Ram Pothineni Bhagyasree Borse : 'మిస్టర్ బ‌చ్చ‌న్' చిత్రంతో టాలీవుడ్కు ఎంట్రీ ఇచ్చిన బ్యూటీ భాగ్య శ్రీ బోర్సే. ఈ అమ్మ‌డికి మొదటి సినిమానే ఫ్లాప్ ఇచ్చినా, తన అందంతో నటన పరంగా మార్కులు కొట్టేసింది. యువత మనసును దోచేసింది. అలా వ‌చ్చిన అవకాశాన్ని సద్వినియోగం చేసుకుని మరిన్ని సినీ ఛాన్స్లను అందుకుంటూ ముందుకెళ్తోంది. ఈ క్రమంలోనే తాజాగా మరో లక్కీ ఛాన్స్ పట్టేసింది.
ఇప్పటికే తన రెండో సినిమాగా, దుల్కర్‌ సల్మాన్‌, రానా నటిస్తున్న మల్టీస్టారర్ 'కాంత' చిత్రంలో హీరోయిన్గా నటించే అవకాశాన్ని చేజిక్కించుకున్న ఈ ముద్దుగుమ్మ బోర్సే, ఇప్పుడు మరో సినిమాలో హీరోయిన్గా ఛాన్స్ కొట్టేసింది.
ఎన‌ర్జిటిక్ స్టార్ రామ్ పోతినేని హీరోగా మైత్రీ మూవీ మేక‌ర్స్ నిర్మిస్తున్న మూవీకి ఎంపికైంది. ఈ విషయాన్ని నిర్మాణ సంస్థ అధికారికంగా వెల్లడించింది. రీసెంట్‌ సెన్సేషన్‌ భాగ్య శ్రీ తమ ప్రాజెక్ట్‌లో భాగం అవ్వడం వల్ల ఈ చిత్రానికి మరింత అందం వచ్చింది అని సదరు సంస్థ పేర్కొంది. ఈ చిత్రానికి సంబంధించిన మరిన్ని వివరాలను రేపు (నవంబర్ 21) వెల్లడించనున్నారు. రేపు పూజా కార్యక్రమంతో షూటింగ్ ప్రారంభించనున్నారు. మిస్‌ శెట్టి మిస్టర్ పొలిశెట్టి డైరెక్టర్ మహేశ్‌ దర్శకత్వంలో ఇది తెరకెక్కనుంది. RAPO22 పేరుతో ఇది ప్రచారంలో ఉంది.
Bhagyasree Borse Background : కాగా, మహారాష్ట్రకు చెందిన భాగ్య శ్రీ స్నేహితుల ప్రోత్సాహంతో మోడలింగ్‌లోకి అడుగు పెట్టింది. పలు బ్రాండ్స్‌కు సంబంధించిన వాణిజ్య ప్రకటనల్లో నటించి తన అందంతో ఆకట్టుకుంది. ఈ క్రమంలోనే మిస్టర్ బచ్చన్‌తో నటిగా సినిమాల్లో తొలి అడుగు వేసింది. ఇందులో ఆమె జిక్కీ అనే పాత్ర పోషించి ఆడియెన్స్ను మెప్పించింది. ఆమె పలికించిన హావ భావాలు, డ్యాన్స్‌కు సినీ ప్రియులు అంతా కనెక్ట్ అయిపోయారు. ఇక హిందీలో 'యారియాన్ - 2' చిత్రంలో న‌టించింది బోర్సే. ఇటీవ‌ల రిలీజ్ అయిన 'చుందు ఛాంపియ‌న్' సినిమాలోనూ కనిపించింది. కానీ ఈ చిత్రాలు ఆశించిన స్థాయిలో ఆడలేదు.
The recent sensation #BhagyashriBorse joins #RAPO22 adding her charm and brilliance to the beautiful journey ❤️🔥
— Mythri Movie Makers (@MythriOfficial) November 20, 2024
The journey begins with the pooja ceremony tomorrow ✨
Stay tuned!
Starring @ramsayz
Written and directed by @filmymahesh
Produced by @MythriOfficial.#RAPO pic.twitter.com/9XehPKydAO
ఇకపై థియేటర్లలోకి వారికి నో ఎంట్రీ - చిత్ర నిర్మాతల మండలి కీలక నిర్ణయం
చైనాలో రిలీజ్కు సిద్ధమైన విజయ్ సేతుపతి సినిమా - ఏకంగా 40 వేల థియేటర్లలో!
