Ajith Kumar Car Stunt : కోలీవుడ్ హీరో అజిత్ కుమార్ ఇటీవలే విడా ముయర్చి సినిమా కోసం ఓ డేరింగ్ స్టంట్ చేసిన సంగతి తెలిసిందే. డూప్ లేకుండా ఆయన ఓ ఛేజింగ్ సీన్ చేయగా, కారు కాస్త అదుపుతప్పి బోల్తా పడింది. ఈ వీడియోను మేకర్స్ సోషల్ మీడియా వేదికగా పోస్ట్ చేశారు. ఇక ఆ పోస్ట్ను చూసి కొందరు ఫ్యాన్స్ అజిత్ డేరింగ్ స్టంట్కు హ్యాట్సాఫ్ చెప్పగా, మరికొందరేమో ఆయన ఇప్పుడు ఎలా ఉన్నారంటూ నెట్టింట టీమ్‌ను అడగటం మొదలెట్టారు. ఇక ఈ విషయంపై మూవీ టీమ్ దీనిపై స్పందించింది.
"ప్రొడక్షన్ టీమ్ షేర్ చేసిన ఆ వీడియో గతేడాది నవంబర్ చివరి వారంలో షూట్ చేసింది. ఇప్పుడు ఆయన హెల్తీగా ఉన్నారు. హైవేపై యాక్షన్ సీక్వెన్స్‌ను షూట్ చేశారు. ఆయన నడిపిన కారు టైరులో గాలి పూర్తిగా తగ్గిపోవడం వల్ల ఆ కారు అలా అదుపుతప్పి బోల్తా పడింది. కారులో ఉన్న అర్నవ్‌, అజిత్‌లను టీమ్ వెంటనే ఆసుపత్రికి తీసుకువెళ్లింది. వాళ్లకు ఎటువంటి గాయాలు కాలేదు. మూడు గంటల్లోనే తిరిగి షూటింగ్‌లో పాల్గొన్నారు" అని తెలిపింది.
అసలు ఏం జరిగిందంటే ?
గత కొంతకాలంగా ఈ మూవీ చిత్రీకరణకు ఎన్నో సార్లు బ్రేక్ పడినప్పటికీ మేకర్స్ వేగం పుంజుకుని మరీ షూట్ చేస్తున్నారు. ఇందులో భాగంగా తాజాగా ఈ సినిమాకు సంబంధించిన ఓ వీడియోను షేర్ చేశారు. " ధైర్యానికి హద్దులు ఉండవని నిరూపించిన హీరో" అంటూ క్యాప్షన్ రాసుకొచ్చారు. అందులో అజిత్ కుమార్ డూప్ లేకుండా ఓ డేంజరస్ స్టంట్ చేశారు.
ఓ ఏడారిలో షూట్ చేసిన ఆ సీన్లో అజిత్ ఎంతో సాహసోపేతంగా కారు నడిపారు. ఆ కారు కాస్త రోడ్డు పక్కునున్న ఎడారిలోకి దూసుకెళ్లి బోల్తా పడింది. దీనికి సంబంధించిన వీడియో ప్రస్తుతం నెట్టింట ట్రెండ్ అవుతోంది. ఇందులో అజిత్తో పాటు ఆరవ్ అనే మరో నటుడు ఉన్నారు. ఈ ప్రమాదం నుంచి ఆయన చిన్నపాటి గాయాలతో బయటపడ్డారని సమాచారం.
ఇక ఈ వీడియో చూసిన నెటిజన్లు, అజిత్ అభిమానులు తనను పొగడ్తలతో ముంచెత్తుతున్నారు. అతడి డేరింగ్కు హ్యాట్సాఫ్ చెప్తున్నారు. ఐదు పదుల వయసులోనూ తన ఎనర్జీటిక్ మూవ్స్ చూసి ఆశ్చర్యపోతున్నారు. మరోవైపు ఆయన గతంలో తన సినిమాల్లో చేసిన స్టంట్స్ గురించి చెప్పుకుంటున్నారు.
డూప్ లేకుండా కారు స్టంట్ - అజిత్ డెడికేషన్కు ఫ్యాన్స్ ఫిదా - Ajith Kumar Car Stunt
చిరుకు పోటీగా కోలీవుడ్ స్టార్ హీరో - వచ్చే సంక్రాంతికి 7 సినిమాలు!
