Ananya Nagalla Tantra movie Release Date : టాలీవుడ్ యంగ్ హీరోయిన్ అనన్య నాగళ్ల గురించి చాలా మంది ప్రేక్షకులకు తెలిసే ఉంటుంది. అచ్చ తెలుగుమ్మాయైన ఈ బ్యూటీ నటన మీద ఉన్న ఆసక్తితో ఫిల్మ్ ఇండస్ట్రీలోకి అడుగుపెట్టింది. 'షాదీ' అనే షార్ట్ ఫిల్మ్‌లో నటించి ఒక్కసారిగా సెన్సేషన్ అయింది. అలా షార్ట్ ఫిల్మ్‌తోనే మస్త్ పాపులర్ అయిన అనన్య 'మల్లేశం' చిత్రంతో హీరోయిన్గా పరిచయమైంది. ఇందులోనూ నేచురల్ యాక్టింగ్తో ప్రశంసలు అందుకున్న ఈ భామ ఆ తర్వాత 'ప్లే బ్యాక్' చిత్రంతో పాటు పవన్ కల్యాణ్ 'వకీల్ సాబ్'లో దివ్య నాయక్ అనే పాత్రను పోషించి ఆకట్టుకుంది.
దీంతో అనన్యకు హీరోయిన్గా తెలుగులో మంచి ఆఫర్స్ వస్తాయని అంతా ఆశించారు. కానీ ఈ లోకల్ బ్యూటీకి అదృష్టం కలిసి రాలేదు. హీరోయిన్గా సక్సెస్ కాలేకపోయింది. ఈ క్రమంలోనే 'మాస్ట్రో', 'ఊర్వసివో రాక్షశివో', 'శాకుంతలం' , 'మళ్లీ పెళ్లి', 'బూట్ కట్ బాలరాజు' ఇలా పలు సినిమాలు చేసినా అంతగా ఫేమ్ రాలేదు.
ఇన్ని రోజులు గ్లామరస్, కూల్ క్యారెక్టర్స్ చేసిన ఈమె ఇప్పుడు తాజాగా ఓ హారర్ చిత్రంతో భయపెట్టేందుకు ప్రేక్షకుల ముందుకు రానుంది. తంత్ర అనే సినిమాతో ఆడియెన్స్ను అలరించనుంది. మూవీలో భయపెట్టే అమ్మాయిగా సరికొత్తగా కనిపించనుంది. తాజాగా ఈ సినిమా రిలీజ్ డేట్ను ఖరారు చేసుకుంది. ఈ క్రతువుకు తప్పకుండా రావాలి. మార్చి 15న సినిమా థియేటర్లలోకి రానుంది అంటూ స్వయంగా సోషల్ మీడియా ద్వారా అనౌన్స్ చేసింది అనన్య. ఓ పోస్టర్ను కూడా విడుదల చేసింది.
ఇక ఈ చిత్రంతో దివంగత నటుడు శ్రీహరి తమ్ముడి కుమారుడు ధనుశ్ రఘుముద్రి హీరోగా పరిచయం అవుతున్నారు. ఇప్పటికే ఈ సినిమాకు సంబంధించి విడుదలైన పోస్టర్స్, టీజర్ సినిమాపై ఇంట్రెస్ట్ను క్రియేట్ చేశాయి. ’కాలగర్భంలో కలసిపోయిన మన తాంత్రిక శాస్త్రాన్ని తెరిస్తే అందులో ఊహకందని రహస్యాలు ఎన్నో అంటూ మూవీపై ఆసక్తిని పెంచారు మేకర్స్. మరో నటి సలోని ఈ చిత్రంతో రీఎంట్రీ ఇవ్వనున్నారు. చిత్రాన్ని బి ద వే ఫిల్మ్స్, ఫస్ట్ కాపీ మూవీస్, వి ఫిల్మ్ ఫ్యాక్టరీ బ్యానర్లపై నరేశ్ బాబు పి, రవి చైతన్య నిర్మిస్తున్నారు.
- " class="align-text-top noRightClick twitterSection" data="">
టాలీవుడ్ స్టార్లకూ రిలీజ్ డేట్ సెంటిమెంట్- 10 మంది హీరోల సినిమాలు ఒకే తేదీనే
కేవలం రూ. 2 కోట్ల కలెక్షన్స్ - ఆ ఒక్క సినిమాతో రజనీ బీటౌన్ కెరీర్ డౌన్!
