Allu Arjun Pushpa 2 Fans Reactions : బన్నీ అభిమానులు ఎంతగానో ఎదురుచూసిన పుష్ప 2 థియేటర్లలోకి రానే వచ్చింది. గత కొద్ది రోజులుగా ఎటు చూసినా, ఎవరి నోట విన్నా ఇదే పేరు వినిపిస్తోంది. భారీ అంచనాలతోనే వచ్చిన ఈ చిత్రం పుష్ప ర్యాంపేజ్తో బాక్సాఫీస్ వద్ద దూసుకెళ్తోంది. ఈ సినిమాలోని యాక్షన్ సీన్స్, డ్యాన్స్‌లు ప్రేక్షకుల్లో జోష్‌ నింపుతున్నాయి.
ముఖ్యంగా జాతర ఎపిసోడ్ సినిమాకే హైలైట్గా నిలిచిందని అభిమానులు అంటున్నారు. గంగమ్మతల్లి అవతారంలో అల్లు అర్జున్ తన నట విశ్వరూపంతో గూస్‌బంప్స్‌ తెప్పించారని అంటున్నారు. ఇది చరిత్రలో నిలిచిపోతుందంటున్నారు. అంతే కాకుండా ఐకాన్ స్టార్ తన యాక్టింగ్తో సినిమా రేంజ్ పెంచేశారంటూ సోషల్ మీడియా వేదికగా అభిమానులు ప్రశంసిస్తున్నారు.
సంధ్యలో బన్నీ ఫ్యామిలీ
మరోవైపు అల్లు అర్జున్ 'పుష్ప 2' చూసేందుకు హైదరాబాద్‌ సంధ్య థియేటర్‌కు వచ్చారు. తన ఫ్యామిలీ అలాగే ఫ్యాన్స్తో కలిసి ఈ సినిమా చూశారు. ఇక జాతర ఎపిసోడ్ సమయంలో ఆడియన్స్‌ బన్నీకి సలాం కొట్టగా, దానికి అల్లు అర్జున్ విజయోత్సహంతో తన ఆనందాన్ని వ్యక్తంచేశారు. ప్రస్తుతం ఈ మూమెంట్కు సంబంధించిన వీడియో నెట్టింట తెగ ట్రెండ్ అవుతోంది.
జాతర సీక్వెన్స్ కి ఫ్యాన్స్ రియాక్షన్ చూస్తూ మురిసిపోయిన @alluarjunpic.twitter.com/T7HEs4l4f1
— Rajesh Manne (@rajeshmanne1) December 4, 2024
అల్లు అయాన్ స్పెషల్ నోట్
ఇదిలా ఉండగా, 'పుష్ప 2' విడుదల నేపథ్యంలో అల్లు అర్జున్‌కు తన కుమారుడు లెటర్ రూపంలో ఓ స్వీట్ నోట్ షేర్ చేశాడు. "నాన్నా నిన్ను, నీ విజయాన్ని చూస్తుంటే నాకెంతో గర్వంగా ఉంది. నిన్ను నెంబర్‌1గా చూస్తుంటే నాకు చెప్పలేనంత సంతోషంగా ఉంది. ఈ రోజు వెరీ స్పెషల్. ప్రపంచంలోనే ఓ గొప్ప నటుడి సినిమా రిలీజ్‌ అవుతోంది. నువ్వెప్పుడూ నా హీరోవే. నీకు ఉన్న ఎంతోమంది అభిమానుల్లో నేను మొదటివాడిని" అని అల్లు అయాన్ రాసుకొచ్చాడు.ఇక ఆ లేఖను బన్నీ తన సోషల్ మీడియా అకౌంట్స్లో షేర్ చేశారు. ఇప్పటి వరకు సాధించిన విజయాల్లో ఇది అతి పెద్దదంటూ ఎమోషనల్ అయ్యారు. ఇలాంటి ప్రేమను పొందటం తన అదృష్టమని ఆ పోస్ట్కు క్యాప్షన్ జోడించారు.
Touched by my son ayaan’s letter 🖤 pic.twitter.com/dLDKOvb6jn
— Allu Arjun (@alluarjun) December 4, 2024
ఫ్యాన్స్కు వైల్డ్ ఫైర్ ట్రీట్ - అల్లు అర్జున్ లేటెస్ట్ యాక్షన్ థ్రిల్లర్‌ ఎలా ఉందంటే?
