Nayanthara Controversy : లేడీ సూపర్ స్టార్ నయనతార- హీరో ధనుశ్ మధ్య కాంట్రవర్సీ కోలీవుడ్ ఇండస్ట్రీలో ప్రస్తుతం హాట్ టాపిగ్గా మారింది. నయన్ జీవిత కథ ఆధారంగా రూపొందిన 'బియాండ్‌ ది ఫెయిరీ టేల్‌' అనే డాక్యుమెంటరీ విషయంలో హీరో ధనుశ్ తీరును ఆమె తప్పుబట్టారు. దీంతో ఈ ఇద్దరి మధ్య వివాదం కొనసాగుతోంది. ఈ నేపథ్యంలో నయన్ సోషల్ మీడియా లేటెస్ట్ పోస్ట్ వైరల్గా మారింది.
కర్మ సిద్ధాంతాన్ని ఉద్దేశించి నయన్ ఓ పోస్ట్ను ఆమె ఇన్స్టాగ్రామ్ స్టోరీలో షేర్ చేశారు. 'అబద్ధాలతో ఇతరుల జీవితాన్ని నాశనం చేస్తే, దాన్ని మీరు ఒక అప్పులాగా భావించండి. ఏదో ఒకరోజు మీకు వడ్డీతో సహా తిరిగి వస్తుందని గుర్తుపెట్టుకోండి' అనేది ఆమె పోస్ట్ సారాంశం. అయితే ఆమె ఉన్నట్టుండి ఈ పోస్ట్ ఎందుకు షేర్ చేశారో మాత్రం తెలియదు.
అందుకేనా?
'నానుమ్‌ రౌడీ దాన్‌' సినిమాకు సంబంధించి 3 సెకన్ల వీడియో క్లిప్ను డాక్యుమెంటరీ ట్రైలర్లో చూపించినందుకు ఆ చిత్ర నిర్మాత ధనుశ్ రూ.10 కోట్లు నష్ట పరిహారంగా డిమాండ్‌ చేశారు. ఈ క్రమంలోనే నయన్ దంపతులకు ఆయన లీగల్‌ నోటీసులు కూడా పంపించారు. అలాగే ఈ విషయంపై ధనుశ్ ఇటీవల మద్రాస్‌ హైకోర్టును ఆశ్రయించారు. నయన్ - విఘ్నేశ్‌ దంపతులపై దావా కూడా వేశారు. ఈ నేపథ్యంలోనే నయన్ పరోక్షంగా ధనుశ్ను ఉద్దేశించే ఈ పోస్ట్ పెట్టారని నెటిజన్లు భావిస్తున్నారు.
కాగా, 'నయనతార : బియాండ్‌ ది ఫెయిరీ టేల్‌' డాక్యుమెంటరీ ప్రస్తుతం నెట్‌ఫ్లిక్స్‌ వేదికగా స్ట్రీమ్ అవుతోంది. అందులో నయన్ కెరీర్‌, ఆమె ఎదుర్కొన్న అవమానాలు, విమర్శలను ఆ డాక్యుమెంటరీలో చూపించారు. ముఖ్యంగా విఘ్నేశ్‌ శివన్‌తో తనకు ఏర్పడ్డ పరిచయం, వారి లవ్ స్టోరీ, పెళ్లి వేడుకను ఇందులో చూపించారు. అయితే విఘ్నేశ్‌ శివన్‌ డైరెక్ట్ చేసిన 'నానుమ్‌ రౌడీ దాన్‌'లో నయనతార హీరోయిన్‌గా నటించారు. ధనుశ్ నిర్మాతగా వ్యవహరించారు. ఇక ఆ సినిమా సెట్‌లోనే నయన్ - విఘ్నేశ్‌ల స్నేహం మొదలైంది. అందుకే ఈ మూవీ వీడియోలు, పాటలను డాక్యుమెంటరీకి జత చేయాలని వారు భావించినట్లు తెలుస్తోంది.
ముదిరిన డాక్యుమెంటరీ వివాదం - నయన్ దంపతులపై ధనుశ్ దావా
ఈవెంట్లో పక్కపక్కనే ధనుశ్, నయన్- కాపీరైట్స్ కాంట్రవర్సీ తర్వాత ఫస్ట్ టైమ్!
