కొత్త పేరుతో 'అవతార్ 3' - ఎప్పుడు రిలీజ్ కానుందంటే? - Avatar 3 Release Date

Avatar 3 Release Date : హాలీవుడ్​లో విడుదలై ప్రపంచవ్యాప్తంగా మూవీ లవర్స్​ను ఆకట్టుకున్న 'అవతార్' ఫ్రాంచైజీ నుంచి మూడో భాగం రానున్నట్లు ఆ సినిమా డైరెక్టర్ వెల్లడించారు. ఇంతకీ ఈ చిత్రం ఎప్పుడు రానుందంటే?

Avatar 3 Release Date : హాలీవుడ్ దిగ్గజ డైరెక్టర్ జేమ్స్‌ కామెరూన్‌ తాజాగా 'అవతార్' ఫ్రాంచైజీ నుంచి మూడో భాగం రానున్నట్లు ఓ ఈవెంట్​లో వెల్లడించారు. అదే వేదికగా టైటిల్‌తో పాటు రిలీజ్ డేట్​ను ప్రకటించారు. 'అవతార్‌- ఫైర్‌ అండ్‌ యాష్‌' పేరుతో రానున్న ఈ చిత్రం వచ్చే ఏడాది డిసెంబర్‌ 19న కానున్నట్లు తెలిపారు. అంతేకాకుండా 2029లో 'అవతార్‌ 4', అలాగే చివరిగా రానున్న 'అవతార్‌ 5' 2031 డిసెంబరులో విడుదల చేయనున్నట్లు మేకర్స్ గతంలోనే వెల్లడించారు.

Just announced at #D23, our title for the next Avatar film:

Avatar: Fire and Ash. Get ready to journey back to Pandora, in theaters December 19, 2025. pic.twitter.com/gZkCCsTl9x

— Avatar (@officialavatar) August 10, 2024

ఇప్పటికే ఈ ఫ్రాంచైజీ నుంచి వచ్చిన రెండు సినిమాలు విజువల్ వండర్స్​గా ప్రేక్షకులను ఆకట్టుకున్నాయి. ముఖ్యంగా పండోరా గ్రహం, అందులో నివసించే వారి గురించి డైరెక్టర్ చూపించిన తీరు ఆడియెన్స్​ను అలరించాయి. ఈ చిత్రాల త్రీడీ వెర్షన్​ కూడా మూవీ లవర్స్​ను ఆకర్షించాయి.

160 భాషల్లో బాక్సాఫీస్ బ్రేక్
2009లో విడుదలైన 'అవతార్' మూవీ అప్పటి చిత్ర పరిశ్రమలో ఓ సంచలనంగా నిలిచింది. జేమ్స్‌ కామెరూన్‌ సృష్టించిన ఈ అద్భుత ప్రపంచాన్ని వీక్షించి ప్రేక్షకులు మరో లోకంలోకి వెళ్లిన అనుభూతి పొందారు. పండోర అనే కల్పిత గ్రహాన్ని సృష్టించి అందులోని పలు అంశాలను కళ్లు చెదిరే విజువల్‌ ఎఫెక్ట్స్‌తో రూపొందించి ఆకట్టుకున్నారు. ఈ సినిమాకు వచ్చిన విశేష స్పందనతో ఆ తర్వాత 'అవతార్‌: ది వే ఆఫ్‌ వాటర్‌'ను విడుదల చేశారు కామెరూన్. ప్రపంచవ్యాప్తంగా దాదాపు 160 భాషల్లో విడుదలైన ఈ సీక్వెల్‌ మూవీ బాక్సాఫీసు వద్ద ఓ రేంజ్​లో వసూళ్లు సాధించింది. దీంతో ఈ మూడో భాగంపై అభిమానుల్లో భారీ అంచనాలే నెలకొన్నాయి.

మరోవైపు డైరెక్టర్ ఈ సారి పాత్రలపై ఎక్కువ ఫోకస్ పెడుతామని అన్నారు. అంచనాలకు మించిన లైవ్ యాక్షన్​ను ఈ చిత్రంలో చూపించనున్నట్లు తాజాగా ఓ ఇంటర్వ్యూలో పేర్కొన్నారు.

"ఈసారి మేము పాత్రలపై ఎక్కువ దృష్టిపెడుతాం. మంచి స్టోరీతో పాటు భారీ విజువల్స్‌తో అలరించేందుకు ప్లాన్ చేస్తున్నాం. మీ అంచనాలకు మించిన లైవ్‌-యాక్షన్‌ని ఈ మూడో భాగంలో చూస్తారు. మరో కొత్త ప్రపంచంతో పాటు భిన్నమైన స్టోరీ, అలాగే విభిన్నమైన క్యారెక్టర్లు ఇందులో కనిపిస్తాయి. అవతార్‌: ది వే ఆఫ్‌ వాటర్‌లో కనిపించిన కేట్‌ విన్స్‌లెట్‌ రోల్​ను ఈ మూడో పార్ట్​లో మరింత పొడిగించాము. అందుకోసం ఆమె ఎంతో శ్రమిస్తోంది. అని జేమ్స్ కామెరూన్ చెప్పారు.