BB4 Akhanda 2 Theme Music Thaman : నందమూరి నటసింహం బాలకృష్ణ - దర్శకుడు బోయపాటి శ్రీను నేడు(అక్టోబర్ 16) వరుస సర్ప్రైజ్లు ఇస్తూ ఫ్యాన్స్లో జోష్ నింపుతున్నారు. మొదట BB4ను అఖండ 2గా ప్రకటించిన మూవీ టీమ్ ఆ తర్వాత షూటింగ్ను ప్రారంభించినట్లు తెలిపింది. ఈ సినిమా పూజా కార్యక్రమం హైదరాబాద్‌లో వేడుకగా జరిగింది. మూవీ టీమ్తో పాటు బాలయ్య కుమార్తెలు నారా బ్రాహ్మణి, తేజస్విని సహా ఇతర కుటుం బసభ్యులు ఈ ఈవెంట్లో సందడి చేశారు. మూవీ టీమ్కు ప్రత్యేక అభినందనలు తెలిపారు. ఈ సినిమా ప్రారంభోత్సవ వేడుకలో ముహూర్తపు షాట్‌కు బ్రాహ్మణి క్లాప్‌ కొట్టారు. ప్రస్తుతం దీనికి సంబంధించిన పలు ఫొటోలు సోషల్ మీడియాలో వైరల్‌గా మారాయి.
ఇకపోతే సినిమాను గ్రాండ్గా లాంఛ్ చేసిన కాసేపటికే అఖండ 2 టైటిల్ థీమ్ను కూడా రిలీజ్ చేస్తూ ఓ వీడియోను వదిలారు మేకర్స్. ఈ టైటిల్ థీమ్కు మ్యూజిక్ సెన్సేషన్ తమన్ అదిరిపోయే బ్యాక్ గ్రౌండ్ మ్యూజిక్ ఇచ్చారు. ఇది విన్న నందమూరి ఫ్యాన్స్ టైటిల్కే ఈ రేంజ్లో ఇచ్చాడంటే సినిమాకు ఏ రేంజ్లో ఇస్తాడో, పూనకాలే అంటూ అంచనాలు పెంచేసుకుంటున్నారు. పైగా ఇప్పుడు అఖండ 2 టైటిల్కు తాండవం అనే క్యాప్షన్ ఇచ్చారు. దానికి తగ్గట్టు తమన్ తాండవం చూపించేలా ఉన్నాడే అని కూడా అంటున్నారు. మీరు కూడా అఖండ 2 టైటిల్ థీమ్ వినేయండి.
Balakrishna Boyapati Movie : బాలయ్య - బోయపాటి శ్రీను కాంబోలో గతంలో వచ్చిన సింహా, లెజెండ్‌, అఖండ భారీ విజయాన్ని అందుకుంది. 2021లో ప్రేక్షకుల ముందుకొచ్చిన అఖండ బాలయ్య కెరీర్‌లోనే బిగ్గెస్ట్‌ హిట్గా నిలిచింది. ముఖ్యంగా అఖండ సినిమాకు తమన్ అదిరిపోయే BGM ఇచ్చిన సంగతి తెలిసిందే. థియేటర్స్లో సౌండ్ బాక్స్లు కూడా షేక్ అయిపోయాయి. ఆ సినిమా విజయంలో తమన్ అందించిన మ్యూజిక్ కీలక పాత్ర పోషించింది. ఇక చిత్రంలో బాలయ్య ద్విపాత్రాభినయం చేశారు. హీరోయిన్గా ప్రగ్యా జైశ్వాల్ నటించింది.
BB4గా 'అఖండ 2' అఫీషియల్ అనౌన్స్మెంట్ - ఇక తాండవమే
ట్రెండింగ్లో సమంత 'సిటాడెల్' - ఈ సిరీస్ కోసం ఆమె ఎన్ని కోట్లు తీసుకుందంటే?
