౌస్‌లో అభయ్ వారానికి దాదాపు రూ.2 లక్షలు తీసుకున్నాడట. మొత్తం మూడు వారాలు హౌజ్లో ఉన్నాడు కాబట్టి ఈ లెక్కన రూ.6 లక్షలు సంపాదించాడన్నమాట. అయితే రెమ్యూనరేషన్ వివరాలు అధికారికంగా ఎవరూ చెప్పరు.. ఇది సోషల్ మీడియాలో సర్కులేట్ అవుతున్న సమాచారం మాత్రమే.
బిగ్ బాస్ 8 : నాగమణికంఠ భార్య ఎవరో తెలిసిపోయిందిగా - పెళ్లి వీడియో వైరల్!
"బిగ్‌బాస్‌కి రావడమే నేను చేసిన.." - హౌజ్లో బరస్ట్ అయిన విష్ణుప్రియ - ఏం జరిగిందో తెలుసా?
బిగ్బాస్ 8: శేఖర్ బాషా ఎలిమినేషన్కు అసలు కారణం ఇది! - రెమ్యునరేషన్ వివరాలు కూడా లీక్
