Balakrishna NBK 109 Title Teaser Update : నందమూరి నటసింహం బాలకృష్ణ హీరోగా దర్శకుడు బాబీ తెరకెక్కిస్తున్న చిత్రం 'NBK109' (వర్కింగ్‌ టైటిల్). ఈ చిత్ర టీజర్ విశేషంగా ఆకట్టుకోవడంతో ఫ్యాన్స్తో పాటు సినీ ప్రియులకు సినిమాపై అంచనాలు భారీగా పెరిగాయి. అయితే ఇటీవలే దసరా కానుకగా టైటిల్ అనౌన్స్మెంట్, టీజర్ వస్తుందని అంతా ఆశించారు. కానీ అది జరగలేదు. కనీసం దీపావళి అయినా వస్తుందని అనుకున్నారు. అప్పుడు కూడా మేకర్స్ నిరుత్సాహపరిచారు. అదే సమయంలో టైటిల్ టీజర్ అనౌన్స్మెంట్కు ఇంకాస్త సమయం పడుతుందని నిర్మాత నాగవంశీ ఫ్యాన్స్ను బుజ్జగించారు.
అయితే తాజాగా మేకర్స్ నందమూరి ఫ్యాన్స్లో జోష్ నింపేలా టైటిల్ టీజర్ అనౌన్స్మెంట్ అప్డేట్ ఇచ్చేశారు. ఈ నెల 15న ఉదయం 10:24 గంటలకు టైటిల్‌ను ప్రకటించి, టీజర్‌ను విడుదల చేయనున్నట్లు తెలిపారు. వచ్చే ఏడాది 2025 సంక్రాంతికి సినిమాను ప్రపంచ వ్యాప్తంగా థియేటర్లలో గ్రాండ్గా విడుదల చేయనున్నట్లు కన్ఫామ్ చేశారు. అలానే ఓ పవర్ఫుల్ పోస్టర్ను కూడా రిలీజ్ చేశారు. ఇందులో బాలయ్యను వెనకవైపు నుంచి చూపించారు. బాలయ్య వీపుపై గన్, గొడ్డలి పట్టుకుని సీరియస్గా, వైల్డ్గా నిలబడి కనిపించారు.
ఆ మధ్య నిర్మాత నాగవంశీ టైటిల్ టీజర్ గురించి మాట్లాడుతూ - వీడియో సీజీలతో మూడిపడి ఉంది. దర్శకుడు బాబీ టైటిల్కు విజువల్, బ్యాంగ్తో ప్రత్యేకంగా తయారు చేస్తున్నారు." అని చెప్పుకొచ్చారు.
ఇకపోతే ఈ చిత్రంలో బాలీవుడ్ స్టార్ బాబీ దేఓల్ కీలక పాత్ర పోషిస్తున్నారు. బీటౌన్ భామ ఊర్వశి రౌతేలా స్పెషల్ సాంగ్లో చిందులేయనుంది. సితార ఎంటర్టైన్మెంట్స్, ఫార్చూన్ ఫోర్ సినిమాస్ పతాకంపై అత్యంత భారీ బడ్జెట్తో నాగవంశీ, సాయి సౌజన్య సంయుక్తంగా నిర్మిస్తున్నారు. ఈ చిత్రానికి డాకు మహారాజ్, వీరమాస్, సర్కార్ సీతారాం ఇలా పలు రకాల టైటిల్స్ వినిపిస్తున్నాయి. బాలయ్యను ఇదివరకు ఎన్నడు చూడని విధంగా సరికొత్తగా చూపించబోతున్నారు బాబీ. హై యాక్షన్ ఎంటర్టైనర్గా సినిమాను రూపొందిస్తున్నారు. గతేడాది విడుదలైన భగవంత్ కేసరి వంటి సూపర్ హిట్ తర్వాత బాలయ్య నుంచి వస్తున్న చిత్రం కావడంతో సినిమాపై మరింత హైప్ నెలకొంది.
The much-awaited 𝑴𝑨𝑺𝑺 𝑬𝑿𝑷𝑳𝑶𝑺𝑰𝑶𝑵 is ready to strike! 💥#NBK109 Title & Teaser will be out on 𝐍𝐎𝐕 𝟏𝟓𝐭𝐡 @ 𝟏𝟎:𝟐𝟒 𝐀𝐌 🔥
— Sithara Entertainments (@SitharaEnts) November 12, 2024
Sankranthi 2025, In Cinemas Worldwide. 🤙🏻🔥
𝑮𝑶𝑫 𝑶𝑭 𝑴𝑨𝑺𝑺𝑬𝑺 #NandamuriBalakrishna @dirbobby @MusicThaman @thedeol @ItsMePragya… pic.twitter.com/6BbayEbUj5
ప్రభాస్ 'స్పిరిట్' అప్డేట్ - దూసుకెళ్లేందుకు సిద్ధంగా!
అందాల పోటీల్లో భారత్‌కు మరో కిరీటం - ఎవరీ మిస్ టీన్ యూనివర్స్ తృష్ణా రే?
