Bigg Boss 8 Fourth Week Elimination : బిగ్బాస్ లవర్స్ అందరూ నాలుగో వారం ఎవరూ ఎలిమినేట్ కాబోతున్నారనే ఉత్కంఠగా ఎదురు చూస్తున్నారు. ఎందుకంటే.. ఈ వారం నామినేషన్లలో విపరీతమైన నెగిటివీని సంపాదించుకున్న సోనియా ఆకుల ఉంది. పైగా ఆమె డేంజర్ జోన్లో ఉంది. దీంతో.. ఈ వారం ఆమె ఎలిమినేట్ అవుతుందా? లేదంటే ఆమె ప్లేస్లో ఎవరినైనా బలి చేస్తారా? అని క్యూరియాసిటీతో ఉన్నారు. మరి ఆ వివరాలు ఇప్పుడు చూద్దాం..
ఈ వారం నామినేషన్లో ఆరుగురు హౌజ్మేట్స్ ఉన్నారు. సోనియా, ఆదిత్య ఓం, పృథ్వీ శెట్టి, నబిల్, ప్రేరణ కంబం, నాగ మణికంఠ నామినేషన్లలో ఉన్నారు. ఇక ఓటింగ్ ప్రక్రియ సోమవారం రాత్రి మొదలై శుక్రవారం రోజు పూర్తయింది. ఇక ఈ వారం మొత్తం 12 వైల్డ్ కార్డ్ ఎంట్రీలను ఆపేందుకు టాస్క్లు పెట్టగా.. మొత్తంగా మూడు గేమ్లు గెలిచి మూడు వైల్డ్ కార్డ్లను ఆపారు. ఇక ఆ తర్వాత రేషన్ కోసం టాస్కులు పెట్టాడు బిగ్బాస్. ఇక వీకెండ్ రానే వచ్చేసింది. నాలుగో వారం ఆటపై రివ్యూ ఇచ్చేందుకు శనివారం నాగార్జున వచ్చేశారు. అయితే హీరోలా ఆడుతుంది ఎవరు.. జీరోలా ఆడుతుంది ఎవరు..? మీరే చెప్పాలంటూ ఒక్కో కంటెస్టెంట్‌కి అవకాశం ఇచ్చారు నాగార్జున. దీంతో కంటెస్టెంట్లందరూ హీరో అనుకుంటున్న వారి తలపై కిరీటం పెట్టి.. జీరో అనుకుంటున్న వారి ముఖం మీద క్రాస్ మార్క్ వేశారు. అయితే ఈ ప్రక్రియలో కొద్దిమందికి నాగార్జున గట్టిగానే క్లాస్ పీకారు. ముఖ్యంగా సోనియా, నిఖిల్, విష్ణుప్రియ, మణికంఠలకు సంబంధించిన వీడియోలు వేసి మరి వాయించేశారు.
బిగ్బాస్ 8: ఆమె కోసం అతడు బలి! - ఈ సీజన్లో తొలిసారి డబుల్ ఎలిమినేషన్!?
డేంజర్ జోన్లోకి వారిద్దరూ: ఇక హౌస్‌లో ఎక్కువ జీరోలు మణికంఠకే రావడంతో నాగ్ ఓ షాకిచ్చారు. "మణికంఠ హౌజ్ ప్రకారం నీ ఆట జీరో అనిపిస్తుంది.. నువ్వు కూడా దానికి ఒప్పుకుంటున్నావ్.. నీకు ఎక్కువ జీరోస్ వచ్చినందుకు నువ్వు డైరెక్ట్గా డేంజర్ జోన్లోకి వెళ్లావ్" అంటూ నాగ్ అన్నారు. అంటే ఆదివారం ఎపిసోడ్లో ఎలిమినేట్ అయ్యేందుకు డేంజర్ జోన్‌కి వచ్చే ఇద్దరి క్యాండెట్స్‌లో ఒకరు మణికంఠ అని ముందే ఫిక్స్ చేశారు నాగ్. మరోవైపు నబీల్‌కి ఎక్కువ హీరోస్ వచ్చాయి.. కనుక నాగ్ స్పెషల్‌గా కబాబ్ ఇప్పించారు. ఇక ఈ వారం నామినేషన్స్‌లో ఉన్న ఆరుగురిలో మణింకఠ ఎలాగూ డేంజర్ జోన్ కాబట్టి.. మిగిలిన ఐదుగురులో ఒకరిని సేవ్ చేశారు. ఇక ఆ సేవ్ అయింది కూడా నబీల్‌యే. ఇక మిగిలిన వారిలో ఎవరు సేవ్ అయ్యారు అనే విషయాన్ని నేటి(ఆదివారం) ఎపిసోడ్లో చెప్పనున్నారు.
అయితే అన్ అఫీషియల్ పోల్స్లో మొదటి స్థానంలో నబీల్ ఉండగా.. ఆ తర్వాతి స్థానాల్లో వరసగా ప్రేరణ, మణికంఠ, ఆదిత్య, పృథ్వీ, సోనియా ఉన్నారు. వీరిలో ఆల్రెడీ మణికంఠ డేంజర్ జోన్లో ఉండగా.. మరో కంటెస్టెంట్ సోనియా కూడా డేంజర్ జోన్ కు వచ్చేసింది. ఇక వీరిద్దరిలో సోనియాను ఎలిమినేట్ చేసినట్లు సోషల్ మీడియాలో న్యూస్ వైరల్ అవుతోంది. ఈ విషయాన్ని ఆదివారం రోజు నాగార్జున అఫీషియల్గా ప్రకటిస్తారని అంటున్నారు.
మణికంఠకు ఆఫర్: అయితే ఇక్కడ మణికంఠను కూడా ఎలిమినేట్ చేసి సీక్రెట్ రూమ్కి పంపిస్తారని టాక్. ఎందుకంటే మణికంఠ హౌజ్లో ఎక్కువ ఎమోషనల్ అవుతున్నాడని.. కొద్దిరోజులు సీక్రెట్ రూమ్కు పంపిస్తే గత సీజన్లో గౌతమ్ లెక్క.. ఈ సీజన్లో కూడా మణికంఠ 2.0 గా మారి వస్తాడని బిగ్బాస్ నిర్వాహకులు అనుకుంటున్నారని సమాచారం. అందుకే నాగార్జున డైరెక్ట్గా మణికంఠను డేంజర్ జోన్లో ఉంచారని టాక్. మరి, దీని గురించి పూర్తి వివరాలు తెలియాలంటే మరికొన్ని గంటలు వెయిట్ చేయాల్సిందే!
బిగ్ బాస్ 8: హౌజ్లోకి 9 మంది వైల్డ్ కార్డ్ ఎంట్రీ ఫిక్స్ - వాళ్లు ఎవరు, ఎప్పుడొస్తున్నారో తెలుసా?
బిగ్బాస్ 8 : లవ్ మ్యాటర్ రివీల్ చేసిన నబీల్ - పార్ట్నర్ ఆమేనటగా!
